Bagyşlaň meni!
Bu — men, dünýä getireni baharyň,
Bu — men, zyr dälisi goja jahanyň...
Asman dek kükredim kükrän mahalym,
Ine, şunuň üçin bagyşlaň meni!
Ýada sarpa goýdum, ýakyna has-da,
Toýda aglamadym, gülmedim ýasda,
Garrap, tapdan düşdüm ýigrim bäş ýaşda,
Ine, şunuň üçin bagyşlaň meni!
Arzuwa arzuwy sepläp ýaşadym,
Soňuny saýmadym — gepläp ýaşadym,
Kä kemsinip, käte “güpläp” ýaşadym,
Ine, şunuň üçin bagyşlaň meni!
Dogrumy, ýalňyşmy — oýlamadym men,
Ýüregmi her kimsä paýlamadym men,
Islegmi gursakda jaýlamadym men,
Ine, şunuň üçin bagyşlaň meni!
Hem tüssäni söýdüm, hemem gussamy
(Kim gördükä şeýle dertli hassany?!),
Kem-kem endik etdim ýüzüm asmany...
Ine, şunuň üçin bagyşlaň meni!
Bir kagyza eýe, ýadamaz galam
bolmagy isläpdim...
Bolmady bulam!
Hemrama öwrüldi galp bilen ýalan,
Ine, şunuň üçin bagyşlaň meni!
20.02.2021ý.
Sapa HOMMADOW
Bu — men, zyr dälisi goja jahanyň...
Asman dek kükredim kükrän mahalym,
Ine, şunuň üçin bagyşlaň meni!
Ýada sarpa goýdum, ýakyna has-da,
Toýda aglamadym, gülmedim ýasda,
Garrap, tapdan düşdüm ýigrim bäş ýaşda,
Ine, şunuň üçin bagyşlaň meni!
Arzuwa arzuwy sepläp ýaşadym,
Soňuny saýmadym — gepläp ýaşadym,
Kä kemsinip, käte “güpläp” ýaşadym,
Ine, şunuň üçin bagyşlaň meni!
Dogrumy, ýalňyşmy — oýlamadym men,
Ýüregmi her kimsä paýlamadym men,
Islegmi gursakda jaýlamadym men,
Ine, şunuň üçin bagyşlaň meni!
Hem tüssäni söýdüm, hemem gussamy
(Kim gördükä şeýle dertli hassany?!),
Kem-kem endik etdim ýüzüm asmany...
Ine, şunuň üçin bagyşlaň meni!
Bir kagyza eýe, ýadamaz galam
bolmagy isläpdim...
Bolmady bulam!
Hemrama öwrüldi galp bilen ýalan,
Ine, şunuň üçin bagyşlaň meni!
20.02.2021ý.
Sapa HOMMADOW
Arhiwiň ýagdaýy
● Doly tekst
● 19/19 teswir saklanypdyr
Ýazylan saýty: dostluk.ru · Çeşme: Web Archive nusgasy — dostluk.ru, 28 fewral 2021 ý. · Asyl sahypany gör ↗
Teswirler 19
"Ýakyny syladym, ýady-ha has-da"
- bolmalydy.
Misli yusup züleyhany,
Söwen dek söwmüşem seni.
Züljelal (arapça Zu-l-jela:l) – "dabara eýesi, şan-şöhrat eýesi;
mertebeli, şanly, şöhratly" diýmek, ýagny bu söz – Hudayyň epiteti.
2 ýylyñ aryny alypsyñ молодец.
bolmagy isläpdim...
Bolmady bulam!
Näme üçin bolmadyka gyzyklandym😒