Ýenede köpeldi etsem,goýsamym, Ýürekden arzuwlar, dömdi şobada.

Aýbölek ATAGELDIÝEWA / Duýgymyň sesi.

Tez maral deý önüp ösdüm düzlerde,
Giñ ýaýlasy derdin gutar hassanyñ.
Öz derdimi diýe bilmen sizlerge,
Men gedaýy ýazylmadyk dessanyñ.

Ýürek kapasada erksiz galgadym,
Göwnüm zynjyrlanan ýokdur ganatym,
Mähir küýsäp derdim gozgan halatym,
Suwsadym şygryna Şähribossanyñ.

Aşyk boldum däli-telbe şygryna,
Men dözmedim oñ dözmedik jebrine,
Kimler ötdi yşk odundan jibrine,
Arasynda zemin bilen asmanyñ.

Ýüzüm tutdum bu dünýäniñ howruna,
Ýanyp bişdim ataşyna gowrula,
Bir gün çykar janym tenden sowrula,
Gözün ýaşlar, bagryn daglar hossarym.

Ahwal

Gör, köredi umytlarmyñ uçguny,
Şowsuzlykdan buz düşenen ýürekde.
Halys tapdan düşüp, ugrun ýitiren
Arzuwlarym şineledi seret-le.

Gabadymdan geçip giden günleriñ,
Duýmandyryn neneñ-niçik geçenin.
Hyrçym dişläp, hemem dişläp ujyny,
Başymdaky sary öýmåñ seçegin.

Gümra bolup gam-gussaly günlere
Ter güllerde eglenmedi nazarym.
Boýun bolman, hemem açman ýüregmi,
Egne aldym kyn günleriñ gazabyn.

Şükür gol uzatdy dogan-dostlarym,
Allam umyt berdi ertirki daña.
Togsan günläp gözlerimde doñan ýaş,
Bu gün eräp gaýtdy mertlikden ýaña.

Ýenede köpeldi etsem,goýsamym,
Ýürekden arzuwlar, dömdi şobada.
Men indi garaşýan şu günden şeýläk,
Öwrülerne yhlasymyń myrada.