Aý-aýdyň gijedi

kab· · 430 gezek okaldy· halanan: 17teswirler.com

Aý-aýdyň gijedi, çola kenarda
Durduk digdireşip, galpyldap, üşäp.
Derýa bolsa sessiz akyp ýatyrdy
Ýyldyzly asmany astyna düşäp.

Diýdiň: "Kakam ýene içip başlady,
Birhili bolaýdy ejem ölensoň.
Jigilermi gyran-jyran edýär ol
Her gün agşam serhoş bolup gelensoň.

Ýöne haýyş edýän, bilmedik bol sen,
Bolsun il üçinem bu ýalan ýaly.
Nädeýin, Atajan, halaýan bolsaň,
Görüber sen meni uýalaň ýaly."

Soň çala hamsygyp, aşak oturdyň,
Mele saçlaň bilen aýagňy duşap.
Derýa bolsa sessiz akyp ýatyrdy
Ýyldyzly meýdany astyna düşäp...

*     *     *

Geldi goja garrap giden
Naçar doganyn görmäge.
Ysgyn-mejaly galmandyr
Indi oň gatnap ýörmäge.

Turdy bir käse çaý içip,
Gowşapdyr gojanyň saly.
Daş çykdy aýal doganam
Küýkerip, eli hasaly.

Şygyrdaşyp dur ýapraklar
Bolup gyzgylt pişmejik deý.
Hoşlaşdy doganlar gaýdyp
Hiç haçan görüşmejek deý.

Awtory Atajan Annaberdiýew.

Arhiwiň ýagdaýy

● Doly tekst

● 18/18 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗

Teswirler 18

Yuskanep 4 iýul 2011 ý. 09:56 +2

Gynancly goshgy eken

Ya Swami 4 iýul 2011 ý. 11:06 +3

Türkmen arak içse hakykatdanda kapyr bolýaraý, hiç zat bolmanda wazzyklap samsyk gürleýärler,nahardan soň aýat töwür galdyrybam Allajana döneýin,allajan meni gowy görýädä dp ýene araga ýapyşar :-(

Ice_heart 4 iýul 2011 ý. 12:08 +5

Sag boluñ paylashanyñyza. Gynandyryjy hem tasirli

Yitigalam 4 iýul 2011 ý. 12:19 +4

Sag boluñ gaty gowy. Birinji goshgydaky yagdayy Allahym hiç kime görkezmesin. Gyza we jiglerine nebsim agyraydy.

ahmet15 4 iýul 2011 ý. 12:26 +3

bet goshgular, yene yetirip dur bar bolsa sheyle goshgularyn!!!

miilli 4 iýul 2011 ý. 12:32 +4

thanks 🙂

blackeyes 4 iýul 2011 ý. 12:51 +3

Tasirli go$gy.Payla$anynyza minnetdar.

Derya 4 iýul 2011 ý. 14:55 +1

Bet, bet, bet!

Maryly 4 iýul 2011 ý. 14:58 +2

2 goşgam gynandyrýar.

NitrogeN 4 iýul 2011 ý. 15:05 +2

tanx for sharing

karanfil 4 iýul 2011 ý. 16:21 +2

gaty gowy yazylypdyr 🙂

Turkmengyzy 4 iýul 2011 ý. 16:32 +2

birinji goshgy has tasirli

MrPalankes 5 iýul 2011 ý. 01:51 +2

gynanchly eken. Yone shondada bet

gara pişik 5 iýul 2011 ý. 07:09 +2

goşgularyň ikinjisini has haladym.
kino gören ýaly boldy.

aslynda, bu tema maňa ýakyn.
ejemiň ýekeje erkek dogany bar.
daýym aram aram ejemiň ýanyna çaýa gelýär.

«Geldi goja garrap giden, Naçar doganyn görmäge» diýende olar ýadyma düşüp gitdi.

hormatly adamlar. dinimizem ýygy-ýygydan aýal doganlaryma myhmançylyga baryp durmagy ündeýär.

goşgyň soňky kupleti hasam gowy.

Şygyrdaşyp dur ýapraklar, Bolup gyzgylt pişmejik deý. (olümi ýatladýan setirler)
Hoşlaşdy doganlar gaýdyp, Hiç haçan görüşmejek deý. (ýene-de olümi ýatladýar)

tagamlyja goşgy. hakykatdanam haladym.

Abat 6 iýul 2011 ý. 06:49 +2

Birinji go$ga gynandym.durmu$da du$ gelinyan wakalar.

Yazlale 6 iýul 2011 ý. 08:13 +1

gynanchly....