"WELOSIPED" (McM)

2-nji klasy gutaryp tomus kanikuly ba$lan wagty ýalbaryp-ýalbaryp
kakama zordan welosiped aldyrypdym. Gönümel kakama aýdyp
bilmesemem, hemişe ejemi bizar edýärdim. " Eje alaýyñ-da maña welosiped, men 5-likçäm welin alañzok, illeñ ogly 2-likçäm welin äberýärler " diýip iñ soñunda aldyrdym. Pedala aýagymam ýetenok,
ramada eýlä-beýlä oýkanyp zordan sürýän. Welosipedime gaty gowy
seredýän, irden turyp çaý çörek iýmän ylgap welosipedimiñ ýanyna
barýan, sypalaýan, agşam ýatmankam süpürsemem, ýene-de elime
matajyk alyp eýlesini-beýlesini süpürýän, oturgyjyny og$aýan, ýere ýatyp pedalyny ýalaýan. Adam dakdym hat-da, "Dordepel" dakdym.
Welosipedine at dakan ýer ýüzündäki ýekeje çaga, men bolaýmagymam
ahmal. Näme üçin "Dordepel" dakdym ony özümem bilemok häzir aýal
dogan, ata meñzedendirin-dä. Garaz, eý görýän welosipedimi, ol çaga
wagtym "Ejeñi gowy görýäñmi kakañy? " diýip sorasalar säginmän "Welosipedimi" diýerdim. Günorta naharyna golaý ejem dagy bazara
gitdiler. Öýde hiçkim ýok. Menem "Dordepel" bilen aýlanmaga çykaýyn diýdim. Köçä çykdym, hezil edip sürýän welosipedimi.
Rulymy a$aky köçä öwürdim, a$aky köçeden geçip ýene öz köçämizden yzyma, öýe gelmekçidim. A$aky köçä ýañy girip
welosipedimi sürüp ugradym welin 30 metr çemeli öñümde 5 sany
oglan otyr, köçäñ gyrasynda. Bu köçäñ oglanlary bilen kän oñ$amzok,
olar biziñ köçämize gelse biz depýäs, biziñkiler gitse olar depýäler.
Entäk 7-13 ýa$ arasynda çagalar biz, beýle nämañ du$mançylygy bu?
Yzyma-da gaýtmadym, ýanlaryndan batly sürip geçip giderin diýip pikir etdim. Ýöne beýle bolmady, sakladylar. Da$ymy gur$ap aldylar,
menem dü$dim welosipedden. Toýly diýilýän oglan: "Eý, sen Mekanyñ
jigsi dälmeý?" diýip sorady. Menem " Ýok... Hawa... Ýöne çyn
doganym däl ol. Kakamyñ doganynyñ ogly" diýip samraýan. Näme
diýjegimi bilemok, "Hawa" diýsem bir bela, "Ýok" diýsem bir bela.
Sebabi Mekan bu köçäñ iñ uly du$many. Gorkarlar diýip "Hawa"
diýsemmikäm, ýogsa beýle diýsem has beter deperlermikä diýýän. Iñ
soñunda dogrymy aýtdym "Dwoýurnym" diýip. "Dwoýurnyñ bolanda
nämow" diýip Toýly arpyk çaldy. Beýlekilerem welosipedimi depýä,
da$ zyñýarlar. Welosipedimi dependen meni depenleri gowy, mende bir
batyrgaýlyk döredi. Oglanlar bilýändirler, ol ýa$larda özüñden birje ýa$
ulam bolsa edip bilýän zadyñ ýok. Olaram menden uly, ýöne onda-da
welosipedimi ýere ta$lap "Erkek bolsañyz ýeke ýekeden geliñ" diýdim.
Hersi ýeke ýekeden gelip meni depdi, göz öñüñize getiriñ. Depdi diýýänimem ýatyryp depmek däldaý, $arpyk urdylar, g*tüme depdiler.
Aglap welosipedimi alyp gitjek bolsam Toýly welosipedimi berenok.
Sen görersiñ häzir, ejemi üstüñden ugratjak diýip aglap öýe gaýtdym.
Öýde hiçkim ýok, nätsemkäm diýip durkam kellä Mekan geldi. Mekanyñ öýüne gitdim, aýtdym $eýle $eýle diýip. Olam "Hany görkez,
külini çykarýan häzir, döwýänlaý" diýip gaharlanyp ýöräp ugrady.
Menem süýtden aýrylmadyk kürre ýaly oñ yzyndan ýöräp ugradym.
Barsak welosipedi gyra çekip da$ynda otyr ekenler. Dwoýurnym
Mekan baryp "Nämow öziñizden kiçini urmaga utanañzokmow, erkek
bolsañyz meni uruñ-da" diýdi. Menem hossar tapynamsoñ göwrümim
giñ. Toýly "Gerek bolsa senem urarys" diýip ýerinden turdy, 5 adam
bolup üý$üp ikimizem depip goýberdiler. Ýöne welosipedimi berdiler.
Ýolda gelýäkäk dwoýurnym Mekan "Näme üçin 5 adam diýip öñünden
aýtmadyñ" diýip meni depip ugrady. Nämä duçar bolanymy bilmän
gadym. lki bilen-ä Toýly dagy depdi, soñ dwoýurnyma aýtdym, ýene
depdiler. Ýolda-da dwoýurnym meni depýä näme üçin 5 adam diýip
aýtmadyñ diýip. "Nämaý, hemmäñiziñ güyjüñiz maña ýetýämaý" diýip
agladym. Aý garaz Stalingrad söwe$inde ýeñli$e sezewar bolan Nemes
esgerleri ýaly bolup yzymyza gaýtdyk depilip.
Öýe gelsem ejem dagam bazardan gelipdirler. Üsti-ba$ymy görip näme
boldy diýip sorady. Menem aýtdym. Welosipediñ pokry$kalaram
ýarylypdyr, ikisem, diýdi ejem. Dogrudanam ýarylypdyr, gelýäkäm
ünsem bermändirin. Toýly ýarypdyr. Ag$am adatdan da$ary hiç zat
bolmady. Ejem wakany gürrüñ berdi kakama, kakam käýedi. Entäk "Körpeler" gutarmanka otagyma ýatmaga ugratdy. Torsarlyp otagyma
girdim. Yz ýanym bilen ejem geldi. "Ýeriñi salaýynmy oglum?" diýdi.
"Señ bilen gürle$jek däl eje, näme bolsa ag$am kakam gelende aýdyp berýäñ, olam maña käýeýä" diýdim. "Biz näme edýänem bolsak
çagalarymyzyñ gowulygy üçin edýäris-ä oglym" diýip kellämi
sypalady. Gaharym uçup gitdi. "Bolýa" diýdim, "Bolýa eje, indi a$aky
köçä gitmerin". Ýerime geçip ýatdym. "3 idiots" daky ýaly içimden" ol
iz wel, ol iz wel" diýdim. Ertirki günüñ has gowy boljakdygyna pugta
ynanyp gözümi ýumdym. Uklapdyryn. Ertesi güni irden ejem turuzdy.
Bar, welosipediñe seredip gör, diýdi. Menem welosipedimiñ ýagdaýyny
bilýärdim, pokry$kasy ýaryk,seredesimem gelenok. Oýaly ukyly çykyp
welosipedime tarap ýöräp ugradym. Seretsem, iki tekerem abat dur.
Nähili beýle bolýa diýip ejeme soradym. "Kakañ gije ýatman pokry$kalary ýamady, düzetdi" diýdi. Kiçem bolsam gözüm eýa aýlanyp gitdi, ýyrardym.