"Bagt ber"

Bagtdan,bir çümmük paýy berseňem,
Allam, azam bolsa ebedi bagt ber!
Beren amanadyňy haçan alsaňam,
Janym aňsat, alynmagyna rugsat ber!

Mahal-mahal,sygamok bu barlyga,
Öwrenişdirme,bu göwnümi darlyga,
Gijem bolsa,oňat-günleň bardygyna,
Ýetmek üçin öz-özüme sabyr ber!

Irizdi şatlygyň,geldim gitdimi,
Tutdy jellaplaryň,aldym berdimi,
Özüň bilýän,içindäki derdimi,
Eziz Allam,ýüregime rahat ber!

Ýürekden dine kän,dilinde nala,
Köýen ahmyrymy,daňdym men tala,
Ýeke başym bilen,düşsemem ýola,
Kadyr Allam,diňe özüň medet ber!

Etmişim kän,geçip giden geçmişden,
Ýatlamalar çykanok,şul serimden,
Buýur-bulaşyk,ýollar çykar öňünden,
Şol ýollarda,ýöremäne gaýrat ber!

Mämmedowa Aýşat.