Degişmeler dünýäsi
Bir ýaş ýigit yzynda ýaş gelnini we çülpe çagalaryny ýetim goýup aradan çykypdyr. Ýarym-ýaş bolup aglaýan dul galan gelni köşeşdirmek üçin molla aga şeý diýýämiş:
-Goý gyzym, aglama! Seniň adamyň gowy oglandy, ol häzir Behiştde hüýr-perileriň arasyndadyr. Oňa hüýr-periler hyzmat edip ýörendir…..
Mollanyň bu sözlerini eşden gabanjaň gelin, beter gygyrmaga başlaýar:
-Wah, ýerçeken! Meýdi ýanan! Ol-a Behiştde hüýr-periler bilen keýpi-sapada gezmeli, men bolsa bärde görgümi görüp ýetim galan çagalary eklemelimi?…
***
Myhmanhana iki sany dost girýär. Olar ýer almak isleýärler. Elbetde, myhmanhana 5 ýyldyzly däl eken. Soraýarlar:
-Bu doňuzýatakda bir otag näçä durýar?
-Bir doňuz üçin 30$, iki doňuz üçin bolsa 60!
***
Jygyllykda bir türkmen daýzasy keçe satyn alypdyr. Moýmudyklap, zordan keçesini süýräp bir taksistiň ýanyna barypdyr. Daýza taksiste „bagažyňy aç“ manysynda şeýle diýýär:
-Oglum götüňi aç, keçäni salaýyn.
Taksistem garagol eken. Daýzadan kem galmandyr:
-Daýza jan, keçäň sygmaz!
Daýza welin ondanam ökde eken. Taksiste şeýle jogap berýär:
-Sygar oglum, sygar! Keçäni eplapjik dykarynyn welin sygar ötägider.
***
Bazara barýan ogluny atasy saklap şeýle diýýär:
-Oglum, puluňy gawun-garpyz diýip biderek zatlara sowaýmagyn. Nas algyn, oglum! Nas…
***
Bir amerikan bir orsdan soraýar:
-Bagyşlaň, orslar köp arak içýä diýýäler, şol dogrumy? Siz bir stakan arak içermisiňiz?
-Elbetde! Duza basylan hyýarjagaz bilen içsem hemmesi gül ýaly bolar.
-A üç stakan içermisiňiz?
-Elbetde! Üç stakany uç sany hyýar bilen içerin, gürrüňi bolmaz.
-A ýüz stakan içermiň?
-Gulagyň galýamy? Onça hyýary men nadip iýeýin!?
***
Mugallym okuwçylara diýýar:
-Kim özüni samsyk hasaplaýan bolsa ýerinden tursun.
Hiç kim ýerinden gozgananok. Bir salymdan soň Ependiň ogly ýerinden turýar. Mugallym:
-Näme Ependiýew, sen özüňi dogrudanam samsyk hasaplaýaňmy?
-Ýok.
-Onda name ýeriňden turduň?
-Ýeke özüňiz dik duraňyzsoň, size ýoldaş bolaýyn diýdim-laý…
***
Iki serhoş duşuşýalar we irden giç agşama çenli “bellemäge başlaýalar”. Biri beýlekisine diýýär:
-Dos-s-s! Ýene-de az-za-jyk içelimi?
-Häzir, men barlap göreýin. Eger men ýerimden turup iki ädim adip bilsem, onda hokman iç-çeris. Eger ýykylaýsam……, onda men öýe gaýtjak.
***
Ýokary okuw jaýyna girmek üçin ekzamende sorag soraýarlar:
-Siz Puşkini tanaýaňyzmy?
-Ýok.
-Magtymguly, Zelili, Kemine bilen tanyşlygyňyz nähili?
-Bularam tanamok.
-Berdi Kerbabaýew, Kerim Gurbannepesow dagylary bir tanaýaňyzmy?
-Bular bilenem tanyş däl.
-Gidip bilersiňiz. Indiki ýyl geliň.
Ekzamen tabşyryp bilmedik dostumyz keýpiz gapydan çykýar. Daşardakylar ondan soraýar:
-Nätdiň? Geçdiňmi?
