Ölen adam pylança ýyldan başga biri bolup dünýä inermi? /Reinkarnasiýa/

Şu gün bir mowzukda agzalaryň biriniň ýazan teswiri ünsümi çekdi. Ýagny, adamyň dünýä inmeginde we dünýäden gaýtmagynda gaýtalanma barada. Muňa ylmy dilde reinkarnasiýa diýilýär. Bu taglymatyň düşündirmegine görä adamyň ruhy tenini ýalşyp durýar, ýöne bu prosesde hakydanyň ýitýänligi sebäpli täze ten özünden ozalky ten barada hiç zat bilmeýär. Ine, reinkarnasiýanyň özeni şundan ybarat.
Özüm bu ylmy ykrar edemok. Ynanamok. Yslam barada okanja, bilýänje zatlaryma arka diräp, munuň aňyrsy boş, ýalan bir taglymatdygyna ynanasym gelýär. Eger çyn bolsa, onda Magşar güni baradaky düşünjelerimiz püçege çykýar, Allahyň takdyr baradaky ýazan kanunyna ters gelýär /toba/. Çünki, men bir ruha bir ten niýetlenendir diýip düşünýän. Edilen günä-sogap işler üçin beriljek azap-eşretler haýsy /näçenji/ teniň amallaryna görä kesgitlenmeli? 1-njimi, 2-njimi, 10-njymy, ýa hemmesiniň amallary birlikde hasaplanmalymy??? Garaz, şu ylym barada mende konkret, anyk pikir bar: boş, ýalan!
Sizde nähili pikir bar?