Ugurtapyjylykmy, medeniýetsizlikmi? (Suratly)
Düýn bir ýaşuly taksist bilen gürrüňdeş boldum ýolda. Gep gepi açdy we bir zat aýdyp berdi. Türkiýä ýoly düşen adamlaryň hemmesiniň diýen ýaly Istanbul Atatürk aeroportyna ýoly düşendir. Şol adamlaryň hemmesi şol ýerde ulanylýan el arabalaryny görendir. Bilýänlere ýatlatma we bilmeýänlere bilgi hökmünde; şol arabalaryň biri-biriniň syrtyna gulplanma häsiýeti bar. Şol gulpy açmak üçin bolsa 1 demir lira gerek bolup durýar. Biziň türkmenlerimiz bolsa özboluşly ugurtapyjylygy bilen bu arkaýynçylygy (el arabasyny) has arzana (%75 arzanladyş) ulanmagyň bir tärini oýlap tapypdyrlar. Görüp otursak biziň 50 teňňämiz türkleriň 1 lirasynyň ululygyna gabat gelýän eken. Şeýlelikde el arabalaryna goýulýan 1 liralaryň ýerine türkmen 50 teňňeler köpelip başlapdyr.
Bu wakany iş mepdançasynda dynç alyş wagtynda ussalara aýdyp beren wagtym, biri bu aýdyp beren zadyma meňzeş hasap edýän başga bir wakasyny aýdyp berdi. Orsýetde, beýleki köp ýurtlarda bolşy ýaly, elektrik togy, suw we tebigy gaz üçin salgyt tölemeli. Bu ýurtda okaýan türkmenlerimiz bolsa özboluşly ugurtapyjylygy bilen bir tölegli hyzmaty (suwy) mugt ulanmagyň bir tärini oýlap tapypdyrlar. Suwyň akyşyny ölçeýän enjam, damjalary hasaba alyp bilmeýän eken. Şeýlelikde irden işe ýa-da okuwa giden wagtlary ullakan legeni kranyň aşagyna goýup gidip, damyp durar ýaly edäýýän ekenler. Agşama çenli bolsa, suwa düşmek üçin ýygnanan ep-esli suw bolaýýan eken.
Muňa meňzeş mysallar elbetde kändir, we sizden teswirleriňiz bilen goşant goşmagyňyza garaşýaryn. Ýöne meniň mowzugymyň adyndan belli bolşy ýaly, Siziň pikiriňizçe şu we şuňa meňzeş çykalgalar ugurtapyjylykmy, medeniýetsizlikmi, erbet zatmy, gowy zatmy?
Arhiwiň ýagdaýy
● Doly tekst
● 55/55 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 23 maý 2012 ý. · Asyl sahypany gör ↗
Teswirler 55
ugurtapyjylyga shol kopukli edip yuk dashayan arabany alar yaly etmege aydyp bolar. maksady pul gazanmak dal. yene-de yzyna goyulup tertip gazanmak. yerine goymasan pulun gidyar. yerine eltip goysan beren puluny yzyna alyan. yonekeyje yone biri oylap tapypdyr.
ugurtapyjylyklygy anyk. yone her ugurtapyjylyk gowumy ony bilmerin. adamyn hakyny iymek haramdyr. eylak yatsanam beylak yatsanam haram. on hasabyny bermeli bolar. sen okuwcy bolsanam, hokumdar bolsanam hak iymek bolanok. bu zatlardan basharsan gacha durmaly. yone gacha durmak gaty kyn.
dowletin emlagini iymek halkyn emlagini iymekdir, ona nadip jogap berip bolar. Yslam dini boyuncha jogapkarchiligi gaty uludyr.
ugurtapyjylygy ongaryan bir etsin
Türkmenlerem her hili zatjagaz tapyaray :-)
kop kishi ugurtapyjylyk diyipdir, bul eyyam mentaliteti gorkezya, hayran galmaly dal...
Hudaýa shükür! Bizin yurdumyzda görüp otursañ mugt zat köp eken :-). Hindilerin seyle nakyly bar, mataclik - ugurtapyjylygyn enesidir diyilya. Bizinkilerem oz yerinde mugt ulanyp yoren zadyna dasary yurtda pul tolasi gelmeyan bolmaly
ogurlygy onaryan bir etsin diyen yaly birzat bolyarda.
Disney acylayan wagtlary gidip £etonyn deregine 500 manat oklayadyk, turkmen teññesini, ishleyardi shol wagtlar, bizdede bolupdy beyle yagdaylar
Ugurtapyjylyk däl bu.. Ugurtapyjylyk çykgynsyz ýagdaýda ýa-da çözülmesi kyn ýagdaýda çözülen problemalarda ýüze çykýan bolmaly. Bu ogurlugyň medeniýetlisi diýeli. Esasan daşary ýurtda, haýsy raýatyň türkmeniň adyny gara çykarmana haky bar?! Ol ogurlygy bir medeniýetsiz türkmen etse-de garasy bütin türkmenleriň ýüzüne çalynýar. Muňa bolsa hiç kimiň haky ýok! Tutylsa-ha habar bolar gazýet, jurnallara tema bolar, telewizorlara habar bolar jümle jahana äşgär bolar, tutylmaýanlarynda-da eýeleriniň habary bolmaz öýdýäňizmi?! Basymjak äşgär bolar... Türkmenimiň ýüzüne çalynjak her garany ýazgarýaryn!!
Ugurtapyjy bolmaly. 😆
El arabaly gürrüň öz ünsümi hem çekdi we soraşdyryp gördüm. Görüp otursak ol arabalara goýulýan 1 liralary arabalary yzyna eltseň yzyna alyp bolýan eken. Şeýlelikde 1 lira arabanyň bahasy däl-de aeroportda tertip-düzgüni ýola salmak üçin ulanylýan metod eken. Ol pullary aeroportyň içiniň tertip düzgünine seredýän işçiler ýygnap sowalga edinýän bolara çemeli. Indi ýagdaý şu eşidenim ýaly bolsa bu 1 liralaryň ýerine 50 teňňeleri goýmak kişi hakyny iýmek bolmaýan ýaly bolup dur. Sebäbi bärde 1 lirasyny yzyna almak islejek türküň ýerine 50 teňňesini yzyna almak islejek türkmen bolýar.
Suwly, elektrik tokly gürrüňlerde bolsa döwlet eýeçiligindäki zatlardan azda-kände bildirmän ogurlamak bolýar we öz pikirimçe halkyň umumy baýlygy hasaplap boljak bu zatlardan ogurlamak birin-birin her bir raýatyň jübisinden azajykdan ogurlyk eden ýaly bolýar. Hasap güninde bolsa her zerre zat üçin hasaplaşylmalydygyny göz öňüne getirseň, ynanjy bolan adamlar üçin bu örän uly jogapkärçilik duýdurýan zat...
Pikirleriňiz üçin sagboluň.
el arabaly gurrun diydin welin oz wakam yadyma dushdi. ilkini gezek germaniya baramda her kim araba alyshan bolyalar. ay menem alayyn diyip bardym. aljak bolyan welin berenok 😆. gatyrak chekyan eger-eger bolanok. son garryja nemes ayal size 1 yewro gerek diydi welin hemme zat dushnukli boldy. hahaha.
yagdaya gora ugurtapyjylyk hasap edyan
aclik name iydurmez dokluk name diydirmez diyen soz yadima dusdu ugurtapijilik yokradaki mowzukda yazilan zatlarin tersi o yazan zatlarin hilegarlik bolar