-Ýok-laý, tanyşyň bolmasa geçirenoklar-laý. Meniň bolsa tanaýanym ýok…
***
Özüne göwni ýetýän bir çopan, beýik daga çykýamyş. Görse, ol ýerde-de özüne göwni ýetýän bürgüt otyrmyş. Çopan bürgütden soraýar:
-Eý, bürgüt! Hany, maňa aýt. Sen nädip uçup bilýäň?
Bürgüt asmanda uçmagyň kyn iş däldigini düşündirýär:
-Ine, şeýle. Özüňi bu gaýadan aşak göýberýäň we uçmaga başlaýaň. Men şeýdip uçýan. Meniň kakamam, kakamyň kakasam, kakamyň kakasynyň kakasam şeýdip uçýadylar – diýip, özüni gaýadan göýberýär we bir salymda howada gözden ýitip gidýär. Çopanyň hem bürgüt ýaly uçasy gelýär we gaýadan özüni göýberýär. Bir salymdan soň howada aşakdaky sesler ýaňlanmaga başlaýar:
-Wa-a-a-a-ah, seniň özüňem, kakaňam, kakaň kakasynam, kakaň kakasynyň kakasynam…….
***
Ýigit bilen gyz kinoteatrda hindi kinosyny görüp oturlar. Gyz oglandan soraýar:
-Nähili pikir edýäň, iň soňunda olar öýlenerlermik-ä?
-Dagy näme! Şular ýaly kinolaň soňy gynançly gutarýar ahyryn.
***
Iki dostyň gürrüňi:
-Bilýäňmi, düýn agşam şeýle bir zat boldy! Gidip barýadym welin, bir oglany üç bolup urup duran ekenler. Aý, menem onsaň, kömek edeýin diýdim.
-Berekella! Gör sen nähili batyr! Ýeri onsaň kömek etdiňmi?
-Elbetde. Sen bir görsediň biziň dört bolup ony ýenjişimizi….
***
-Seniň eliň meniň jübimde name işleýär?
-Otlyçöp gözleýän, agam.
-Adam ýaly sorasaň bolmaýamy?
-Soramaga utandym-da...
***
Dowamyny teswir edip ýazmakçy...
Halan bolsaňyz Haladyma basmany unutmaň 🙂
Ýene-de şular ýaly degişmeler bolsa nähili bolardy?
Ýerine düşerdi(35%, 5 adam)
Elbetde(21%, 3 adam)
Ýoklaý(14%, 2 adam)
Menä gülüp ýykyldym(28%, 4 adam)
:D(0%, 0 adam)
Arhiwiň ýagdaýy
● Doly tekst
● 62/62 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 31 iýul 2012 ý. · Asyl sahypany gör ↗
Teswirler 62
***
Ependi:
-Ýatda sakla oglum, durmuşda hemme zat ýümruk bilen düzedilýän däldir. Şonuň üçin käwagt eliňe taýak alsaňam bolar.
***
Iki sany it derdinişýä diýýä…
Birinji it:
-Meniň hojaýynym gaty gowy adam, maňa günde etlije süňk berýär, gezdirmäge çykarýar, sypalaýar, suwa düşürýär…
Ikinji it onuň sözüni bölýär:
-Meniň hojaýynym-a edil it ýaly…
***
Ependi aga Gurtly kölünde gaýyklara esewan bolujy bolup işe girýär. Onuň işi gaýyklary kireýine ulanmaga bermek we wagty gutaranda yzyna almakmyş. Ine bir gün ol kenarda oturan ýerinden eli dürbüli suwda gaýykly ýüzüp ýörenleriň birine bokurdagyna sygdygyndan gygyrýar:
-Heý! Eşidýäňizmi 99-njy gaýykdakylar! Wagtyňyz gutardy, kenara dolanyň! 99-njy diýýän size, derrew yzyňyza dolanyň!
Ependi aga şeýdip, epesli wagtlap gygyryp durýar... Ahyry Ependiň ýanyna onuň kömekçisi gelýär:
-Ependi aga, bizde bary ýogy 70 gaýyk bar ahyryn. Näme “99-njy gaýyk” diýip gygyryp dursuň?
Bu sözden soň Ependi aga ýeňsesini gaşaýar we ýamaşgan gas gatyrak gygyrmaga başlaýar:
- 66-njy gaýyk! Näme boldy size how? Sesleniň ahyryn!!! 66-njy!
