Ýaşamak şeýle kyn eken
Maňa lukmanlar begenme-de, gynanma-da, gaharlanma-da... parahat ýaşa diýdiler. Ýene üstüne berhiz tutmagam tabşyrdylar. Berhiz tutmak onçakly kyn bolmady. Emma... ruhy berhizi tutmak maňa kyn düşdi. Keýp edip gülmän, janyňy ýakýan zada gaharlanman, dünýeden öten dostuňy ýatlaňda gynanman nädip ýaşajak? Bir gowy ýaşuly ýatlama meselesinde diňe gowy zatlary ýatla, geljekde özüňe garaşýan gowy günleri göz öňüňe getirip gez diýdi. Men bu talaplary berjaý etmäge çalyşýan. Şonda-da, asla ýüzünem görmedik bir teswirdeşiň ýalňyşýan ýerine gynanaman saklanyp bilemok. Içimdenem pikir edýän, meniň ýalňyşlaryma-da şeýdip gynanyp ýörenler bardyr. Göwnümi göterjek bolup, boş şadyýanlyklary döretjek bolduklaram beter gaharym gelýär. „Gowsy gadyrdan lukmanlar, meni öz günüme goýuňsana. Öňi-soňy meni Allahyň beren ömründen bir sekuntjygam artyk ýaşatmarsyňyz” diýesim gelip dur. Parahat ýaşap ýörmek şeýle kyn zatdyr öýdemokdym...
Men ýalňyşan bolaýmaýyn?
Hawa(17%, 3 adam)
Ýok(82%, 14 adam)
Arhiwiň ýagdaýy
● Doly tekst
● 39/39 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 13 oktýabr 2011 ý. · Asyl sahypany gör ↗
Teswirler 39
Gaty şahsy mowzuk açaýypdyryn. Indem poz diýmek gelşiksiz...
begenmän, gynanman... ýaşap bolmaz.
lukmanlar size çäkden çykyp begenme, çäkden çykyp gynanma diýen bolaýmasynlar?
her zatda aşa geçmek edil aşa düşmek ýaly howply bolup biler.
Begenmekden nädip aşa düşülýär, gynanmakdan nädip aşa düşülýär? Begenjiňi, gynanjyňy nädip jylawlap bolýar? Gynan zadym uzak gije aňymdan çykmasa, begenen zadym bir hepdeläp meni ýylgyrdyp ýörse ýa şu aşa düşmek bolýarmyka? Şeýle-de bir tejribesizlik bolar eken. Käbir adamlar hakykatdanam başga biri içini tutup gülýärkä ýylgyryp oňaýýar. Ol ony nädip başarýarka?
her bir zatda Hayyrlysy bardyr. Ozun bolup yasha diyseler yashamak gaty kyn. Sizinkem sheyle bolupdur. Allahyn ozi hayyrlysyny bersin size hem her bir ynsana.
«Begenmekden nädip aşa düşülýär, gynanmakdan nädip aşa düşülýär?»
mysal üçin bir akja pişigi gaty halaýaň, ony gije-gündiz halaýaň, halamagyň seni «kör» edýänçä halaýaň....
bir günem ol ak diýýän pişigiň gara bolup çykýar.
ana, şonda bar zat bulaşýar....
aram halan bolsaň, aramam gynanarsyň.
aşa halasaň, aşa gynanarsyň.
onda, «halamasaň gynanmarsyň»-my diýjek bolýaň.
ýok, edil beýle-de bolmaly däl.
orta hal gowy bolaýmasa.
--
mendirind-ä, ýazanlarymy gaty ýakyndan kabul etmegin.
ýalňyşyp bilerin-ä.
belki ýalňyşýandyrynam.
Mümkin däl zat dälmikä diýýän parahat ýaşamak hem.
