Beýle-de bir uzak gije bolarmy
Beýle-de bir uzak gije bolarmy,
Ilkagşam ýadyma çalaja düşýär.
Ýüregim çolardy, dünýäm çolardy,
Bu gije göýäki gutarmaz puşman.
Aň-hyýalym gurtlar bilen çeýneşen
Günlerini ýada salýan köpek deý
Irkilipdir
Maňa rehm eýle sen
Gaýratym, şuglaňy köňlüme sep-de.
Seniň bilen öwünmedim hiç haçan,
Şygrym, seni täze don deý geýmedim.
Şoň üçin ýaz gelip çilämi açar,
Ýöne häzir boşap galdym, neýleýin?!
Bu dünýede algymam ýok, arymam,
Bar gazabym boş galgaýan ganatda.
Umydym bar, sen gelersiň zaryma,
Zalym ajal demlerimi sanatsa.
Ak buludyň ýüzüp geçen asmany,
Ýaprak bolup, başa gonan güýzlerim.
Uzaklarda garyp galan dost ýaly,
Siziň bilen gussam, ünjüm, düýrmegim.
Gijäm, gara gijäm, harapmy halyň,
Takdyr dertli bilen dertlini goşýar.
Süýji düýşler ýaly, oglanlyk ýaly,
Ilkagşam ýadyma çalaja düşýär.
Awtory Mämmetnazar Babanazarow.
Arhiwiň ýagdaýy
● Doly tekst
● 21/21 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 28 maý 2012 ý. · Asyl sahypany gör ↗
Teswirler 21
gowy go6gy.
Haladym! Kyn gornushde duzulen goshgy!
Gaty gowy goshgy.
Kab aga, öz dünýä garaýshyñyz bn, bu goshga düshündirish beräýseñiz.
Ýa sizem Ylýas agañ aýdyshy ýaly (goshga düshündirish bermek gelishmeýar) sözüne eýerýäñizmi? :-)
Bu bir tarapdan dogram welin, aý ondada goshga öz düshünshim bn siziñ düshünshiñizi deñeshdiresim gelýär.
Sagboluñ paýlashanyñyza.
Ylýas agaň diýjek bolýany, goşgyny düşündirmek kyn. Esasanam gowy goşgyny.
Döredijilik adamsynda käte şeýle ýagdaýlar bolýar: birden joşguny, ylhamy peselýär, gory gutaran ýaly bolýar, hiç zat döredip bilenok, döreden zadyndan göwni suw içenok, ozalky depgin ýok, ana, şol döwür dörediji adamy gaty köseýär, kyn günde goýýar. Dörediji adam döredip bilmese, oňa ondan uly jeza ýok. Ýöne bu pursatlar döwürleýin bolýar, ylham inensoň, ýene ozalky derejesine barýar. Ýokarky goşgy şol pursatlar barada.
bravoo
Sag boluñ Kab aga, gaty minnetdar.
Haladym. Gowy gosgy. Sag bol Kab aga.
minnetdar👏
Bu Mämmet janyň özi. Ol häzirem bu ejiri çekip ýör. Goşgy gaty gowy.
Sag boluñ gaty gowy goşgy. Her adamyñ başyna gelyän yagday. Muña kabz haly diyilyärdi öydyän..
👍
Düşünmedim, ýöne goşgy gowy eken
Sag boluň paýlaşanyňyza Kab aga.
Paýlasanyñ üçin köp sag bol.
'Senin bn owunmedim hic hacan,
$ygrym seni taze don dey geymedim'
$u setirini has gowy gordum.Minnetdar size.
Kab aga minnetdar. oran ajayyp goshgy...
Kab aga minnetdar. oran ajayyp goshgy...
kab aga, sandygyňyzda ýene nähili dürler barka!
Bet gosgy eken. Sag bolun paylasanynyz ucin
Gowy gosgy eken sag boluñ payla$anyñyza minnetdar