Ejeme

Sensizligiň alty ýyly kalbymda,
Kän ýykyldym ony, göterip bilmän.
Soňky ýyllar kesel bilen göreşýän,
Başlan işlerimi gutaryp bilmän.

Ýöne aprel gelse gözlem ýiteler,
Eýe borun bir dogumly güýje men.
Ykbalyma sataşmady senden soň,
Hiç bir ynsan seniň ýaly süýjelen.

Ölmek üçin, bahana kän dünýäde,
Ýaşamak üçinem dürli usul bar.
Derdime düşünen aglar içinden,
Derdim duýup bilmez, her bir musulman.

Ähli zat balyk deý, sypdy elimden,
Tüketdim, iň soňky sabryma çenli.
Eje, az bolsada saňa ýazanlam,
Sen içimde borsuň, gabryma çenli.

Ýazmyrat Çörli.
30.07.19.Ý