Kubok Amerikada çempionlyga barýan ýol faworitleňki däl, sýurprizleňki..

Kubok Amerika - 2011 görýäňizmi? Nähili gyzyklyja geçýämi? Meň özümä şuwagt geçişini erbet göremok. Gyzyklyja.

Futbolda ''Amerika'' sözüni eşdenimizde kellä hökman Braziliýa we Argentina gelýändir. Sebäbi bu ikisi Amerika kontinentiniň liderleri, ýyldyz futbolçylaryň üýşen ýygyndysy. Bu iki ýygyndy islendik ýaryşa esasy faworitler bolup gatnaşýalar, ýaryşlarda bulardan diňe ýeňşe garaşylýar. Ýöne özüňizem bilýäňiz, hemişe ýyldyzlaryňky çüwübem duranok-da. Ine bu gezek hem şeýle boldy. Kubok Amerika - 2011-e №1 faworit bolup gatnaşan, düzüminde dünýäniň iň güýçli futbolçysy Messi, şeýle-de dünýä belli Agüero, Higuain, Pastore, Di Maria, Tewez, Milito, Maskerano ýaly futbolçylary bolan ýer eýesi Argentina hem-de Kubok Amerikanyň soňky çempiony, ýyldyzlaryň üýşen ýygyndysy, ýaryşyň esasy faworitleriniň biri Braziliýa çempionat bilen özlerinden garaşylşyndan has ir hoşlaşmaly boldular. Hawwa, has ir, ýagny 1/4 finalda çempionata ''Býe, býe..'' diýdiler.

Bu iki ýygyndy toparçadaky oýunlarda hem futbol fanatlaryň garaşyşy ýaly oýun görkezip bilmediler. Munuň sebäplerini her kim bir zatdan gördi. Biri trenerlerden, başga biri käbir ýyldyzlaryň sostawa alynmadygyndan, ýene biri meýdançadaky futbolçylaryň özlerinden garaşylan oýny görkezip bilmediginden we ş.m.

Argentinanyň we Braziliýanyň gaýdanyna menä hiç gynanamok. Munuň sebäbi belkem futbolda sýurprizleri söýýänligimdendir. Hawwa Argentina, Braziliýa gaýtdy. Zato ýaryşyň sýurpriz ýygyndylary Peru we Wenezuela çempionluk üçin ýoluna dowam etdi. Şeýle-de Urugwaý çempionatdaky iň owadan futbol oýnaýan ýygyndydygyny, Paragwaý bolsa Braziliýa bilen oýnan soňky oýnundan soň güýçli futbolçylara garşy näderejede goragda durup bilýändigini subut etdi.

Toparçalarda özünden garaşylşy ýaly oýun görkezmedik Meksika diýip bir ýygyndy bar. Žalka şolara. 1/4 finala mynasyp ýygyndydy. Ýöne muny başarmadylar, toparçasynda iň soňky boldular. A Kolumbiýa diýilýän ýygyndy bolsa, toparçasynda özünden garaşylandan hem has gowy çykyş etdi. Olar toparçasynda geçiren 3 oýnunda ýekeje gol hem saldyrmadylar. Kolumbiýanyň 1/4 finala çykmagynda wratarlary Luiz Martineziň hem-de hüjümçileri Radamel Falcaonyň paýy uludy. Ýöne 1/4 finaldaky Peru oýnunda bolsa bu iki gahryman toparynyň öýüne wagtyndan öň gaýtmagyna sebäp boldular. Falcao penaltyny sypdyrdy, Martinez bolsa iki sany biderek oşibka goýberdi. Çempionatda Urugwaýdan soň oýnaýan futboluny halan ýene bir ýygyndym bar - Çili. Öz pikirim: Çili finala mynasyp ýygyndydy. Toparçadaky oýunlarynda näçe owadan futbol oýnan hem bolsa, olara 1/4 finaldan aňryk gitmek başartmady. Çempionatyň sýurpriz ýygyndysy Wenezuela 1-2 hasap bilen utuldylar. Žalka.

Düýn Kubok Amerikada çärýek final oýunlary gutardy:
Kolumbiýa - Peru 0-0 (g.w. 0-2).
Urugwaý - Argentina 1-1 (g.w. 1-1; pen 5-4).
Braziliýa - Paragwaý 0-0 (g.w. 0-0; pen 0-2).
Çili - Wenezuela 1-2.

Indi aýyň 19-20-sine 1/2 final oýunlary oýnalar:
Peru - Urugwaý.
Paragwaý - Wenezuela.

