Reklama barada

Reklama barada bilýänlerimi ýa-da pikir edýän zatlarymy we professionallaryň işlerini siz bilen paýlaşmakçy. Men bu ugurda höwesjeň. Şonuň üçin bilýän zatlaryňyz bar bolsa siziňem goşulmagyňyzy isleýän.

Reklama - bu islendik ýol bilen, islendik serişdeleri ulanyp belli bolmadyk jemgyýetiň ünsini çekmek üçin ugrukdyrylan maglumat.

Alyjyň gulagyndan bolsun, gözünden bolsun tapawudy ýok beýnine giren ähli reklamyý informaçiýa alyja azajygam bolsa şol haryda bolan isleg bildirtýär. Iň az täsir eden ýagdaýy alyjynyň şol markaly harydyň bardygyny bilmesi. Diňe bir şol markanyň bardygyny bilmek hem eýýäm oňa islemek paýyny berýär. 

Reklama öndürijiler bolsa alyjylarda uly täsir galdyrmakda ýaryşýarlar. Ýagny, alyjyda täsir galdyrmak bilen öz harytlaryna ünslerini çekmek isleýärler. Her bir reklmaça we haryda görä täsir beriş usullaram üýgedýär. Men şu wagta çenli olary 2 bölüme böldüm özümçe: Akylly reklamlar we Gülkünç reklamalar
Häzir aşakda reklamanyň ussatlarynyň eden işlerini göreris we olaryň täsir galdyryş usullaryny öwrenjek bolarys:

ine, mysal üçin şu ýokardaky surat. Köçede edilen reklama. Adatça bular yaly köpçüligiň geçýän ýerinde surat ,baner goýýarlar. Bu ýerde bolsa bir naharhana özüniň balykly çorbasyny öwmek üçin hakyky akwarýum goýup içinede hakyky balyklary goýberipdir. Arka tarapyndanam tarleka wilka. Ýazgy hem ýerlikli. FRESH AS CAN BE. Muňa men akylly reklama diýýän. Şeýle reklamadan täsir almanam bir gördä. 

Şeýle reklama meni dessine   özüne çekýär. Sorag NÄME ÜÇIN? Sebäbi reklamçynyň reklama ediş usuly maňa ýarady. Gyzykly. Mende içgin bir täsir goýdy we azyndan bäh diýdirdi. Bu edilen akylly reklama naharhananyň naharlary superdygyny subut etmeýär, ýa ol ýerde nahar arzandygynam subut edenok. Reklamçylaryň maksady adamlarda nähilem bolsa bir täsir goýmakdy. Onsoň adamlarda awtomat akylly reklama edýän bolsalar akylly adamlardyr, akylly adam bolsalaram naharlaram gowydyr diýen pikir döreýändirdä...

Bu aşakdaky görnüşem men akylly reklamalar görnüşine goýdum. Ilki suratlary görüň:

Bu ýer gyşky eşikleri satýan dükanyň içi. Dükanyň içinde ýörite -25 gradus temperaturalyk otag bar. Öz boluşly dizaýny bar. Gyş eşigi tomusda aljak bolsaňam otaga girýäň. Sowuk, gar we aýna bar. özüňi gyşda ýaly duýup saýlamak üçin eşikleriňi. Üýtgeşik zat. Dükän üçin uly plýus. 

2nji täsir beriş usuly hökmünde gülkünç reklama diýipdim. Aşakdaky surata serediň:

ine, bular gülkünç reklama. Menä ilki göremde hezil edip gülüpdim 😆. Gülkiniň özi awtomat täsir goýýar. Adatça gyzlaram gülkünç ýa-da prikolöik oglanlary halaýarlar. Ýagny, prikolöik oglanlar gyzlaryň ýüreklerinde belli bir täsir goýup olaryň položitel garaýşyny gazanmany başarýarlar. Şu gülkünç reklamanyňam täsiri şolar ýalak. Elbetde adam şol gülkünç reklamany görüp göni şol harydy almana gitmez. Her bir haryt öz kategoriýasyndaky harytlar bilen bäsdeş. Alyjynyň şol haryda mätäçlik duýan wagty kellesine geljek ilkinji marka kellesinde iň köp täsir galdyran marka bolýar.

Reklamany her ýerde her zat bilen edip bolýar. Daşarda, öýde, telewizorda, edaralarda, gazet-žurnallarda, internetde, köpçülikde, adamlarda... Onam ýaňky aýdyşym ýaly haryda görä iň amatly, gowy ýerini bilmeli.

Mowzugymda aýratyn ýer bermek isleýän reklamam bolsa ADVERTISING FOR BETTER WORLD bölümidir.  Bu hili reklamalar adyndan belli bolşy ýaly dünýäniň gowylygy üçin edilýän reklamalardyr.  

ýokarky suratda : BAD WATER KILLS MORE CHILDREN THAN WAR

ýokarky suratda : ALCOHOL - STRONGER THAN YOU THINK


Umuman aýdanymda reklama gaty pully iş. Käwagt näçe reklamalary görüp, çykarylan pul degýärmikä? diýip soraýan öz içimden. 
 Şonuň üçin iň täsir ediji we iň güýçli reklama harydyň hilini gowylandyrmak diýip hasaplaýan. Harydyň hili gowy bolsa iň az reklama pul çykarýanam sen iň täsirli reklama edýänem. Hili gowy harydy alyjylar reklama edýär. Her bir alyjy üçin telewizordaky nätanyş biriniň aýdanyndan harydy ulanyp gören tanyşynyň aýdan sözi has täsirlimikä diýýän ?!

Aşakda teswir bilen ýene birnäçe professionallaryň işlerini goýmakçy.

Halan reklamaňy bärde ses bermän aşakda teswire plýus basyp ses beräý.