Faworitler: Braziliýa we Argentina

Salam agzalar!

Bilýänsiňiz, şu ýylyň iýul aýynyň 1-yndan 24-i aralygynda 4 ýyldan bir gezek geçirilýän Amerikada sebitiň iň uly ýaryşy bolan Kubok Amerikanyň (Copa America) nobatdaky 43-njisi geçirilmeli. Ýaryş Argentinada geçiriler.
Bu ýaryş baradaky gürrüňi indiki tema goýaýyn. Bu temamda esasy zat bu däl.

Men bu temada şu ýaryşa esasy faworitler bolup gatnaşýan Braziliýanyň hemde Argentinanyň sostawlaryny ýazmakçy.

Braziliýanyň milli ýygyndysynyň baş tälimçisi Mano Menezesiň ýaryş üçin saýlan futbolçylary:

Derwezebanlar: Wiktor ("Gremio" Braziliýa), Julio Sezar ("Inter" Italiýa).

Goragçylar: Daniel Alwes ("Barselona" Ispaniýa), Maikon ("Inter" Italiýa), Andre Santos ("Fenerbahçe" Türkiýe), Adriano Korreýra ("Barselona" Ispaniýa), Lusio ("Inter" Italiýa), Týago Silwa ("Milan" Italiýa), Dawid Luiz ("Çelsi" Angliýa), Luizao ("Benfika" Portugaliýa).

Ýarymgoragçylar: Lukas Leýwa ("Liwerpul" Angliýa), Ramires ("Çelsi" Angliýa), Sandro ("Tottenham" Angliýa), Žadson ("Şahtýor" Ukraýina), Elias ("Atletiko" Ispaniýa), Elano ("Santos" Braziliýa), Ganso ("Santos" Braziliýa), Lukas Silwa ("San Paulo" Braziliýa).

Hüjümçiler: Robinho ("Milan" Italiýa), Aleşandre Pato ("Milan" Italiýa), Fred ("Fluminense" Braziliýa), Neýmar ("Santos" Braziliýa).

Argentinanyň milli ýygyndysynyň baş tälimçisi Serhio Batistanyň ýaryş üçin saýlan futbolçylary:

Derwezebanlar: Huan Pablo Karriso ("Riwer Plate" Argentina), Serhio Romero ("Az Alkmar" Gollandiýa), Mariano Anduhar ("Kataniýa" Italiýa).

Goragçylar: Hawier Zanetti ("Inter" Italiýa), Gabriel Milito ("Barselona" Ispaniýa), Nikolas Burdisso ("Roma" Italiýa), Pablo Zabaleta ("Mançester Siti" Angliýa), Nikolos Pareha ("Spartak" Russuýa), Esikýel Karaý ("Real" Ispaniýa), Markos Roha ("Spartak" Russiýa), Lusiano Monhon ("Boka Juniors").

Ýarymgoragçylar: Hawier Maskerano ("Barselona" Ispaniýa), Ewer Banega ("Walensiýa" Ispaniýa), Fernando Gago ("Real" Ispaniýa), Anhel Di Maria ("Real" Ispaniýa), Esteban Kambýasso ("Inter" Italiýa), Enso Peres ("Estudiantes" Argentina), Diego Waleri ("Lanus" Argentina), Lukas Bigliýa ("Anderleht" Belgiýa), Hawier Pastore ("Palermo" Italiýa).

Hüjümçiler: Lionel Messi ("Barselona" Ispaniýa), Serhio Agüero ("Atletiko" Ispaniýa), Karlos Tewez ("Mançester Siti"), Gonsalo Higuain ("Real" Ispaniýa), Eskýel Lawezzi ("Napoli" Italiýa), Diego Milito ("Inter" Italiýa).

Iki ýygyndyň ýaryşda çykyş etjek futbolçylara şeýleräk. Sostawa alynmadyk futbolçylaryň arasyndan Braziliýadan Nilmar ("Willarreal" Ispaniýa) esasylaryň biri hökmünde göze ilýär. Ol Braziliýanyň soňky oýnan oýnunda, ýagny Rumyniýany 1-0 utan oýunlarynda gol salmagy başarypdy.

Ýene bir bellemeli zat, Ýaryşa her milli ýygynda jemi 22 futbolçy äkidmäge rugsat berilýär. Şol sebäpli, sostawyna 26 futbolçy alan Argentinlar ýaryşa çenli bu sany 22-ä düşürmeli bolarlar. Brazillerde bolsa beýle problema ýok. Sebäbi olar sostawa göni 22 futbolçyny aldylar.

Köpräk gürläýdim öýdýän. 🙂 Onda boldy edeýin. Hä link soraýaňyzmy? Habaryň türkmençesinden başga dildäkisini googleden gözletseňiz taparsyňyz. Ýaryşa gatnaşýan beýleki 10 milli ýygyndyň hem sostawy belli bolandyr. Olaram gözletseňiz taparsyňyz. Men diňe iki lideriňkini ýazdym.

Sizem sostawlar barada öz pikirleriňizi ýazsaňyz hoşal bolardym. Ýene kimleri almaly, kimleri aýyrmaly, kimler bet, kimler boş we ş.m. barada öz pikirleriňizi ýazaýsaňyz?!

Umuman gyzyksyz temany gyzyklanyp okanyňyz üçin minnetdar! 🙂

Haýsynyň sostawy gowy?

Argentina(42%, 3 adam)

Braziliýa(57%, 4 adam)