Sessiz sözlemler

Küşt göçümlerimi ýazgaran ykbal galamyna hemme tankydym,
Men sahydym küteldi galamym, setirlerime syýa boldy gözýaşlarym.
Maňa ulumsy diýen dilleriň nadan gözleriniň içine seretmek islärdim,
Kesämden at daksalarda maňa meňzemek isleýänlerini bilýärdim.
Aýnada gören adamym men däldim maňa çalym eden bir berduşdy ol,
Saçyma aralaşan aklaryň sanyny sanadym düýn barmaklarym guruşdy.
Ýüregimiň uruşyna gulak ber gülüm gujakla meni kalbymy gam basdy,
Özüňi ýeketäk öýdüp eliňi çekme, ýeketäk doly bu ýeriň asty.
Paslyna aşyk gülüňem soluşyny göremde ýigrendim söýgini,
Her ýylgyryşyň yzyna bir gussa gizli bolsa söýmäň meni.
Demi demine ýetmän uçup barýan eken wagt wah giç bildim,
Ölüme howlugýan eken ýürek, çaltjak ulalmakdy meň çagalyk düýşlerim.
Düşlemeli boldum bagyşla, agyr geldi syrlarym meň ruhyma,
Sulhym almasada mejburmy ýüregim söýmäne garaman boluşyna.
Aýtsana pirim, asylly dymmak haçandan bäri sözden gymmat,
Maňa ak pata ber pirim, wagtym dolupdyr men gitjek…

Ýüregimde ýatanlar,
Sessiz sözlemler,
Derdimi kime aýtsam
Halyma deñ aglar?

Her eline galam alana şahyr diýmenem begler, şägirt geňlär,
Kem däl, dogry sözüň dosty bolmaz emma wyždanym ýeňlär.
Kepär dodaklarym söze teşnelikden kepär,
Ýazan her setirimiň gadry gözlerimi ýumamsoň birgün has giňär.
Bu ýekelik derdi, meň eginlerimi basan perwaýsyz eldi,
Bizi bize köp gördüler agla, bagladylar ýollarymy BIBIM.
Birin-birin gaýdy söýenlerim ýüregimden ýyldyzlar deý,
Söýgi atly soňky galam ýerle ýegsan.
Derwaýys meseläm herkim dymanda aýdyp bilmek müň kelam,
Ýylany synladym we gördüm asuda gözleriniň dili zäherli bela.
Özümi şoňa meňzedýän degmedige degeni ýazgarýar awuly dilim,
Şol sebäpden herkim meni duşman görmekden çekiner dostum.
Goýunyň postuna gizlenen möjekleri geçirdim wagt eleginden,
Iň geregine iň gyraky sözlerimi bagyş edemde aljyradylar gyradeň.
Hudaý tanamaz kelpeň, zulumy ýetime her gün her dem,
Dymanyna seretme, elbet birgün ol hem ulalar görübersen...

Hany senem ur, hançara çalymdaş sözleriňi sok içime çuňurak,
Allam ýa sabyr sorap dymdym, iň uly tankyt sessiz perýat.
Syrat köprüsine goýamaryn hasaby gork menden, gaç indi her dem,
Kem-kemden basaryn damaryňa bilmersiň bu rehimsiz sowgat kimlerden.
Sözüne sözümi gysganmazdan söhbet eýledim sada göwünden, çyndan,
Düýn agam diýenlerden kelpeňlik çolaşdy bu gulagyma birden, süňksiz dilden.
Ya Habibim özüň dillen, ýol görkez maňa bu gapyl galan ýerden.
Kim kimden has beýik, nire nirelerden has oý,
Adam ogluna mahsus bu hereketler, maňa nyrh kesmek hetdine däl olaryň.
Kimileriniň gözüne hileli şeýtan men, köpe sada,
Kimilerine kolonkalarda galdyryp peseldip bolýan ses bara, ana şol men.
Ýörele-ýörele gutarylmajak ýol men, bir galam we ýüz müň sözlem,
Diliň aýdyp bilmeýänlerini gözlere gizleýän ylham, jadyly güýç men.
Belkem şol sebäpden ýazmakdan hiç geçip bilemdi oglan, hiç dynmady, dynmady soran…

DZ-ED