Efiopiýa gidýäs!
Gara bolamsoň,garalar üns merkezimde.Siziň bilen gara ýurtlaryň biri – Efiopiýa gezelençe gitmekçi.
Bu gara gyzlaryň boýnundaky medalýonyny biziň garrylarymyz dakynardy. Garrylarymyz Eýran kümüş manatlaryny ýa-da Nikolaýyň kümüş manatlaryny dakynardylar. Kä bir garrylarymyz bolsa bu gyzlaryňky ýaly, sandyklarynyň açarlaryny saçbagylaryna dakyp gezerdiler. Çepdäki gyzyň döşünde gapjyga meňzeş jübi bar. Garry mamalarymyz bolsa puljagazlaryny haltajykda saklap, ony hem boýnundan köýneginiň içinden sallardylar.Gyzlaryň boýnunda hristianlygyň simwoly bar. Bu ýerlerik hristianlygy getiren missionerler, adama mynasyp ýaşaýyş şertlerinem getrirerler diýen umydym bar.
Köne welsepidiň tigirlerini sim bilen tigirlän wagtyňyz ýadyňyzdamy? Siz bilmeýän bolsaňyz kakaňyzdan sorap görüň. Efiopiýaly çagalaryň bu güýmenjesi olara tanyşdyr. Bu «sportuň» görnüşleri kän. Mysal üçin maşynyň tekerini togalamak hem gyzykly.
Bu-da jygyldyk bazary. Entek olaryň «Altyn asyr» bazaryny gurmaga güýji ýetenok.
Turbadan ýasalankrüşgeler. Bu krüşgeleri nädip, nämede ulanýalar habarym ýok.
Ýaşlar – Efiopiýaň ýagty geljegidir.
Şol ýagty geljege garaşyp garrap giden ozlaky ýaşyň häzirki ýaşulyň biri.
Aeroportda düşürilen surat. Suratdaky adam Prezidente meňzänok. Ýalňyşmasam ol Isa pygamber bolmaly. Eger, suratdaky Isa pygamber bolsa, onda bir gürrüň ýadyma düşdi.
SSSR döwri, 15 respublikaň ähli ýerinde Serdarymyz Leniniň suratlary bolardy. Esasanam aeroportlarda. Onsaň Almata barsaň Lenin gazaksypatmyş. Tbilisä barsaň Lenin burunlakmyş, Taşkente barsaň Leniniň kellesi togalak özbek kellemiş, Ýerewana barsaň Lenin ermenä meňzeýämiş, Aşgabada gelseň Lenin türkmene meňzeşmiş...Eger, suratdaky Iusus bolsa, onda ol Efiopiýaly Iusus.
Sosial reklamalar. Temasy Watanymyzy hapalamalyň! (ozalky jygyllykda adamlaryň gum içine gidip-gelişleri ýadyma düşüp gitdi. Bu mesele entek Efiopiýada çözülmändir. Hindistanda-da bar bolmaly bu mesele).
<span style="mso-ansi-language:<br><br><br><br><br><br>
EN-US" lang="EN-US">
Ýene-de sosial reklama.
Sozsoňynda türkmen folkloryndan mysal getirjek:
Gara bilen sarydan - jennetiň Hüýri dogar.
Sary bilen sarydan - bir ap-ak Peri dogar.
Gara bilen garadan - gözümiň Nury dogar.
Bu gara bilen garadan dogan, gözümiziň Nurlarynyň hem adamdygyny unutmalyň.
Türkmende «Gara göwnüm, ýara göwnüm» diýen nakylyň hem bardygyny unutmalyň.
Meniňem Garadygym ýadyňyzdadyr-la.
Garalaram adam, pişigem bolsa.
---
suratlar: http://tema.ru
Arhiwiň ýagdaýy
● Doly tekst
● 31/31 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 31
sagbol agam paylaşan infolaryn üçin. özün gidip geldinmi yada bir yerden alynanmy surat?
Minnetdar
Minnetdar
« maňa gara diýmäň, meniň ýüregim ak.»
sag bol blog üçin meniňem şeýle blog açasym gelýär welin materiýallary jemlemelida, gyzykly zatlara bar ýogsam.
şu suraty görmede bir zat ýadyma düşdi.
armiýada gullukdakam, orsýetde... sibirde...
garaz, bizden uly türkmen dembelleri ugratmaga giden bolduk.
onsoň «Družba» myhmanhanasynda bir piwnoýa girdik (girdiler, girdim, girdik :-))
piwo zakaz etdik.
getirdi.
nämede bilýäňmi?
biziň ýaşulylaryň täret alýan adaty alýumin kündüginde...
ýatlamaň yzy hökmän däl.
---
efioplar bu demir kürşgede näme edýäkäler?
çaý gaýnadýan bolaýmasalar.
şol kruşgeler yasalyşy öza truba kesilip kesilip, aşagyna yuka demir swarkalanyp, birde tutawaç armaturdan goylupdyr. ansatja usul 😆 yöne na dereje tamiz belli dal 🙂
way meninem gidesim gelyar. Sholan yanyna baryp ozumin biraz agyrakdygymy duysamda 🙂
Gara pishik dayy temanyz uchin ullakan minnetdarlygmy bildiryan!
