Türkmençe geple.
Eziz watan, türkmen ýurdum abadan
Paýtagtym bar kän ýurtlardan owadan
Gözel ýurdum asuda Türkmenistan
Diliňi gora we türkmençe geple
Diliň bolsa medeniýetiň hasap
Dilini üýtgedip halk bolýar ýasap
Dil bolmasa millet gidýändir çagşap
Gel, türkmen milletim, türkmençe geple
Nakylym bar myhman atamdan uly
Şükür indi ýurdum myhmandan doly
Biziň myhmanlykda bolşumyz ýaly
Eý gadyrly myhman, türkmençe geple
Türk dogan näçe ýyl watanymda sen
Zähmet çekýäň, esli pullar gazanýaň
Şunça ýyl soň ýekeje zat soraýan
Türkmençe öwren we türkmençe geple
Eý rus dostum saňa hormatym uly
Atalarmyz gezipdir dogan ýaly
Indi saňa öwrenerçe çen boldy
Indi gaýrat edip türkmençe geple
Şäherli dost türkmendigiň unutma
Kilçerip heleý dek diliň aýnatma
Anteniň gepleýän diline ýatma
Türkmenligiň gora we türkmençe geple
Obadaşym, depedeşim, ýurtdaşym
Düşün maňa, gel meniň bol dertdeşim
Diýmegin hiç wagt - meniň nä işim
Oka, ýaz, öwren we türkmençe geple
Galamyň eýesi özüňe pendim
Okadyň, bir topar dil öwrendiň
Hünär okap, soň ýurduňa geldiň
Indi öz ýurduňda türkmençe geple
Tüpeň çenäp duran ýokduram welin
Atýanam bolsalar türkmençe geple
Soň sözi arapça diýseň diý welin
Kelemäňe çenli türkmençe geple
10.06.2011
Arhiwiň ýagdaýy
● Doly tekst
● 69/69 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 noýabr 2011 ý. · Asyl sahypany gör ↗
Teswirler 69
Dilini aýnadyp geplän bolan bir taksiste bagyşlap.
Goşgynyň başy şu döwürki gazetlerdäki goşgulara meňzeyär.Tas soňky topbaklary okaman taşlaýadym. Ýöne soňky setirlerde alyp çykypsyň. Biraz ýumor, biraz hakykat. Umuman gowy bolupdyr. Göwnümden turdy. Başdaky setirler hem gowy welin, gazet-žurnallarda şuňa meňzeş setirleri okap bizar bolupdyrs. Her gün gyzyl alma iýseň soňa baka şolam bizar etdirýärä................
Gaty bir wajyp meseleleriň biri şu. Elleriňe saglyk! Zähmediňe bereket!
Sagbol tankydyňa. Kabul edýän, başy adaty eşidilýän setirlere meňzäpdir. Başdan ýumşagrak girmesem faşist ysy gelip duran ýaly boldy. Muny bolsa özümem halamok. Garaz ine men ine-de ýazanym.
bellijekler.
«Eziz watan, türkmen ýurdum abadan»
watanam ýurdam bir zat dälmi?
«Paýtagtym bar kän ýurtlardan owadan»
Paýtagtlary paýtagtlar bilen deňeşdirmeli, ýurt bilen däl-de.
«Dilini üýtgedip halk bolýar ýasap»
ýasap näme?
Eý gadyrly myhman, türkmençe geple
her bir turist türkmençe geplemelimi? gepläp bilermi?
«Türk dogan näçe ýyl watanymda sen
Zähmet çekýäň, esli pullar gazanýaň
Şunça ýyl soň ýekeje zat soraýan
Türkmençe öwren we türkmençe geple»
«Eý rus dostum saňa hormatym uly
Atalarmyz gezipdir dogan ýaly
Indi saňa öwrenerçe çen boldy
Indi gaýrat edip türkmençe geple»
«Soň sözi arapça diýseň diý welin
Kelemäňe çenli türkmençe geple»
azan hem türkmençe aýdylsynmy?
men rossiyada okap yorun. Kanikula Ashgabada bardym, mts bar dowri operatora jang etdim welin, türkmen gyz ruscha gurleya, ay men turkmenche zat soramda ruscha jogap berenine gaharym gelip özunden beter umudrynny sozler b.n ruscha gurledim welin yanky ruscha jogap beryan operatordaky gyz, turkmenche bagyshlan name diyenine dushunmedim, turkmenche aydayyng diyse natjek. Menem öz ene dilini yatdan chykarma diydim. Her hili adam baray.
Dilimize hormat goymak oz elimizde. Gosgyn erbet dal, aytjak bolyan zadyna dusunse bolya.
Iyulda duzulen goshgymy bu? 10.07.2011
Goshgyny haladym.
Shäherliler setiri chözüpdirow wara.
Haladym, goý siziñki ýaly ylham, bizler ýaly ýashlara nesip etsin.🙂
Turkmen dilini nirde ulanyp bilyan? nirde mana peydasy bar? nirde kitaplar turkmenche? nirde? nirde? nirde? dowamyny sanasan sogaby bar... diyjek bolyanym gowy bilsen yone onyaly propaganda edeninde gowja faktlar bersen gowy bolar... Ruslaryn aydyshy yaly Bez pochvennye slova...
