Dünýäniň iň gymmatly marka­lary

Dünýä bazar ykdysadyýeti bilen içgin gyzyklanýan “Millward Brown” şereketiniň “BrandZ dün­ýäniň iň güýçli 100 markasy” sanawynda “Apple” 1-nji ýeri eýeledi. “Apple” iň gymmatly marka­laryň sanawynda soňky 4 ýylyň lideri “Google”-den ozdurmagy başardy. Geçen ýylka garanyňda öz gymmatyny 84 göterim artdy­ryp, 153 milliard dollara ýetiren “Apple” 2006-njy ýyldan bäri 859 göterim ösüş gazandy. “iP­hone” we tabletka kompýuteri “iPad” satuwlarynyň ýokary bol­magy şereketiň 1-nji bolmagyn­da esasy rol oýnady.Sanawda 2-nji ýere 4 ýyllap öňdeligi eýeläp gelýän “Google” my­nasyp boldy. Onuň gymmaty 2göterim pese gaçyp, 111 milliard dollara deň boldy. Dünýäniň iň gymmatly markalary sanawynda 3-nji orun IBM şereketine degişli bolup, onuň 17 göterim artan gymmaty 101 milliard dollara ba­rabardyr. Sanawa dördünji bolup tiz-tagamyň iň öňdäki şereketi “McDonalds” giripdir. Girdejisi 22 göterim ýokarlanan şereketiň gymmaty 81 milliard dollara deň boldy. Dünýäniň iň uly “softwa­re” (kompýuter programmalary­ny öndürýän) şereketi “Micro­soft” 2 göterim ösüş görkezip,gymmatyny 78,2 milliard dollara ýetirdi we 5-nji bolup sanawa goşuldy.Sanawa giren täze 11 markanyň 7-si BRIC ýurtlaryna ýagny, Brazi­liýa, Russiýa, Hindistan we Hyta­ýa degişlidir. Bu görkeziji 2006-njy ýylda bary-ýogy 2-ä deňdi.Häzirki wagtda sanawda bu ýurt­laryň adyndan 19 şereket wekil­çilik edýär. Ýöne dünýäniň iň öň­däki 8 gymmatly şereketi ABŞ-nyň kompaniýalarydyr.2010-njy ýylda Ýaponiýadan öňe saýlanyp, dünýäniň ykdysa­dy taýdan ösen iň uly 2-nji ýur­dy bolan Hytaýyň şereketleriniň sany 7-den 12-ä çenli artdy. Sana­wa goşulan şereketleriň arasyn­da bölekleýin satuw kompaniýa­laryň ornuny çalyşmagy aýratyn bellärliklidir. Bölekleýin satuw boýunça ABŞ-nyň meşhur kompani­ýasy “Walmart” internet arkaly satuwyň lideri “Amazondan” yza galdy. 37 göterim ösüş bilen gymmatyny 37,6 milliard dollara ýetiren “Amazon” 5 göterim pe­selip gymmatyny 37,3 milliard dollara düşüren “Walmartdan” öňe saýlanmagyň hötdesinden geldi.Şeýle-de, geçen ýyl tehniki ýalňyşlyklar sebäpli millionlarça ulagyny yzyna gaýtaryp alan “Toýo­tanyň” gymmaty 11 göterim ar­typ, 24,1 milliard dollara deň bol­dy. Geçen ýyly şowsuz tamam­lan BP-niň gymmaty 27 göterim pese gaçdy. Hytaýyň gözleg ulgamy “Baidu” “Facebook”-dan soň iň ýokary ösüşi görkezen 2-nji firma bolup, ol gymmatyny 141 göterim artdyrdy (22,6 milliard dollar).Gysgaça aýdylanda tabletka kompýuter we “akylly” telefon öndürýän markalar beýleki teh­nologiýa hem-de telekommunika­siýa şereketlerinden öňe saýlan­dy. Sanawyň ilkinji 3 ornuny tabletka kompýuter, “akylly” tele­fon hem-de internet şereketleri eýeledi. Galyberse-de sanawda je­mi 13 sektor boýunça şereket özüne orun tapdy. Sektorlara seredilende gymmaty artan sektor­lar tiz-tagam, lýuks harytlary sarp etmek we tehnologiýa diý­lip bellenildi. Başgaça aýdylanda tiz-tagam 22, lýuks harytlary sarp etmek 19 we tehnologiýa 18 göterimlik ösüş gazandy.