Efiopiya-nyn yashayish sherti gaty kyn suratlara gora,
shonda-da Sportda; yenil atletikada, uzak araliga ylgamaly bolanda Efiopalilara tay gelyan yok..
Sag bol, garaz efiýob hebeşlerine barapsyňyzda, aramyzdaky oňot parallel geçiripsiň.Mamamlar ýadyma düşüp gitdi,menema şeýleräkdim! Oňat mowzuk !
Sag boluň agam görseň görüp oturmaly, gynansaň gynanyp oturaýmaly mowzuk ekeni...
Gara diýseň bir anekdot emma bolup geçen bir anekdot ýada düşýär, rugsadyňyz bolsa paýlaşmakçy...
Garanyň okany... Okamadyga gün ýoga, bilýäňiz-ä.. Emma okaýanlaryna-da belli wagt şeýle bolana meňzeş. Okany biziň medeniýetimize ýakyn bir ýerde myhman bolýar. Myhmançylyk möhleti dolup gidermen bolanynda, öý eýesine şuny diýýär: <<Sebäbini bilemok emma ýewropany gezibem, amerikanyň bir näçe ştatyny gezibem sizde myhmançylykda bolşum ýaly özümi bagtly duýmadym, özümi gara reňnkli duýmadym. Edil özümi ak reňkli sizden biri ýaly duýup, reňkimi siziň araňyzda unutdym. Minnetdarlygymy bildirýärin...>> Örän ajap setirleri beýan edipdi, örän oňat temalary gozgapdy, emma jogap aýakda alkyşlanjak jogap bolup gelipdi. Öý eýesi: <<Biz ýewropadan, ABŞ-dan tapawutlulykda reňk körüdiris. Biziň üçin adam bolmak iň uly baýlyk, adama hormat Haka hormat...>>
Garanyň okamany ejiz, okany mahzun, okanynyň bize garaýşy ine şeýleräk...
ekskursawod ekeniza )) bet . Hytaylan kurshkelerni gorselera suw bokurdagna yetmaka gutarar :-D
Efiopiýa - Hebeşistan. Bu ýurtda hebeşiler bilen bilelikde berberlerem köp öýdýän.
Hebeşistanyň gaty gowy edebiýaty bar.
gara pishim men-a Etiopiya gitjek dal. Bashga yere gideninde giderin-da!
«tutan guşuňy ütüp goýdum» diýýälermi türkmenler?
temaň içinden geçirilen «paralleli» duýup biliňsiň.
berekella.
Hakyky imanlynyň sözi: «Biz ýewropadan, ABŞ-dan tapawutlulykda reňk körüdiris. Biziň üçin adam bolmak iň uly baýlyk, adama hormat Haka hormat...»
Söýgüli Pygamberimiziň üsti bilen Allahyň bize öwredeni.
Yslamda «Arabyň ajamdan tapawudy ýokdur!» düşünjesi iň uly adam hukugydyr!
Azançy hezreti Bilal hem efiop bolmaly.
Ony sahabalaryň biri kemsidende (belki gara diýip), soňra Pygamberimiziň bu meselä goşulmagy bilen ol sahaba başyny Bilalyň aýagyna goýýa(myka diýýän) we ötünç soraýar.
nähili gowy düzgün, arabyň türkden, türkiň hytaýlydan tapawudy ýok, esasy agram onuň Allaha bolan gatnaşygy.
Keçelä minnetdar.
gowy zatlary ýada saldyrdyň.
Payla$anyñyza sag boluñ.
Dildar hanym.
Indiki gidişligi siz belläň, men gezdireýin.
Nirelere syýahata gideli?
hany edebiýatçylara, olaram başarmasa semeýnyý doktorlara sorag bereýin.
aşakdaky setirleri analizläňsene.
Gara bilen sarydan - jennetiň Hüýri dogar.
Sary bilen sarydan - bir ap-ak Peri dogar.
Gara bilen garadan - gözümiň Nury dogar.
Hüýr - düşnükli, owadan.
Peri - olam owadanyň beti.
şu Nur diýende nähili düşünmeli?
gara bilen garadan - gara dogaýjak ýaly welin...
efioplar beyleki afrikan milletlere gora uytgeshigrak yuzleri, dilleri... yevreylary bar, hristyanlary bar, musulmanlary bar, kommunistlary bar
BIz sheyle eshidipdik.😎
Gara bilen garadan tomzagyn piri dorar.menem siz bilen hebeshistana gitjekdim.Duwunchegimi duwup,tayagyn ujuna hem oturip goydum welin, gara pishigin suratlaryny gorup
goybolsunetdim.Watanymyz hapalamalyn bu bizin uchin chydamsyz yagday dal. Turkmenistanyn hem Eyranyn hem obalarynda,,hapalamalar, hazir hem gormek mumkin. Turkmenler hem onden edil hebeshiler yaly watany hapalayardylar. Uyshup oyun duluna we ya-da ay... umuman bir yere......... son chykdy.