Mylaýymlyk we çydamlylyk
Pygamber aleýhissalamdan rowaýat etmeklerine görä, Ol (s.a.w): „Üç zady bolmadyk adam imanyň lezzetini duýmaz. Olar: akmagyň nadanlygyny gaýtarar ýaly mylaýymlyk, haram zatdan saklanar ýaly dindarlyk, adamlar bilen gowy gatnaşykda bolar ýaly ýagşy gylyk“ diýipdir.
***
Mansur şeýle diýdi: „Mylaýym adam ýumşak söz bilen, nadan adam galmagal bilen jeza berer“.
***
„Edep näme?“ diýip, Hajjaj ibn Kyrryýeden soranda, ol: „Başardygyňça gaharyňy basmak“ diýipdir.
***
Salyh ibn Abdylkuddus şeýle diýdi: „Her iliň tentegi öz nadanlygy bilen ýaşar. Mylaýym bende özüne edilýän ýamanlyga göz ýumar. Eger nadanlyk derdinden başda goranmasaň, ol soňra seni bendi eder. Tentek adam nadanlygy bilen ýeňmek islär, öýne oňa dymyp garaýan kişi ondan üstün çykar. Islendik ýagdaýda hem akmaklar utulýandyr. Ondan daşga durýan we dymýan adamlar bolsa üstün gelýändir“.
***
Urwat ibn Zübeýr şeýle diýdi: „Hernäçe abraýy bolsa-da, özüni pes tutmaýan adamlar belent mertebelere ýetip bilmez. Olara bakmak edil solup barýan güli ysgan ýalydyr, peslikdir. Abraý-mertebe mylaýymlyk bilen gazanylýar“.
***
Süleýman ibn Musa şeýle diýdi: „Üç adam üç kişiden ar aljak bolmaz: Mylaýym adam akmakdan, ýagşy adam ýaramazdan, mertebeli adam binamysdan“.
***
Muhammet ibn Zyýat Harysy şeýle diýdi: „Ýaş ýigit geýim-gejimini tozdurmajak bolup, aýawly saklar. Emma namysyňy gorap, mertebäňi saklanyň has oňatdyr“.
***
Halyt ibn Safwadan: „Has mähirli adam kim?“ diýip soranlarynda, ol: „Gahar-gazabyny sabyrlylyk bilen ýuwudýan, haý-höwesini erjellik bilen basyp ýatyrýan adam“ diýipdir
okanynyz uchin minnetdar
Arhiwiň ýagdaýy
● Doly tekst
● 13/13 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 13
Sagbol
Kop sag bol. bu zatlary basharmak ucin uly GAYRAT gerek, hany bizde gayrat bamy diysene.
👍
Muhammet alaýhyssalam: «Adamlary mal-mülk ýa-da baýlygyňyz bilen däl-de, diňe ýagşy häsiýetleriňiz bilen özüňize çekip bilersiňiz» diýýär.
Muhammet ibn Ajlan : «Şeýtana iň ýigrenji görünýän adam ýagşy häsiýetli alymdyr. Alym gürlese, ylymly gürleýär. Dymsa ýagşy häsiýeti bilen dymýar. Şeýtan: «Alymyň dymmagy maňa onuň gürlemeginden agyr degýär diýýär» diýip gürrüň berýär.
Lukman Hekim: «Kanagatly bolup kanagatyna nebsi garyşdyrmadyk, ýagşy häsiýetli bolup, ýagşy häsiýetine gahary garyşdyrmadyk adamynyň imany gün-günden kämilleşer» diýýär.
Käbir danalar öz dostuna hat ýazanda, şeýle diýer eken: „Mundan soňra men saňa şuny aýdýaryn. Özüňe ýamanlyk edene mylaýym bol, ýaraşara ýer goý. Şeýtseň, dostlaryň salamat gezer, duşmanlaryň utançdan ýaňa ýüzi gyzarar. Bir şygyrda:
„Ýamanyň günäsini örtmek gözeldir.Mylaýymlyk şatlyk we söýgini yzyna tirkäp gelýär“ diýilýär“ diýipdir.
Haladym öran gowy tema. Sagbolun paylashanynyz ucin! Bu hasiyetler adam ucin iñ mahsus hasiyetlerdir.
temadan kop zat owrenip bolyar, gaty manyly aydylan sozler
Halyt ibn Safwadan: „Has mähirli adam kim?“ diýip soranlarynda, ol: „Gahar-gazabyny sabyrlylyk bilen ýuwudýan, haý-höwesini erjellik bilen basyp ýatyrýan adam“ diýipdir👍
temany haladym, minnetdar paylaşanyň üçin 🙂
Temany haladym,paylashanyna minnetdar!
Gosulýan. :-)
halayyk, gelin, barini okan hooow 🙂
oran onat mowzuk, oran peydaly maslahatlar.
Hemmamize olary in onat yagdayda amal etmegi Biribar miyesser etsin.
Paylashanlara minnetdarlyk bildiryarin. Allah sizlerden razy bolsun.
Mowzugynam howri kop bolsun!
gaytama size sagbolung, okanynyz uchin
Payla$anyñyz un sag boluñ!Yzy köp bolsun.Teswirlerem tüweleme.
👍👍