Diplomatiýa taryhy gysgaça.

Diplomat-öz döwletiniň daşary ýurt döwletleri bilen resmi gatnaşyklaryny alyp barýan we munuň üçin ýörite taýýarlygy bolan döwletiň wezipeli şahsyýeti, raýatydyr.
Diplomatiýa gündeki döwlet işiniň aýratyn görnüşi hökmünde XVI-XVII asyrlarda durmuşa ornaşdyrylyp başlanýar. Şol döwürlerde patyşalaryň köşklerinde mydamalyk diplomatik wekiller peýda bolýarlar, şeýle hem döwlet edaralarynyň ulgamynda aýratyn gulluklar ýüze çykyp, olar döwletiň ýolbaşçylarynyň arasynda hat alyşmak, daşary ýurtly delegasiýalary we ilçileri kabul etmek, hat ýazyşmak ýaly meseleler bilen meşgullanypdyr.
Döwletiň diplomatik işleriniň şol döwürdäki häsiýetleri we görnüşleri kabir alymlara we diplomatlara diplomatiýany şu aşakdakylar ýaly kesgitlemäge mümkinçilik beripdir. Olardan:
“Diplomatiýa-bu özbaşdak döwletleriň hökümetleriniň arasynda resmi gatnaşyklary alyp barmakda “aklyň, edep-ekramyň, sypaýçylygyň ulanylmagydyr”” (E.Samou), ýa-da “Diplomatiýa-bu döwletleriň daşary işleri baradaky ylymdyr” (Martenee) ýa-da has dar manyda, “Bu-gepleşikleri alyp barmagyň ylmy hem-de ussatlygydyr”. (Garden)
“Diplomatik sözlügiň” kesgitlemegine görä, diplomatiýa daşary syýasaty ýöretmegiň usulydyr; Bu usul harby däl amaly çäreleriň, belli bir şertlere görä ulanylýan usullaryň we tärleriň jemidir; döwlet we hökümet ýolbaşçylarynyň, daşary işler ministrlikleriniň, daşary işler wedmostwalarynyň, daşary ýurtlardaky diplomatik wekilhanalaryň, halkara konferensiýalara gatnaşýan delegasiýalaryň döwletiň daşary syýasatdaky maksatlaryny we wezipelerini ýerine ýetirmekde, döwletiň we onuň daşary ýurtlardaky edaralarynyň we raýatlarynyň hukuklaryny we bähbitlerini goramakdaky resmi işlerdir.
 
   Gyzyklanma bildireniňiz üçin köp sag boluň !