Türkmence nirede kitap bardygyny bilesiñ gelýärmi.Siz türkmen taryhyny gowy biliñ.Mary welaýatynda nähili uly kitap hanalañ bolandygyny bilmeýän ýok bolsa gerek.Mangollar gelmedik bolsa biziñ dilimiz dashary ýurtlarda öwrenelerdi,we biz dashary ýurt diline zar bolmazdyk.Aýdara zat köp dost,
Biz öz dilimizi ösdürmeli adamlar,gaýtam tersine türkmen dilimizi bashga diller b.n shikes ýetirýäler.
Geliñ ene dilimizi ösdüreliñ!
Sagbol Garyserdar
@Aladin bolsa bolsa bolsa bolsa diymansene mana gayrat edin! 1000 mun yillandan ozal bolan zady aytdan chykar! men Turkmenistanyn taryhy rus inlis kitaplardan okap owrendim! Turkmen dilinde taryh kitap tapyp bilemok chynymy aytsam!
Ulanyp bilemok diýip, näme, ene diliňi terk edäýjekmi? Bagyşla welin, öňem bir ertekide ýaşulylary garran çagy äkidip daglara, düzlere zyňyp gaýdylýan eken. Belki-de, häzirem şol düzgün gerekdir? Belki-de diňe dilimizem däldir, peýda getirmeýän başgarak zatlaram kändir özi-hä?
Türkmençe kitaplaram ýok däl - AZ. Ony köpeltmeli hem biziň özümiz! Türkmen aganyň ukyby, zehini hiç bir milletiňkiden pes däl. Ýadymda, ol döwürler daşary ýurtda okan wagtymyz, türkmenler okuw okamakda iň öňdäki orunlary eýeleýärdi. Häzirem näme üçin bizde kitaplaryň azdygyny, ylymyň, bilimiň näme üçin ösen döwletlerden yzdadygyny saňa düşündirip oturmak gerek dälmikä diýýän.
Aýlanaýyn türkmenimden - Allaha şükür, dilimem, medeniýetimem hiç kimiňkiden pes däl (eger beýik bolmasa), bulardan peýda gören ýerimde gerekläp, peýda görülmedik ýerinde-de taşlamak pikirimde-de ýok.
Nothing personal.
Mangollar 1221 ýylda mara barýar shol wagyt hemme kitaplar ýakýar we hemme zady weýran etýär.Eger shol ýyldaky kitaplar shu biziñ durmushymyza gelip ýeten bolsa,onda biz ylyma bilime,dille has baý döwlet bolardyk.Mangollardan soñ Buhara emirligi,Eýran shalygy,Hyýwa hanlygy bize gün berenok.Olardan soñ russlar ele alyp dilimizi,medenýetimizi,taryhymyzy ýok etmek ucin elinde baryny etýäler shu zatlara kim günäkär?
Biz indi türkmen dilimizi ösdirmän gaýtam bashga döwletleñ dilini ösdürmelimi?
terk et diydimmi, rainman? men diyyanim shunyaly owerlyaly ya-da turklerin orslaryn sen dilinde gurlar yaly name etdin? turkmenche kitap yazdynmy? ya-da dunyan ylymy turkmenchemi? yekeje ayratynlygyny gorkez? 20 asyrda 2 sany yek tuk Kerim ya-da Ezizow yaly chykan shahyrdan bashga kim bar bizde, turkmen dilini okayn sholaryn ishlerini owreneyin diyer yaly! Men diyyan zadym bosh propaganda kop wagta chekmeyar, hokman ashagynda fundament gerek! shol dundamenty ber diyyan goshgyda!!!!
sho wagt turkmen dili bardymy? ya-da pars dilinde yazylan kitapalar owrenilyadimi???? agam gitde taryh oka!
atdaş blackrain bilen rainmani garyşdyrma men zat diyemok 😆
bagyshla Rainman, black rain diyjek boldym!
Dost, bagyşla, Blackrain we Rainman agzalar - ikisi bir adam däl. Men şolaryň diňe birinjisi.
Men biraz öteräk reaksiýa görkezen bolup bilerin. Ýöne, bu örän normal zat. Türkmen dili ösermi, her öňýeten gelip parça-parça edip gitse - mongol diýjekmi, gyzylbaş (eýran) diýjekmi, gündogarlylar diýjekmi... Ondan soňam-a görýäň, ors diýip bir millet geldi. Onuň gelmeginiň gowy taraplary-da bar, ýöne ýaman taraplary hem az däl. Biraz tertibe getirendigi dogry, ýöne, ýerine, milliligimizi, dinimizi, dilimizi basgylady, giden-giden tebigy çig mallarymyzy daşyna daşady.
Indem görýäň, ýaňy bir ýörjen-ýörjen bolýandan bolup ýören halkdyrys-da. Özümiz öz tarapymyzdan çykmasak, kim biziň tarapymyzdan çykjak?? Şu ýerde doglup-döräp, ýaşap ýören orslar dilimizi öwreneýinem diýenok, 5 gün bäri şu ýerde işleýän türkleriň dilini welin eýýäm bilýärler. Näme, şular öz-özünden bize ýüregi awaga-da, aý, bolýa, öwrenäýeli-le diýäýermi? Diýmez! Oňa näme?!
Men taryhy bilýän ýöne 100% bilemok.Ilki parslar bizi basyp alýar,ýöne ondan hem öñ biziñ dilimiz bara ýazuw elibeýimiz bolmasada belkide elibeýimiz hem bolandyr ona bilemok.Biz parslar basyp alan wagty pars dilini öwrendikmi? Ýok ýalñyshýañ biz diñe pars dilinde ýazmany öwrendik ýöne pars dilinde gürlemedik,alynma sözlerem heme ýurtlarda-da bar.