Eşşi näme diýmek?
Sorag berildi pikirlerde, eşşi nämedir diýip. Şu gün (06:36)
Bizem-ä gaty garry däl welin, köne oýunlarymyzy oýnap ulalmadyk has ýaşlarymyz üçin öz bildigimden düşündireýin.
Eşşi - eşekçi sözüniň gysgaldylyp aýdylany. Bu söz aslynda oýunlarda has kän ylgamaly ýa-da kösenmeli bolýan oýunça gezegini geçirýänçä dakylýan at. Mysal üçin -kowalaşdym- oýnunda eşşi bolan oýunçy, başga bir oýunçynyň yzyndan ýetip şony elläp, ony eşşi edinçä özi eşşidir. -Gizlenpeçek- oýnunda hemme gizlenenleriň ýerini tapýança özi eşşidir. Eşşi, oýunyň şertini ýerine ýetiren wagty eşşiligini geçirdigi bolýar.
Şu wagtky ýaşlarymyzyň emele getiren köçe dilinde bolsa -eşşi etmek- sözi birini bir zada hantama edip orta ýolda goýmak ýaly bir manysy bar. Mysal üçin 4 oglan bolup bir ýerde duşuşmaly bolsaň şonuň ikisi gelmese şolar eşşi eden, gelenlerem eşşi edilen ýaly ulanylýar.
Soň gördüm @Ɗɾ. ƝiɧҨ düşündiripdirem-le. Diýmek pikirlere girýän ýeke garry men däl ekenim 🙂
Arhiwiň ýagdaýy
● Doly tekst
● 42/42 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 28 maý 2012 ý. · Asyl sahypany gör ↗
Teswirler 42
ok. sagbol.
Kowala$dy.:-)
Sag bolun dushundirish ucin 😉
temana halamadyma bassam eshshi bolyanmy? ( 😉 ) haha gowy tema
Baş üstüne. 🙂
Öňleree çagalar bardy, ýetginjeklerem bardy, oýunam bardy.
Garaňy gördüm, paňk diýip bir oýun bardy mysal üçin örän özboluşlydy, soň duşmadym men-ä.
Aýterek-Günterek oýnardyk çagarak wagtymyz. Soň-soňlara diňe oglanlaryň okaýan okuwyna girip gyzyň elini tutmalydyram öýtmändiris.
Dah-Dah bardy, arassa erkekler oýnardy, modern warfare däldir öýdemzokdyk, elimizdäki taýakdan ýasalan fantastiki ýaragy.
Garaz geçmişe syn etseň şu wagtky wideo oýunlaryna tabyn bolan ýaşlara ýüregiň awaýar. Özüme-de...
Ýok kürre bolýañ.:-)
Hmm..
Gowy düşündiripsiň. Minnetdar.
Biz-ä Bukuldy:mdan başga-da Eşek düzdi oýnaýadyk. Eşşiler üýşüp, kelle çakyşdyryp, eginlerini birleşdirip durýardylar, beýlekilerem ýeke-ýekeden ylgap baryp, böküp, ýaňkylaň üstüne münýärdiler. Birsalymdan soň ýaňky eşşi görgülileň üstünde näçe bolup ýatandyrys hezil edip... 😆
haladym. betinden dushundiripsin 🙂 mundan gou bolubam bilmez 😆 😆 (oyun edyan,shu bolan bolsa mundan gouam bolar) 😆
Türklerde uzyn eşek diýilýän bir wersiýasy bar dälmi şonuň? Ýetginjeklik çagyny obada geçirmänimiz üçin zordan ýadyma düşýär.
Sagbol goşandyňa.
eshshi 😆
Aý, türklerde nähilidigin-ä bilemok, dost. Ýöne biz-ä şonuň ýalyrak oýnaýadyk.
Kowalashdy,E$$i köpeltdi.