Ine, men özümi mysal alyp gürlesem, nerwinni diýilýänleriň bir görnüşi men. Maşyn sürüp barýarkam, maşynyň gelýän tarapyna däl-de aňyrsyna seredip ýoldan geçen adamy, üçünji hatardan birinji hatara duýdansyz ýagdaýda geçen maşyny, ýa bolmasa öňünde päsgelçilik bolmasa-da, ýoluň ortarasynda maşynyny togtadany we ş. m. zatlary görenimde myrryhym atlanýar, derrew gaharym gelip, käýinip-sögünip başlaýan. Munuň bolsa özüme zyýandygyny bilýän. Şonuň üçin indi şony düzetmegiň ugruna çykdym. Indi işden öýe çenli ýa-da öýden işe çenli ýoluň dowamynda näçe gezek gaharlanýanymy, näçe gezek sögünýänimi fiksirowat' etjek bolýan. Eger-de bir gezegem ýüze çykmasa çaga ýaly begenen bolýan. Dogrusy, azda-kände peýdasy bar. Ýöne, bular ýaly düzgünleri hem ýaşaýşa ornaşdyrmak üçin belli bir wagt gerekdir-dä, edil birden öwrenişip gidip bolanok.
Ýaşuly, şunuň ýaly, ýuwaş-ýuwaşdan öz ýaşaýyş obrazyňy, gaharyňy getirmek, begenmek üçin hökmany bolan şertleri täzeden pikirlenseň we ýuwaş-ýuwaşdan durmuşa ornaşdyrsaň, belli bir derejede netije berermikä diýýän.
Näme diýseňem, saglyk ilkinji orunda durýar. Saglyga hökman seretmeli.
Din bolaýmasa agam.
Umuman wakalara dini düşünje bilen garamak duýgylary döredýän sebäpleriň güýjüni peseldýärmikä diýýän. Begenilýän zady şükür bilen, gynanylýan zady sabyr we boýun egijilik bilen garşylasaň ýykylyp ýatar ýaly gülkünç ýa-da onçakly gynançly bolmaýan bolmaly.
Elbetde herkim egnindäki ýüke (gören-eşiden) laýyklap geplemeli bolsa bize agzymyzy ilikläp oturmak gerekdir welin, orta sorag atypsyň pikirimi aýdaýyn diýdim.
Saglygyňyz.
Blaсkrain, ýürekden beren maslahatyňa sag bol. Gara pişigöz öýmüziň pişigi, onuň bilen islendik wagtam düşünşip bilerin. Ýöne meniň mysal alan teswirçim maňa näme diýerkä? Onuň kimdigini bir özi, birem men bilýän. Şeýle gelşiksiz açan mowzugymdan şojagaz peýdany bir görermikäm?
Dogry sacyñ agaryba düshmez. 😆
Garry Serdar meniň bar ýapyşalgam ynanjym. Ol maňa ähli lukmanlardan gowy kömk edýär, ony bilýän hem şükür edýän.
Adamogullary bolup bir biderek häsiýetimiz bar, etme diýlen zady bir gezejik barlap görmelidir öýdýäris. Bu elbetde siziň ýagdaýyňyz üçin dogry däldir ýöne belki asuda gezip bilmegiňiz üçin kömegi deger diýip ýatladaýýan.
problema «teswirçilerden» biri diýsene...
häzir ýazyşmalaryňy synlamaga gitjek. :-)
-Ýadernyý bombalama garşy gurnalan ýörite bunkerine girip, gulplaşdyryp, gapysyna kelle çanagyň suratyny asýan kellejik-
Sözlemiň otury, nokady ýok welin, ters many çykaryp boljak.
«Garry Serdar meniň bar ýapyşalgam ynanjym». Siziň bar ýapyşalgaňyz we ynanjyňyz Garry Serdarmy?
Bolmalysy: «Garry Serdar. Meniň bar ýapyşalgam - ynanjym».
temadan gapdallanym üçin bagyşlaň.
yhlasly keseliñ name?
Gara pişik sen ürkmen diliniň dürs ýazuwyndan doktorlyk dissertasiýasyny gorajak bolup ýörsüňiz diýip eşitdim, şol çynmy?
Gara pişik sen türkmen diliniň dürs ýazuwyndan doktorlyk dissertasiýasyny gorajak bolup ýörsüňiz diýip eşitdim, şol çynmy?
Sen diýäýipdirin hormatly Gara pişigimize, ötünç soraýan.
Garry Serdar, meniň bar ýapyşalgam - ynanjym.
bişýänçä ýanmaly.esas mesele yananyňa degsin.
söýmän bolmaz.diňe söýeniňe degsin.
wessalam