Butana gidýäs!

Bu gezek Dildara söz berişim ýaly, edil Dalaý Lamany görmesegem, onuň ynanjy bolan buddizm ynançly Butana gezelenç etmekçi.
Elbetde, ýene-de biz bilen paralleller çekiler.
Onda näme, kökejigimizi tigirläli, kökäň yzynda men, meniň yzymda siz.
Gitdik.

Butan – Hytaý bilen Hindistanyň aralygynda gysylyp oturan buddistik döwlet.
Ýurda Monarh howandarlyk edýär.



Butanlylar hem don geýmegi halaýalar, saçlaryny päki bilen syrýarlar.
Ok atmagy, mergenlikde ýaryşmagy halaýarlar.
Monarh öz halkynyň däp-dessurlary barada alada edýär.
Elbetde, däbe görä bu ala dony geýmänem bilersiň, zorluk ýok, ýöne..... (geýeniň gowy).

Bu ýurtda telewizorda görkezmäge zat bolmansoň - eýýäm näçe ýyl bäri, telewideniýe diýlen zat GADAGAN!



Bu ýurtda ýere taşlanan çilim görmersiňiz – çilim çekmek GADAGAN!
Buddizmden başga ähli dinler hem GADAGAN!



Monarh köçedäki ýazgylar we tabliçkalar barada hem alada edýär.
Hemme ýazgylar hemme ýerde gök fonda ak harplar bilen ýazylýar.



Garryja mamalarymyzyň nagyşlar bilen bezelen agaç şkafjyklary bolardy....
Ýadyňyza düşdimi?
Butanlylar hem howandarlary Monarhyň buýrugy bilen öýlerini owdan nagyşlar bilen bezeýärler.
Edil mamam janyň çäýnekli-süýjili şkafy ýaly.
Jaý bezemek işi arzan däl. Hemem olar ýaryşýalar - kimiň jaýy bet bezelen diýip.



Ähli jaýlary, döwlet edara jaýlaryny, aeroporty, dükanlary.... umuman jaý bolsa, şony eli bilen nagyş çekip bezeýärler.

Rowaýada görä, 500 ýyl ozal bir ýagşyzada öz (bir zatjygy bilen) arwah-jynlar bilen göreşip ýeňmegi başaranmyş. Şo sebäpli (esasan oba ýerlerinde) käbir jaýlarda o rowaýaty ýatladýan surat çekmekden utanmaýarlar.

Gözden-dilden goraýar diýip her oba öýleriniň girelgelerinde bu surat bar.



Şäher ýerlerinde bu suraty esasy köçelerde dälde, çet ýerledäki sowarak göçelerdäki jaýlaryň girelgelerinde çekýäler. Nämede bolsa, şäherliler obalylara görä utanjaňrak bolýalar.



Bu-da oba öýleriniň biri. Mamamyzyň nagyşlyja gyzyl şkafyny tanadyňyzmy? Üç gözlije tahyly (çekeri) hem bar. Bularam stena degiş-degiş edip surat asmagy halaýalar. Hindi artisti öýdän ol stenadaky gyz.



Biziň däbimize görä - jaý körpäňki, bularyň däbine görä - jaý uly gyzynyňky. Oglanlar jaýy özleri gurmaly.



Dynç günleri, marylylaň bazar güni Butanly monahlar monastyrlaryndan çykyp, şäherde, bazarda wagt geçirýäler. Eger, monastyrda ýaşap bizar boldum diýýän dönükler tapylaýsa, olar monastyra 200 $ (olar üçin kän pul) töleýärler we monastyrdan çykyp adaty durmaşa geçýäler.



Butanlylar ölensoň ony ýakýalar, külüni ak toýun bilen bile ýugurýalar we suratdaky ýaly forma ýasaýalar. Onam ak ýa-da altyn reňk bilen boýaýalar we dagyň gaýalarynda goýýalar.



Butanlylar öz jaýlarynyň depesinden ak mata (baýdak) asyp goýýalar. Hemme zat gowy bolar ýaly.
Hemem, jyn-arwahdan goraýan suratlar.

Şondan bärem butanlylar gowy ýaşaýalar.

---

Çeşme: tema.ru