Derbi deňlik bilen tamamlandy: Tesvirler United — Tesvirler Citi 22-22
Ýadyňyza düşýämi 1-2 günlikde futbol oýnamaklygy teklip edip tema açypdym. Sag bolsun oglanlar. Goldadylar, şahsa nomerlerini ýazdylar, habarlaşdyk, üýşdük, futbol oýnadyk. Bir begenen zadym bu gezek öňkilere seredeňde adam sanymyz köpdi. Her komandada arkaýyn 5-5-e oýnap bilýädik. Oýny geçirmek üçin polýa tapmak azajyk problema boljak boldy. Ýöne onam çözdük. Duşuşyk üçin Aşgabatdaky ''Köpetdag'' stadionyň sag gapdalynda ýerleşýän täzeräk açylan mini futbol polýany saýladyk. Ýesli çto ýatladýan, geçen dekabr aýynda şo ýere Gurban Berdiýew hem gelipdi. blum
Duşuşyga gde to 18:20-lere başlaýdyk öýdýän. Aslynda olar ýaly wagt howanyň nähili yssy bolýanyny özüňiz bilýänsiňiz. Ýöne düýn maňlaýymyzdan salkynjak, bulutly howa boldy. Soňra oýna başlamankak iki topara bölündik. Ýagny öň hem duýduryşym ýaly ''Tesvirler United'' we ''Tesvirler Citi''.
Komandalaryň düzümi:
Tesvirler United: Ata (captain), Vampire, Nurx, Batyr, Quotient, Mirasymyz.
Tesvirler Citi: ChemicalMan (captain), FCB, Incredible, Lukman Hekim, Generallismus.
Oýna ilki ''Tesvirler United'' başlady. Hasaby bolsa ilki ''Tesvirler Citi'' açdy. Siti-liler oýna ýaman gowy başladylar. Olar oýnuň başynda 4-5 gol aratapawut bilen öňe hem geçmegi başardylar. Ýöne näme diýseňem Ýunaýted Ýunaýted bolýa-da. Näçe gol tapawut bilen utulsa-da barybir hasabam deňlediler, öňe-de geçdiler. Umuman oýnuň birinji taýmy Siti-lileriň az-owlak üstünligi bilen geçdi.
Lütümiz süýnip, dilimiz sallanansoň özümizçe pereriwa çykdyk. Suw içdik, bir-birimiz bilen tanyşdyk. Täze güýç bilenem oýnuň ikinji taýmyna başladyk. Ikinji taýmda ýadawlyk azda-kände bildirdi. Ikitaraplaýyn garşylykly golar atyldy. Soňuna çenli çekeleşikli geçen duşuşyk deňme-deň, ýagny 22-22 hasaby bilen tamamlandy. Oýnuň dowamynda kimleriň köp gol salandyklary barada plan zat diýmäýin. Herkim näçe gol salanyny aşakda ýazarda, özä sanap ýördüler. blum
Indi öz pikirim boýunça oýundaky iň owadan goly we iň gowy oýunçyny ýazaýyn:
Oýnuň iň owadan goly meniň pikirimçe Ata agaň salan goly. Howadan gelýän top bilen Siti-lileriň goragyndan geçip, topy ýere düşürmän gowja salypdylaý. Ýadyňyza düşýämi şo gol? 🙂
Oýnuň iň gowy oýunçysy bolsa meniň öz pikirimçe FCB. ''Tesvirler Citi''-niň goragynda gaty gowy durdy. Bize FCB-den geçmek baýboouw ýaman kyn boldow.
Sizem iň owadan gol bilen iň owadan oýunçy baradaky öz pikirleriňizi ýazarsyňyz-da. Ýöne öňünden aýtýan, özüňi öwdi ýokdur. 😆
Umuman alaňda oýun gyzykly boldy. Hä ýene bir zat ýatdan çykypdyr-a. Oýunda Vampire erbet tramwa boldy. 03-e jaň edip skora çagyrdyk. 😆 Soň bejerdikläý ony. Oýny görmäge gyz agzalarymyzdan hem gelenler boldy welin bilet bolmansoň yzlaryna gaýtmaly boldular-da gynansagam. 😆
Oýun gutarandan soň ýaşuly agzamyz Ata aganyň teklibi boýunça oturyp köp zatlary maslahatlaşdyk. Saýt barada, agzalar barada, agzybirlik barada.. umuman köp zat barada 1 sagat töweregi maslahatlar etdik. Soňra bolsa şo Ata agaň teklibi boýunça futbola gelen oglanlar bolup, iýul aýynyň 7-sine Abadan şäherinde bolan wakada ejir çeken adamlara kömek edeliň, goşulşyp sadaka paýlalyň diýen pikire geldik we muny hemmämiz hem goldadyk. Netijede her kim öz güýjüniň ýetdiginden, öz göwnünden çykaranyny haýyr-sahawat üçin orta oklady. Hemmämizden Allajan razy bolsun! Bu barada düýn pikirlerde ýazyp başga-da isleg bildirýänler bolsa duýduraýyn diýip otyrdym welin ýatyp galypdyrn-da. Şu gün (13.07.2011ý) irden bolsa Abadanly agzamyz Ýuskanepe jaň edip umumy gerek boljak zatlary sorap, şoňa görä-de bazardan ýüklendik we Abadan şäherine, esasanam has köp ejir çeken ilatly ýerlere baryp sadaka paýladyk. Adamlardan sag bolsunlar aldyk..
