Pelaniñ 30 muñ yewrolyk futbolkasy

Turindäki auksionda Peläniň Braziliýanyň ýygyndy toparynyň düzümindäki iň soňky oýunda geýen futbolkasy satyldy.
Maglumatlara görä, ol 30 müň ýewro satyn alyndy. Futbolist ony milli toparyň düzümindäki 1971-nji ýylyň iýulynda Ýugoslawiýa garşy iň soňky oýnunda geýipdi.
Şeýle-de, auksionda italýan welosipedçi lider Fausto Koppiniň hem sary maýkasy satyldy (25 müň ýewro), bu maýkasynda ol 1952-nji ýylda “Tur de Frans”-da ýeňiş gazanypdy, “Ýuwentusyň” goragçysy Luçano Spinoziniň 1971-nji ýylda ýaryş ýarmarkasynyň Kubogynyň finalynda geýen futbolkasy (9,4 müň ýewro), “Napoli”-niň oýunçysy Diego Maradonanyň 1989/90-möwsümindäki futbolkasy (7,5 müň ýewro), şeýle-de Maýkl Jordanyň “Çikago Uaýt Soks” beýsbol klubynda çykyş edende ulanan taýagy (425 ýewro) hem auksionda satyldy.
Ýatlap geçsek, Pele taryhda dünýä çempionatynyň ýeke-täk üç gezekki çempiony hasaplanylýar. Braziliýanyň ýygyndysynda ol jemi 93 oýna gatnaşyp, 77 gol saldy.