Şu 1/2 finala çykan ýygyndylar barada gysgaça aýdyp geçeýin:

Peru - Iki gezek (1939ý, 1975ý) Kubok Amerikanyň ýeňijisi. Ýöne soňky ýyllarda görkezýän biderek netijeleri sebäpli olar bu ýaryşa gatnaşýan ýygyndylaryň arasyndan iň pes görülenleriň biridi. Perulylar soňky dünýä çempionatyna gatnaşmak üçin geçiren öz kontinentlerindäki saýlama oýunlarynda 10 Milli ýygyndynyň arasynda iň soňky bolupdy. Soňky ýyllarda göze ilýän üstünligi ýokdy. Olar bu çempionatda ''Ölüm grupbasy'' diýlip atlandyrlan C toparçada 3-nji ýeri eýelemegi we 1/4 finala çykmagy başardylar. Bu ýerde bolsa Perulylar toparçalarda öz oýunlaryny iň gowy geçiren ýygyndy bolan Kolumbiýany öýüne ibermegi başardylar.

Urugwaý - Kubok Amerikada 14 gezek (1916ý, 1917ý, 1920ý, 1923ý, 1924ý, 1926ý, 1935ý, 1942ý, 1956ý, 1959ý, 1967ý, 1983ý, 1987ý, 1995ý) çempion bolan Milli ýygyndy. Argentina we Braziliýadan soň çempionatda faworit hasap edilen 3-nji ýygyndy. Şu çempionatda iň owadan futbol oýnaýan Milli ýygyndy. Soňky dünýä çempionatynda 4-nji ýer almagy başaran, düzüminde Forlan, Suarez, Lugano, Muslera, Skotti, Kawani ýaly ýyldyzlar bolan ýygyndy. Meň özüm üçin Forlan-Suarez jübüti Torres-Villa jübütinden soň Milli ýygyndylardaky iň güýçli hüjümçi jübütler. Bilelikde gaty köp iş bitirýäler. Häzir ýoluna dowam edýän 4 ýygyndynyň arasyndan çempion bolmaga iň uly dalaşgär ýygyndy. 1/4 finalda ýer eýesi Argentinlary gaýtarmagy başardylar. Umuman aýdaňda şu çempionatda oýnaýan futboly bilen çempionlyga mynasyp ýygyndy. Urugwaý milli ýygyndysynyň baş tälimçisi Oskar Tabares ýokary derejeli ýaryşlaryň ikisinde (FIFA World Cup-2010, Copa Amerika-2011) yzly-yzyna ýygyndysyny ilkinji 4-lige salyp ýene bir gezek näderejede güýçli tälimçidigini subut etdi.

Paragwaý - 1953 we 1979-njy ýyllarda Kubok Amerikanyň ýeňijisi bolmagy başarýar. Soňky dünýä çempionatynda 1/4 finala çenli barmagy başarýar. Çempionata edil faworit bolup başlamasalaram, ortatap ýygyndy hasap edilýärdi. Paragwaý häzirlikçe özünden garaşylan netijäni görkezýär. Bularyň 1/2 finala gelmeginde wratarlary Justa Villar-yň paýy uludyr. Justa Villaryň ussatlygyna düýnki oýun şaýat.

Wenezuela - Entek bir gezek hem çempion bolup görmändigini ýatladasym gelýär. Şu ýaryşyň iň sýurpriz ýygyndysy. Wenezuela aslynda G.o. Amerikada iň pes hasaplanýan ýygyndylaryň biridi. Ýöne bular bu çempionatda garaşylşyndan hem has gowy netije görkezmegi başardylar we 1/2 finala çenli gelmegi başardylar.

Men Urugwaý - Çili finalyny göresim geldi. Ola bolmady. Ýöne Urugwaý finala kän bir kösenmän bararmyka diýýän. Beýleki tarapdanam indi Wenezuelalylaryň finala barmagyny isleýän. Sebäbi entek olarda hiç-hili çempionlyk diýen zat ýok. Urugwaýyň 15-nji gezek çempion bolanyndan, Peru we Paragwaýyň 3-nji gezek çempion bolanyndan, goý 1-nji gezek Wenezuela çempion bolup görsün. Çempion bolup görmedik ýygyndylaryň sanawy 3 däl-de 2 bolsun.

Köpräk samrapdyryn. Şunam köp görüp okamaga ýaltanarsyňyzam welin, näme edeýyn, mundan gysga-da edip boljak däl-dä. Umuman okanyňyz üçin )sagja boluň. 🙂

Haýsynyň çempion bolmagyny isleýäň?

Peru(0%, 0 adam)

Urugwaý(62%, 15 adam)

Paragwaý(8%, 2 adam)

Wenezuela(29%, 7 adam)