Dostluk saýtyna Hoş Geldiňiz

Essalawmaleýkum, Dostluk saýtynyň Hormatly agzalary we myhmanlary. Hemmäňizi saýtda görüp duranyma örän şat. Saýt göwnüňize ýarar diýip umyt edýärin. Saýt barada pikirleriňizi ýazyp galdyryp bilersiňiz. Indi, bolsa, size saýtyň käbir mümkinçiliklerini tanyş etsem. Ýagny:

1. Pikirler: Bu bölümde, siz, öz dost-ýarlaryňyz bilen, pikir alşyp, özara gürrüňleşip, bilmedikleriňizi sorap-öwrenip bilersiňiz.

2. Forum: Bu bölümde, siz, öz döredijiligiňizi paýlaşyp, terjime eden eserdir-goşgularyňyzy, halap okaýan şahyrlaryňyzyň, ýazyjylaryňyzyň eserdir-goşgularyny paýlaşyp bilersiňiz. Mundan başga-da, mowzuklara Haladym (Halamadym) goýup, agzalaryň ýazan teswirlerini +(-) we sag bolsun bilen bahalap bilersiňiz. Siziň açan mowzuklaryňyz Administratsiýa tarapyndan tassyklanandan soň, hemme agzalara görünýändir.

3. Suratlar: Bu bölümde, siz, öz düşüren foto-suratlaryňyzy, öz albomyňyzy, döredip, paýlaşyp bilersiňiz. Ol albomy, diňe dostlaryňyz görýän, ýa kodly hem edip bilersiňiz. Mundan başga-da, agzalaň foto-suratlaryny bahalap, olara teswir bildirip bilersiňiz.

4. Şahsy hat: Bu bölümde, siz, öz dostlaryňyz bilen, şahsy hat alyşyp, bir-birege faýl ugradyp bilersiňiz.

5. Hepdäň ýyldyzlary: Bu bölümde, her hepdäň 7-nji güni 00:00 dan 23:59 aralygynda Agza goş funksiýasy awtomatik işleýär, we şol güni 100 agza özüni ýa-da başga bir agzany goşup biler. Goşulan agzalara beýleki agzalar ses berip bilerler we hepde dowamynda iňköp ses alan 3 agza baş sahypa çykýar.
we ş.m.
Ýakynda

Saýt derejeleri:

Täzeje - 0-50 dereje bolanlar

Öwreniji - 51-100 dereje bolanlar

Özümiziňki - 101-300 dereje bolanlar

Gerekli - 301-500 dereje bolanlar

Gytyndan - 501-1000 dereje bolanlar

Betinden - 1001-3000 dereje bolanlar

Hakyky dost - 3001-5000 dereje bolanlar

Ýaşuly - 5001-10000 dereje bolanlar

Vip agza - 10001 - ∞ dereje bolanlar

Bellik: Häzirlikçe derejeleriň hersi üçin aýratyn mümkinçilikler berilmedi. Çünki, entäk saýtymyz täze bolany üçin hiç bir agzada dereje ýok.

Siz saýtdan peýdalanyp başlamazdan öň saýt düzgünleri bilen hem tanşyp çykmagyňyzy maslahat berýärin. Eger, siz saýtdaky düzgünleriň azyndan 80%-ne razy däl bolsaňyz, şu wagt saýtdan çykyp gidip bilersiňiz. Mundan başga-da, siziň Adminiň ýa-da saýlanyp alynan moderleriň, dolandyryş prinsipine garşy bolsaňyz, Adminiň şahsyna ýüz tutup bilersiňiz. Onuň üçin hiç hili, pikirde, Forumda dawa turuzmak gerek däl. Saýtyň uzak möhlet size hyzmat etmekligi siziň özüňize bagly. Hem-de, sizi bu saýta zorluk bilen girizýän hem ýok, eger, girip saýtdan peýdalanýan ekeniňiz, saýt düzgünnamasy boýunça hereket etmeli bolarsyňyz. Siz okamany bilýän, akylly-huşly, düşünjeli adamlara ahyryn, haýwan dälsiňizä!? Diýmek, biz, bir-birek bilen düşünişip, hereket edip bileris.

Bir-birek bilen pikir alyşyň, bilmedikleriňizi soraň, bilmezlik bu aýyp däl, soramazlyk aýyp. Hemmämiz hem okap, düşünmediklerimizi sorap öwrenýäris, hiç kim aňyrdan öwrenip gelmeýär. Altyndan gymmat bolan wagtymyzy biderek zatlara sarp etmäniň deregine, okalyň, öwreneliň. Geljekgi ýaş nesillerimize bilýänlerimizi öwredeliň, bilmediklerimizi bilýänlerden sorap öwreneliň. Bilim almak üçin hiç haçan hem giç däl. Käbirlerimiz bilmedik bilmedigin sorasa, ýa-da ýalňyşsa gülen bolýarys, ýene-de türkmenda diýip goýan bolýarys. Näme, geçmişde ata-babalarymyz şeýdip gülüpdirlermi ýa özleriçe masgaralan bolupdyrlarmy? Ýok, beýle däl. Gaýtam, olar bilmedige öwredipdirler, bilmedigini sorap öwrenipdirler. Meniň hem, bu saýty açmakdan esasy maksadym şul, adamlaryň bir-biregi bilen dostlukly gatnaşykda bolmagy, adamlar üçin peýdaly bolan ýazgylaryň bir ýere jemlenmegi....

Okamak, öwrenmek, döretmek, bu biziň esasy maksadymyz bolsun, Hormatly adamlar.

Ýene bir gezek Dostluk saýtyna Hoş Geldiňiz.

Taýýarlan: Aly Ilamanow