Mynajat

Mynajat
Ýaraty ganadyn ganadyp uçan
Göwün guşum kebelek deý semräpdir.
Gözdürtme görnüşler bulam-da-bujar,
Gögüñ ýüzi burçak-burçak derläpdir.

Ýok ahyry bu ýazgytdan gaçaryñ,
Öñde-soñda bu suraty çekmeli!
Älemi añk eden älemgoşaryñ
Bir-birine gatyşypdyr reñkleri.

Bor, muña-da dişim gysyp çydaýyn,
Pikirlerim çykyp gitse setirden.
Senden başga kim gorasyn, Hudaýym!
Görüner-görünmez bela-beterden.

Düýnümizden ertämizi çaklaly
Her demimiz barmak büküp sanalan.
Keseller zym uçan bolaýjak ýaly
Tekjesi takrasa dermanhanalañ.

Harplarym saýlasyn çäji harpykdan!
Sözlerim sowurdym bir tarhan ýaly.
Bu bela müdimi öçüp harplykdan,
Bolup gitmezmikä ýer tartan ýaly.

06.08.2020
Sungat Gurbangeldi