Bir gün bag deý ýanyp- köýseň
Bir gün bag deý ýanyp-köýseň
(baky gelen barmy, eýsem?)
abraýňy ataňa goýsaň,
ogluňa atyňy goýsaň ,
bugdaýa meýdany goýsaň,
zemine asmany goýsaň,
gurmadygňy goýsaň eger,
deňi-duşlaň dowam eder.
sährany şähere goýsaň,
tohumy bahara goýsaň.
goýsaň,
goýsaň,
köp zat goýsaň,
derdiňi enä goýmasaň.
dert alynmaz ýöne ýere,
kim başyn hesrete goşar?
ýöne mydam enelere
üleşekde şu paý düşýär.
GURBANNAZAR EZIZOW
Arhiwiň ýagdaýy
● Doly tekst
● 10/10 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 2 awgust 2012 ý. · Asyl sahypany gör ↗
Teswirler 10
Sagjabol, paýlaşanyňa.
Gurbannazar Ezizow gaty güýçli şahyr haýp ömri gysga ekeni
Gaty manyly ýazylypdyr.
derdiňi enä goýmasaň.
dert alynmaz ýöne ýere,
kim başyn hesrete goşar?
ýöne mydam enelere
üleşekde şu paý düşýär.
wah, şu Ezizow bilen şu wagt söhbetdeşlik gurnap bolsady.
bir wagt aramyzdan giden adam bilenmi
hawa
“zaman” gazetinden.
(hudaýberdi diwangulyýew
gurbannazar ezizowyň
hossarlarynyň ýanyna interwýu
almak üçin gidýä. şondaky bolan
gürrüňdeşlikden bölejikler)
Hudaýberdi Diwangulyýew:
Gülnabat eje (Gurbannazar agaň
ejesi), Halnabat (gelini)!
gurbannazar şeýle sypaýy
ýigitdi. onuň garagollyk edip sizi
käýindiren ýerleri bolupdymy?!
Gülnabat eje: ýok-la ol agzyna
ýekeje hapa sözem almazdy.
ynha, ony Halnabada
öýlendirenimizde-de kejime
gaýtmady. ýogsam, ol Halnabady
öň görmändem. “Eje ogluň iki
bolan bolsa, aýdanyňy
etmesemem bordy” diýdi-de,
birhili syrly ýylgyrdy. soňam az-
kem gyzarlyp, “ol gyz
owadanmy?” diýip sorapdy.
menem “hawa” diýdim. Kerim
Gurbannepesow bilen
Büzmeýine gidip, Halnabady
görjegem bolupdyrlar
görkezmändirler.
Halnabat:
ol menem,
çagalarynam şeýle eziz görerdi.
ýekeje agyzam gaty-gaýrym zat
diýmezdi.
Gurbannazar:
sen maňa bagt berdiň örän
ullakan,
ony nädip gorajagmy bilemok.
seniň söýgiň hiç guramaz
kökleri,
ýaýrar bu zemine ýüregim bilen
H.D: Gülnabat eje, Halnabat! men
size jogaby iňňän agyr düşjek
bir sowal bermeli boljak.
Gurbannazarda öz ölümi hakda
ençeme goşguda bar. siz onuň
kalbyndaky bu elhenç ahwalaty
aňýamydyňyz?!
Gurbannazar:
döwür, neçün goýup nalany,
beýle ir äkitdiň eziz balamy?!
aglarsyňyz, bilýän, bada,
meň gabrym gazylan wagty.
Halnabat: ol bir gezek goşgy
ýazyp halys ýadap uklap
galypdyr. menem özi oýanýança
ýüzüne seredip oturypdym. esli
wagtdan soň ol ýassykdan
başyny galdyrdy-da: “goşgy
ýazan kagyzlarymy ýygnaýmaly
ekeniň. men ölemsoň seni eklejek
şu goşgular-a!” diýdi. birbada
doňup galypdyrn. men onuň
ölenine heniz-henizlerem
ynanamok.
Gaty gowy shahyr, Kerim Gurbannepesow bilen Gurbannazar Ezizowa soz yokla
Sag bol gowy goshgy
sen maňa bagt berdiň örän ullakan,
ony nädip gorajagmy bilemok.
shahyryn goshgularyna soz yok hichili, nace okasan okabermeli, yadajak gumanin yok 👍
Men olemson seni eklejek shu goshgulara diyen sozuni okamda birhiljek bolup gitdimlay