Mysal ücin:Eshshi köpeltdi oýnunda 5 adam oýnaýan bolsalar sholardan bir adam eshshi bolup beýleki dört adamy kowalaýar,birini eshshileýär onsañ olar iki sany bolup üc adamy kowalaýalar,soñ kimi eshshileseler üc bolup ikisansyny kowalaýalar ,sheýdip gidiberýä eshshileñ sany köpelip...garaz gaty hezil oýun.
Gizlenpeçekde beli bir ýerde bir adam gözüni ýumup 10 cenli sanaýar,shol adam 10ny sanap bolýanca gizlenip ýetishmeli beýlekiler.Ol eshshi adam gözläp ugransoñ beýlekiler eshshi adamyñ 10 sanan ýerine baryp /parka/ diýip gygyrmaly 🙂 ...garaz bu oýun esasan agsham gün batandan soñ oýnalýar
Karol-Wezir bu oýnam gaty hezil..
Sagbol goşandyňa @Aladin.
Wauuuuu öwrendik. 😆
Sag boluň, köp agza soraýardy. Mowzuk edip açylyp düşündirilmegi örän ýerlikli bolupdyr...
duyn pikirlerde yalnyshmasam men ulanypdym,yagny @hemra haladym diysengz ve teswir yazsanz sowgat berjek dipdi,menem pikirde yazypdym e66i etdi dip 😆 blum
Ömür düşünip bilmedik bir oýunym bar; Atyşyk.Oýuna 2 topar bolup bir birinden gizlenilip başlanýar, soň duşuşklarda çagalar tah tah birbirini atýalar, soň 2 sagatlap kimiň kimi ilki öldürenligi barada jedel gitýär, şeýdibem gije düşip her kim öýli öýüne dargamaly bolýar. Kä biri çesnirak bolýa, görman durka arkadan biri tah diýse ýere ýykylan bolýar, ýaraly bolan bolup ýatyp soňam zordan ýerinden turan bolup atany atýar )))))
Çaga döwrüň çaga ýaly pikirleneňsoň bu zatlar indi indi üýtgeşigräk görünýändir. Çaga wagtyň bolsa 3+3 topar bolup bildigiň dawaý sen sen sen vs. sen sen men gitdik. Kounter-strike oýnan ýalydyk bizä. Gaty keýp alýardyk. Dawasyz atyp almak üçin, onuň görmeýän-görmejek ýerinden atmalydy (mysal üçin arkasyndan, ýa-da düýbünde duran agajynyň depesinden w.ş.m.) Dawa-da näme nirede ýok diýsene.
Ata-babalarymyzdan gelyan oyunlar yone-mone oyunlaram daldi. Mysal uchin gyzlar b-n oglanlaryn bile oynayan oyny bardy. Yer ustune dort burch chyzyp (usti-ustune, nomerlenen) son shol dort burchyn ichine bankanyn plastmassoviy gapagyny zynyp bir ayakda bokup shol gapagy indiki burcha gechirmeli, gaty gitse gezek bashganynkydy. Yene-de bir gornushi, shol dort burchlaryn ichinden dashyna chykman ayaklaryny chalshyp bokmeli, shol oyunda chaga ozunin fiziki hereketlerini kontrol edip bilmegi uchin gaty peydalydy. Kowalashdym oynanda, chagalardan oglan-gyz tapawudy yok, bir-bada sport bilen guymenyandiklerindenem chagalaryn ozlerininem habary yokdy. Pryagalka diyip oyun bardy, esasanam gyzlar mekdepde arakesme wagty shona guymenyardiler, biz oglanlaram ashyk oynayadyk, yarimiz para oynayardy, gurshun gaynadyp yorite yasayadygam we s.m. oyunlar. Shu oyunlaryn hemmesem chagalaryn sport bilen guymenmegine we fiziki taydan sagdynlygyna gowy peyda bolyardy... Hazirki wagtda chagalaryn (oglanjyklaryn) dine futbol oynap yorenlerini gorup begenyan, kichi gyzlar-oglanlarynam rolik we skeytbord-da aylanyp yorenini gorsem begenyan, yone kop chaglaram dine kompyuterin bashyndan turman bir oyunyn turyny gechjek bolup nahar iymagede wagty yok...