London-2012-ä barýan ýol. Ertir hökman utaýmaly.

Salam agzalar.

Ýene bary-ýogy bir ýyl wagtdan bütin dünýäde iň uly sport ýaryşy hasaplanýan nobatdaky XXX olimpiýa oýunlary başlanmaly. Ýagny London - 2012. Şol olimpiýa oýunlaryna gatnaşmak üçin saýlama ýaryşlaryny oýnaýan futbol boýunça Türkmenistanyň olimpiýa ýygyndysy ertir (23.06.2011ý) Aşgabatda Siriýanyň olimpiýa ýygyndysy bilen duşuşar. Duşuşyk ertir ýerli wagt bilen Aşgabadyň Beýik Saparmyrat Türkmenbaşy adyndaky olimpiýa stadionynda sagat 18:00-da başlanar.

19-njy iýunda geçirilen birinji oýun toparlaryň garşylykly atan gollary esasynda 2-2 gutarypdy. Ýene bir bellemeli zadymyz, geçen gezekki duşuşyk Siriýadaky protestolar sebäpli Iordaniýada geçirildi. Birinji oýunda olimpiýa ýygyndymyzyň gollaryny A. Boliýan hem-de W. Orazsähedow dagylar salmagy başarypdy.

Eger olimpiýa ýygyndymyz Siriýany geçmegi başarsa, onda Aziýadan saýlama ýaryşa gatnaşýan ýygyndylaryň iň güýçli 12-ligine galar we ýaryşy žerebýowkadan soň belli boljak toparçalarda dowam etdirer. Her biri 4 ýygyndydan ybarat 3 toparçadan birinji ýeri eýelän ýygyndylar olimpiýa oýunlaryna gatnaşar. Toparçalarda ikinji ýeri eýelän ýygyndylar bolsa, olimpiýa oýunlaryna Aziýadan ýene bir ýollanma üçin yklymara duşuşyklar geçirmeli bolarlar.

Siriýanyň futbolçylary bilen türkmenistanlylar ozal diňe milli we ýaşlar ýygyndylarynyň derejesinde duşuşypdylar. 2003-nji ýylda Aziýa Kubogy-2004 saýlama ýaryşynyň çäklerinde bäsdeşler Aleppo şäherinde 1:1 hasabynda deňme-deň oýnadylar. Şondan dört ýyl geçenden soň Aziýa-2008 çempionatynyň ýaşlaryň arasynda (19 ýaşa çenli) Dohada (Katar)geçirilen saýlama ýaryşynda biziň toparymyz siriýalylardan 3:0 hasabynda ýeňlipdi.

Ýene bir belläp geçmeli zat, Olimpiada-2012-iň birinji saýlama ýaryşlarynda Türkmenistanyň futbolçylary Indoneziýanyň toparyny olaryň meýdançasynda 3:1 hasabynda, Aşgabatda bolsa 1:0 hasabynda ýeňmegi başarypdylar.

Amangylyç Goçumowyň tälimçilik edýän futbol boýunça Türkmenistanyň olimpiýa ýygyndysynyň (U23 Türkmenistan) häzirki wagtdaky düzümi şeýleräk:

Goalkeepers:
Batyr Geldiýew ("Aşgabat")
Gurbanmyrat Garaýew ("HTTU")

Defenders:
Şöhrat Söýünow ("HTTU")
Hemra Kömekow ("HTTU")
Serdar Annaorazow ("HTTU")
Döwran Orazaliýew ("Aşgabat")
Ýagşygeldi Taganow ("Aşgabat")
Ähmet Ataýew ("Aşgabat")

Midfielders:
Süleýman Orazow ("Aşgabat")
Elman Tagaýew ("Aşgabat")
Didar Durdyýew ("Aşgabat")
Ata Geldiýew ("Aşgabat")
Yhlas Magtymow ("Aşgabat")
Begenç Annagurbanow ("Altyn Asyr")
Ilýa Tamurkin ("Merw")
Umytjan Astanow ("Merw")
Tirkeşmyrat Rejepow ("Ahal")

Forwards:
Wahid Orazsähedow ("Rubin" Russiýa)
Arslanmyrat Amanow ("HTTU")
Aleksandr Boliýan ("Ahal")
Agajan Molladurdyýew ("Talyp Sporty")
Ruslan Mingazow ("Skonta" Latwiýa)

Sostawymyz şeýleräk. Ýöne geçenki oýuna R. Mingazow ýokdy. Sebäbi ony oýnaýan kluby goýbermändir. Bu barada www.the-afc.com habar berdi. AFC: "Turkmen star striker Ruslan Mingazov, 19, has been dropped by Kochumov because of his European Cup club commitments for Riga." Ruslan ertirki oýunda hem ýok bolaýmasa. Ýene bir ünsümi çeken zat bar. Ol, olimpiýa ýygyndymyzda çempionatyň lideri "Nebitçi"-den ýekeje hem oglanyň ýoklugy..

Olimpiýa ýygyndymyzyň ýagdaýy şeýleräk. Onda näme oglanlara üstünlik arzuw edäýeliň. Islendik komanda hem öz janköýerleri bilen komandadyr. Şonuň üçin toparymyzy goldalyň, janköýerlik edeliň! Nesip bolsa 2012-nji ýylyň awgust aýynda, Türkmenistan futbol boýunça olimpiýa çempiony bolypdyr diýen begençli habary eşdeliň. 🙂

Turkmenistan, only with you!

Türkmenistanyň haýsy welaýatynda futbol ösen?

Lebap. "Garagum" diýip futbol toparymyzy tanaýansyňyza?!(8%, 3 adam)

Mary. "Merw" biziň klubymyz.(13%, 5 adam)

Ahal. Klubymyzam "Ahal"(5%, 2 adam)

Balkan. "Nebitçi" ýaly baý klubymyz barka bizden öňe geçjek welaýat ýokdur.(22%, 8 adam)

Daşoguz. "Turan" biz seň bilen!(11%, 4 adam)

Aşgabat. Sebäbimi? "Köpetdag", "Nisa", "Aşgabat", "HTTU", "Altyn Asyr", "Galkan" we ýene birnäçe klublar Aşgabadyňky.(38%, 14 adam)