Nesihatçy
Soňky günlerde erbet derde – “nesihat bermek” keseline ýolukdym. Kimdir birine gep goşup “akyl satmasam” ýüregim gysyp barýardy. Töweregimdäkileriň hereketlerine, gürrüňlerine we hatda geýinişlerine hem hökman at dakýardym. Berýän öwüt-nesihatlarym bilen olary dogry ýola salmaga çalyşýardym.
Bir gün awtobusda barýarkam iki sany çaga gördüm we olaryň hem nesihatlarymdan binesip galmagyny islemän, gep goşmakçy boldum. Meniň çakyma görä çagalar 7-8 ýaşlaryndady. Öňümdäki oturgyçda ejeleri bilen otyrdylar we bukjalaryny gujaklaşyp barýardylar. Çagalaryň biriniň maňa göni seretmeginden peýdalanyp, oňa:
-Salam ýetginjek, mekdebe barýaň öýdýän. Aýtsana mugallymlaryň saňa salamlaşmagy öwretmedilermi? – diýdim.
Oglanjyk bu oslagsyz soraga näme jogap berjegini bilmän dymdy we ýüzüme geň galyjylyk bilen seretdi-de, ýüzüni aşak saldy. Mümkin beýle zatlardan habary ýokdur.
Şondan soň beýleki oglanjygyň egnine çalaja kakdym-da: - Heý, siziň mugallymlaryňyz ulular bir zat sorasa jogap bermeli diýip aýtmadylarmy? – diýdim. Meniň soragyma ol hem jogap bermedi we maňa hiç-hili üns bermeýän ýaly öňe öwrüldi-de dogany bilen güýmendi. Olaryň boluşlaryna janym ýanyp, ejelerine ýüzlendim:
- Çagalaryň şeýle boş ýetişmeklerine gynanmalydyrys. Özem olar okuwa-da gidýärler dälmi?
Zenan maşgala gynançly äheňde :
- Iki ýyl bäri gatnadýaryn. Emma soraglaryňa jogap bererler öýtmeýärin – diýip jogap berdi.
Şondan soň sesimi ýene-de biraz batlandyryp: - şeýle ýeňil zatlary okuwda öwrenmeseler-de, siz olara öwretmeli ahyry. Ýurduň gelejegi olara bagly dälmi eýsem – diýdim.
Aýal günäsiniň uludygyna aňlan bolarly. Birzatlar diýjek ýaly etdi-de, hiç zat diýmän dymdy. Birnäçe duralga geçenimizden soň awtobusdan düşdi we çagalarynyň elinden tutup, mekdepdigi daşyndan bildirip duran bir jaýa tarap ýöredi.
Awtobusyň aýnasynyň tutusyny bir tarapa syryp, ýaňkylaryň girip giden jaýlarynyň gapysynyň ýüzündäki ýazgyny okanymda, “kerleriň we lallaryň mekdebi” diýen ýazga gözüm düşdi.
Arhiwiň ýagdaýy
● Doly tekst
● 22/22 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 14 noýabr 2011 ý. · Asyl sahypany gör ↗
Teswirler 22
Salam Miras aga, mowzugyñy gaty haladym.
Ýashlar ûn edýäñ aladaña köp-köp minnetdarlygymy bildirýän. Dogrudanam watanymyzyñ geljegi ýashlara bagly.
Sagbol Mirasymyz, manyly hekaýa eken.
Adyma PGS diýipsiñiz, chyn adymy aýdaýaýyn agam size, adym Mergen.
Ejemjan Mergenchik diýýä. :-D
Gynancly eken.
Aydanynyzda menem bir waka yadyma du$di.
Awtobusda bir ya$uly dik durup baryar eken.Yanyndada bir ya$ oglan oturgycda otyran eken.Da$yndan seredip oturan biri bu oglana gahary gelipdir.Ya$ oglan bp ya$uly adama yer berman otyr.'Bu ya$larda utanc hayada yok dp icinden hunurdapdir'.Ahyr ol oglana muny yuzuni gyzartmak un aytjak bolupdyr welin oglan du$meli duralgasyna yeten bolmaga cemeli.Oglan elindaki pi$ege yaplanyp abtobusdan du$up gidipdir.Yanky adam oz eden pikirlerinden utanypdyr.
Kawagt gurlaninden gurlemanin has peydaly yerlerem bolyar.
Awtora minnetdar.Manyly hekaya.
Awtory, minnetdar paýlashanyñyza. Gynançly ýagdaý bolupdyr
Manyly eken.
<<Dünýeler düýşdir keýtige>> diýen ýaly bolupdyr.
Hekaýajygyň sýužeti we kompozision gurluşy hindi kinolarynyňka meňzeş eken.
Manyly.
Türklerde bir söz bar: <<Awa gidip awlanmak>> diýip. Köplenç ýokardaky hekaýadaky ýagdaýy suratlandyrmak üçin ulanylýar. Köplenç birine bir zat öwredenimizde özümiz kän zat öwrenýäris. Hekaýada-da birilerine nesihat bermek islese-de özü nesihat alypdyr ekeni. Şoň üçin aýdylan bolsa gerek, bir zady hakykatdan hem öwrenmek üçin ony öwretmek gerek. Sag bol, gyzykly hekaýa. Alara sapak edinere kän zat bar..
Ýalňyş tema teswir ýazypdyryn :-)
Bir dostum maňa biri bir zat islemese-haýyş etmese, eger ony tanamaýan bolsaň kän bir kömek etjek bolmaly däl diýipdi. Men ol diýen ylalşmadym diýeni bilen. Bir gün tomsyň iň yssy günlerinde rus bazaryň ýanynda 50 ýaşlarynda bir daýza menden teke bazara nädip gidip boljagyny sorady, menem ine şu ýerden taksa minseň çalt elter diýdim. olam ýöräp gitmek isleýänligini aýtdy we ýöräp nädip gidip boljakdygyny sorady. Şeýle yssyda ýöremek isleýän bolsa, belkide puly ýokdyr niýeti bilen ak niýet bilen, gelneje taski puluny bereýinmi, bu yssyda ýöremek gyn bolar diýdim. olam gahar gazap bilen pul gapjygyny çykaryp men pulum bar, puluň köp bolsa eýle et-beýle et ýaly zatlar aýtdy. Şondan soňra tanamadygym adama kömek etmekden çekinýärin.. belkem ýalňyşdyr welin
Terbiyechilik ahmiyeti uly, minnetdar paylashanynyza...
Mirasymyz gaty gyzykly sýuzheti janlandyryp bilýän mowzuk açypsyñ! Okaýan wagtyñda kino lentalary ýaly göz öñüñden janlanyp geçip dur. Terbiýeçilik ähmiýeti hem uly eken. Köp sagboluñ!
gowy pikirin bar