Şu ýerde bu zatlary gurnap beren Ata agamyza aýratyn sag bolsun aýdasym gelýär. Allajan ondan razy bolsun! Hemmämiziň beren sadakalarymyz kabul bolsun! Ämin!
Duşuşykdan soň düşülen surat:
Dik duranlar: (Sagdan çepe) Mirasymyz, Incredible, Ata, Generallismus, ChemicalMan, Lukman Hekim.
Oturanlar: (Sagdan çepe) Vampire, FCB, Batyr, Quotient, Nurx.
Oýnuň iň gowy futbolçysy kim? :)
Ata(19%, 11 adam)
Vampire(5%, 3 adam)
FCB(28%, 16 adam)
Lukman Hekim(7%, 4 adam)
Mirasymyz(5%, 3 adam)
Quotient(15%, 9 adam)
Encredible(7%, 4 adam)
Generallismus(3%, 2 adam)
ChemicalMan(3%, 2 adam)
Nurx(5%, 3 adam)
Arhiwiň ýagdaýy
● Doly tekst
● 143/143 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 20 maý 2012 ý. · Asyl sahypany gör ↗
Teswirler 143
quo daymyn udaryny saklayadm wn bolmady elden sypdy. Thanks gatnashalara
FCB,by na bolush? horlanypsyna dostum !?
sag bol Batyr. gowy oyun boldy,
Ata gaty fanat eken futbola, yalnyshlarma kop igenday futbol oynamadygyma kop wagt bolda-da🙂 mena dunya ÿykylsada sheyle bolaydymy diyemoklay, futbolam keypine oynadym 😆
men oñem trawmalydym beyleki ayagam ganan bolaÿdy
Ata aga ýene gurnasak gatnasarsyñyzmy? Indiki hepde nesip bolsa.
indiki hepde 23ne yada 31 ne =) menem baryan şol gun
23 ne gurnasak gaty gowy bolýa. Gurnalynda agam ? Senem gelsen menem barýan?
31-ne bolaysinla gowusy, menem geleyin 🙂
yöne ol gun milli sbornynyn oyny barda. batyr gelip bilmaymeseda 🙂
31 ne has govy yone agsam 8 e cenli oynasak bolar.sebabi 8 de men registrasiyam başlaya 😉
onda 24 edeliñ ? 31 gic bolyara öye gaytmaly.
men 24 irden Lebaba geçjek =)
Ibrahimowic. Bolup biler her ikisinde hem. Awgusta gecayse welin bolmaz. Cunki Awgustyn ilkinji guni oraza bashlayyar oydyan. Gorkup duryn shu wagtdan nadip yssyda cydap bilerkam diyip. Futbol oynaysam dagyn... 🙂
habarlashayyn onda oynasanyz.
Fcb meni gecipdir. Gutlayan!
Hany surattttt
Berekella oglanlar!
Biraz wagtlap girip bilmedim teswirlere,shonda derrewjik gurnap,oynap yetishipsiniz-da 🙂
Indi hacahn oynasak bolyar??
Kamera almadynyzmy oyuny?
shu wagt telefondan giryanim ucin bolek boleklap yazjak. 🙂
Oýny görmäge gyz agzalarymyzdan hem gelenler boldy welin bilet bolmansoň yzlaryna gaýtmaly boldular-da gynansagam.hahahah olam enigmamy???😆😆😆😆😆😆enigmajanblumblumblum
ilki bilen hemmanize sag bolsun aytyan. Esasanam gurnayjylara; Batyr we Ata aga.
menem öz pikirim boýunça oýundaky iň
owadan goly we iň gowy oýunçyny
ýazaýyn:
in owadan goly saylamakda menem Batyra goshulyan, Ata agañ howadaky topy bat bilen urup 90lyk burça iberen goly in gowy goldy.
In gowy oyuncy hem yene Ata agady menin pikirimce, sebabi olaryn komandasyny doly ugrukdyryp duran sholdy.
shu yerde bir yalnyshlyk bar; ýaýyñ içindakiler Çepden saga bolmaly 🙂