***
REKLAMA
Bu aýakgabyň bir taýyny satyn alan adama, beýleki taýy mugt beriljekdir!
***
Çaýhanada iki dost Ýolbars bilen Öküz keýp edip otyrmyşlar. Ine, birden Ýolbarsyň jübi telefony jyňňyrdaýar, aýaly oňa „derrew öýe gel“ diýýär. Ýolbars Öküz dosty bilen hoşlaşýar we ýerinden turup öýüne gitmekçi bolýar. Öküz bolsa Ýolbarsy hamala „Aýalyň diýenini edýäňmi? Aýalyňdan gorkýaňmy? Men-ä seň ýeriňe bolan bolsam aýalymyň diýenini etmezdim...“ diýen ýaly gepler bilen duzlamaga başlaýar. Dostunyň bu kinaýaly sözlerine Ýolbars şeýle jogap berýär:
-Dost jan! Sen bir zady bulaşdyrma? Meniň aýalym Ýolbars aýal, seniňki ýaly Sygyr däl ahyryn....
***
Burnundan ary çakan pyşdyl şeýle diýýämiş:
-Wah, içigaragalmyş! Ýene-de bu gije daşarda ýatmaly boljagow.
***
Dälihanada iki sany däli gezip ýörkä, ýerden bir bölek ýüz görülýän aýna tapýarlar.
Biri ony galdyrýar we geň galyp, aýna seredýär:
-Bä-ä… Özä bir tanyş ýüz.
Beýleki däli onuň elinden aýnany alýar:
-Hany menem bir göreýin… Haý samsyk diýse. Bu men-ä how!
***
Goşun gulugyna giden esgeriň yzyndan söýgüli gyzy hat ýazýar. Ol gyz hatynda başga bir ýigidi halaýandygyny, indi hem özüne hat ýazmazlygy we ýadygärlik üçin beren suratyny yzyna ibermegini soraýar. Gama batan esger ýigit ähli gullukdaşlaryndan gerekmejek gyz suratlaryny toplaýar we aşakdaky ýaly hat bilen suratlary biwepa gyza iberýär: „Ezizim, gynansamda seniň kimdigiňi ýadyma salyp bilemok. Sen öz suratyňy şu gyzlaryň içinden saýlap al-da özüňe degişli däl suratlary yzyna ibermegiňi haýyş edýärin.“
Oho, epesliň ýarsy bolaýypdyra 🙂
Naçe yaşymyzda bolsak bolalyn, name iş etsek edelin, ejemize naz edyaris, dogry dami?
Irden ejesi oglunyn otagyna girdi we ony tuzurdy.
“Hany oglum, tur indi.. Okuwa gija galarsyn...
Ogly, yary açyk gözleri bilen ejesine seretdi we ukuly bir ses bilen:
“Emma eje, bu gün okuwa gitmek islamok diydi.
Ejesi oglunyn islegine garshy çykdy.
“Okuwa name uchin gitmek islanok, ayt bakaly?” diydi.
“Iki sebap ayt mana...”
Ogly bir yandan pallap, bir yandanam ejesine jogap gaytardy:
“Okuwdaky hemme mugallymlar meni yigrenyarler, bir...
Hermme okuvchylaram meni yigrenyar, bu-da iki...
Bu iki sebap yeter mi, eje?”
Ejesi, oglunyn sebaplerini geçerli kabul etmedi:
“Bular okuwa gitmezligin uchin sebap daldir oglum!”
diydi.
“Indi, derrew tur we chaltrak tayynlan...”
Bu gezek ogly iki sebap görkezmegini isledi ejesinden:
“Senem mana, okuwa gitmegim uchin iki sebap görkezip bilermin, eje? “ diydi.
Sabry tükenen eje, oglunyn üstündaki yorgany chaltlyk bilen çekdi we oglunyn soran iki sebabini aytdy:
”Birinji sebap, sen eyyam 52 yashynda ullakan adam...
Ikinji sebap bolsa, oglum, sen mekdebin mudirisin..!
