Jübütleriň syry..

Olar ikidiler, iki jübit...olary durmuş birikdiripdi, indi olaryň ikisiniňem ýoly birdi, olar maşgalady. Olaryň durmuşy kä ýerde süýjidi, kä ýerde ajydy, käbir ýerde bolsa gülkünjiräkdem. Umuman aýdanyňda olaryň durmuşy adatydy, adaty ýaňyja maşgala guran bagtly juwanlaryň durmuşydy. Olar juda bagtlydylar, çünki olar biri-biri üçin durmuşlarynyň manysyna öwrüldiler. Ýaňyja durmuş toýlaryndan soň: ol oglan gyzy eliniň aýasynda saklaýardy, gijelerine oňa garaňky bolmasyn diýip asmanda ýyldyzlary ýakýardy.
Ýakynda ol täze jaýyň hem gurluşyk işlerine başlady, daşyndaky adamlar oňa "Hawala bu oglany gelni nädip söýmesin? munuň ýekeje kemçiligem ýok ahyryn, beýle oglan bilen bagtly bolmak aňsat!!!" diýýärdiler. Juwanlar bu sözleri eşidip diňe ýylgyrýadylar we öz syrlaryny hiç kime aýdanokdylar.
Olaryň syry şundady: Ol oglany kemçiliksiz edenem şul gelindi, özüniň mähri aladasy bilen şu derejä ýetirenem şu gelindi, ol gelin hemişe oňa garaşýardy, garşy alýardy hem ugradýardy. Ýoldaşy özüni hemişe rahat duýar ýaly ojagyny ýylylykda saklaýardy. Daşyndaky adamlar: "Hawala, bu gelini ýoldaşy näme üçin eliniň aýasynda saklamasyn? Ol maşgala üçin döredilen ahyryn, ol oglanyň bagtlydygy geň däl " diýýärdiler.. Juwanlar bolsa diňe ýylgyrýardylar we öz syrlaryny hiç kime aýdanokdylar.
Olaryň syry şundady: Ol gelin diňe şul oglan bilen bolmaga doglandy we diňe şul oglanyň öýüne rahatlyk hem ýylylyk getirip biljekdi..
Bir näçe ýyldan soň: Ol oglan eýýäm uly adama öwrüldi, ol durmuşda ýöreýärdi, ylgaýady, büdräp ýykylýady, ynamy gaçýady, ýadaýady.
Daşyndaky adamlar: "Ol zenana näme üçin beýle ýoldaş gerekkä, bul durmuşda üýtgeşik gazanan zadam yoga, şol durmuşdan awunup büdräp ýör, bul ejiz" diýişýärdiler. Ýöne ol zenan üçin ýoldaşyndan güýçli adam ýokdy, ýoldaşy onuň üçn dünýäde iň mert adamdy. Sebäbi olar bilediler, diýmek her kimden hem güýçlidiler. Bul şol zenanyň kiçijik syrydy. Aýaly hemişe ýoldaşynyň ýaralaryny tämizleýärdi, agyrsyny deň paýlaşýardy, aglaýardy, alada edýärdi. Gije ýoldaşynyň başynda dik oturyady.
Daşyndakylar ýene-de: "Waýeý, şu aýal bu adama näme üçin gerekgä, aladadan ýaňa gözleriniň aşagy göm gök, ýüzlerinem ýygyrt bary tutup çykypdyr, ol özüne ýaşyrak owadanyrak gelin alaýman.." diýýärdiler.
Ýöne ýoldaşynyň syry bardy: Onuň üçn dünýäde aýalyndan owadan zenan yokdy. Heýem öz söýen mährem ýaryňdan, agyňy deň paýlaşýan wepadaryňdan gözel zenan bolarmy? Ýöne bul şol adamyň öz kiçijek syrydy. Olar ömrüniň ahyryna çenli bile örän bagtly durmuş sürdiler. Ýaşlary bir çene baran bolsada bir birlerine bolan söýgüleri öçmedi.
Ýene daşyndakylar: "şunça ýyllap ýüreklerine düşmedimikä? bir birlerinden bizar bolara bir eýýäm wagt boldy" diýýärdiler. Emma bu iki sany är-aýal hiç zat gürlanokdylar, sebäbi bular iki sanyjady, emma daşyndan beýle sözleri diýýänler kändi, ýöne şol adamlaryň ikinji taýy ýokdy, bolan bolsa beýle soraglary bermezdiler..

Bellik:   Dünýäde 6 milliard adam yaşaýar, şolaryň müňlerçesine sen duşup bilyäň, şolaryň 1000-i gabadyňdan geçerler, 500-i saňa serederler, 10-ysy içiňi bilmek islärler, emma diňe ýekejesi ýüregiňe girip müdimilik galar, iň esasy zat saýlaňda yalňyşmazlyk...saýlan adamyňyz siziň bagtyňyzy paýlaşyşy ýaly agyryňyzy, aladaňyzy hem paýlaşyp bilýän bolsun...ýekeje yagşy sözi bilen ruhuňyzy göterip bilýan bolsun. Onsaňam ýene bir zat, haçana çenli ol eý diýýä bu beý diýýär, diýip ýaşajagaý..  Bumat adamlary diňläp, olara görä boljak bolsaň öýüňden çykman oturaýmasaň..!))