USA-niň Texas штатында бир ковбой атына мунуп, гидип барямыш диййэ гиден бир чолун ичинден. Озем ач-сувсуз. Онунден бир мотель чыкыпдыр. Ятып, дынжыны алжак болупдыр велин, ол ерде шейле язгы асылгы дурмуш: Акягызлара гирмек гадаган!
Алачсыз галан ковбой ене гидиберипдир диййэр. Онунден ене бир мотель чыкыпдыр. Дынч алайын дийип мотеле барса, ол ерде-де янкы ялы язгы асылгы дур диййэр:
Акягызлара гирмек гадаган!
Ковбой ене гидиберипдир. Гидиберипдир, гидиберипдир аты билен, халыс, ядапдыр диййэр. Чыдар ялы дэлмиш. Ахыры багтына, онунде мотель дур диййэр. Барса, ол ерде-де Акягызлара гирмек гадаган! диен язгы бармыш. Халыс болмажагыны билен ковбой, ковуш кремини алыпдыр-да, йузуни ренклэпдир. Ынха, бир негозел негр диййэ-дэ. Танар ялы дэлмиш.
Мотеле барыпдыр. Кабул эдипдирлер. Янкы ковбой мотелин ишгэрине озуни сагат гони 7.03-де турузмагы берк саргапдыр.
Сагат 07.03. Мотелин ишгэри озуне буйрулан юмшы битирйэр. Гапыны ачяр-да, мыхманы турузяр. Мыхман туряр-да, атына атланяр ве, мотелден гечип, коле барып, йузуни ювуп башлаяр. Йоне ол йузуни нэче ювярмышам велин, гара ренк айрылжагам боланок диййэр. Йузуни ювуп-ювуп, тас колун сувуны гутарара гетирипдир диййэ янкы. Онда-да шол гаралыгы диййэ.
Гара басга галан янкы гап-гара негр ылгап барыпдыр диййэ мотеле нэме боланыны аныкламага.
Горсе, мотелин ишгэри, башга бирини турзан экенимиш!
Анекдот—парадокс. Йоне озум-э шу анекдоты халадым.
***
Gyzjagaz ejesi bilen nahar iýip otyrka soraýar:
-Eje, name üçin kakamyň saçy az?
-Sebäbi gyzym, kakaň akylly adam. Ol köp pikir edeni üçin saçlary dökülýär.
-Eje-eje, seň saçyňa dökülmändir. Kän hem uzyn....
-Geplemän iý!!!!
***
-Agam! Bäş müň manat beräýiň-dä, men irden zat iýmedim.
-Menem iýemok…
-Beýle bolsa on müň manat beriň, ikimiz bileje iýäýeris.
***
Iki sany aç student çilim çekýäler.
-Eşidýäňmi, bir ýerden-ä çişligiň ysy gelýär?
-Samsyk!!! Çilimiň ujundaky siňegi aýyr.
***
Iki poliseýler ýaragly banditi tutmak üçin jaýa girmeli bolýalar. Biri beýlekisine diýýär:
-Birinji sen gir dost! Eger seni olar öldüräýseler, men hökman seniň aryňy alaryn!
***
Ependi ogluna käýinýär:
-Oglum, seniň ýaşyňda Napoleon öz mekdebinde iň gowy okaýan çaga bolupdyr, sen bolsa diňe ikilik almagy bilýäň.
-A seniň ýaşyňda kaka jan, Napoleon Fransiýanyň karoly bolupdyr...
***
Sudýa ogryny sorag edýär:
-Näme üçin sen onuň gapjygyny ogurlapsyň, ustesine-de ony gowy edip urupsyň?
-Gapjygynda puly ýok eken-dä how...
sagbola dost gulup gulup hezil etdim, gaty gowy eken
Kakasy ogluny gassabyñ yanyna et almak üçin ugradyar. Ogly gassaplara baryar we salam berip içeri giryär. Gassap munuñ salamyny alyp:
- hää, et diyip geldiñmi?
Oglan:
- yok, et diyip iberdiler.
bir uçarman dükana girip, satyjydan soraýar:
-sizde parashýut barmy?
satyjy jogap berýär:
-hawa, onda-da iñ
gowsundan bar.
-açylarmyka bir?
-arkaýyn boluñ, açylar.
-birden açylmasa näme?
-aý, alada etmäñ,
açylmasa çalshyp
beräýeris.