Söýenim üçin bagyşla!
Bagyşla, eziz, söýenim üçin,
Bagyşla, eý, gyz, köýeniň üçin,
Indiki diýjeklem diýenim üçin,
Bagyşla meni!
Ýöne men barybir aýtmaly muny.
Göz ýetirdim, boş ekeni
Biziň arzuw-hyýallarmyz,
Çatrykda durus, çapraz düşýär
Bu gün biziň ýollarymyz.
Men saňa ak bagty arzuw edýärin,
Senem maňa arzuw et-de ak bagty,
Hatyryna ret ediljek söýginiň
Bir posa ber,
Soňam aýralyk wagty
Gözýaş dökme, seniň oňa hakyň ýok,
Men bütinleý gidýän, gaýdyp gelemok.
Şeý diýip gözlerňe syn etdim şonda,
Çeşmiň bir üýtgeşik ýalpyldady-da,
Soňra... soňra biraz balkyldady-da,
Gahar, gazap, arman, nälet gözleňde
Gözýaşa öwrülip, çogdular bary.
Saklan, eziz, süpür ýaşyň, bagyşla,
Maňa şu gerekdi ertirden bäri.
Awtory Torum Ýaýlan Bataşy.
Arhiwiň ýagdaýy
● Doly tekst
● 21/21 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 21
berekella
Gowy eken goşgy. Haladym.
ayralik temasyna bolamok haladim yone, +1.
aýralyk käwagt gowydyr, birbiňi has göresiň gelip gadryňyzy biler ýaly
Goz yetirdim bosh ekeni bizin arzuv hyyallarmyz🙂
birazajyk gijä galypsyň, ýöne zyýany ýok 🙂
ha ha! oglanlan edayjek zady-da şu!
eline saglyk agam!👍
Sen edayjek zadynda 😆
.
Ay yolay... ol işler başda bolyara blum
Bet goshgey
Torum Ýaýlan Bataşy - muny tanayan Turkmen dili mugallym. Yaman kan bilyaray Torum Yaylan.
Torum Ýaýlanyň gazetlerde goşgylary çykýardy öňler. sagbol Kab aga.
Tuweleme.+
haladym, ellerinize saglyk...
Bu aýralyk temasynda ýazylmadyk goşgy! Oglan gyzyň söýgüsini barlamak isläpdir. Gyz ýaş dökensoň söýýändigine gözi ýetipdir!
eeeeeey! romantishnalay!))) oglan igaist!!!
Govuja goshgy. Sag bolun!!!
Çyn söýgüni tapmak kyn we gerekläm welin göz ýaşsyz usuly ýokmuka?! Adamlary esasan aýal maşgalaň göz ýaşyna bolamok.. Belkäm bu meniň ejiz tarapymdyr. Olaryň aglamasy öz enem aglan ýaly bimaza edýär meni. Aglatmanrak çyn söýgüni tapmanyň ugruna çykmak gerek...
Soygusine goz yetiripdir. Gowy usul ekeni 🙂
Mumkin bolsa,mene bir goshgy goyayn:
Garaşanym üçin bagyşla.
Garaşmaly däldim men.
Duýup garaşýandygmy
Geljek bolansyň gelmeseňem.
Gelme senem.
Gelmedikler kän bolupdy, gelenlerden.
Men bütin ömrüme garaşyp ýörün,
Hasabyn ýöredip gelenleriň hem
Gelmesemem bolar diýenleriň.
Gelme senem,
Gelseňem, gelmeseňem
Üýtgejek zadam ýok ýaly.
Süýşmez ahyr daglaryň gary?
Seniňki dogry...
Garaşanym üçin bagyşla meni.
* * *
Bu dünýeden gowy dünýe barmyka
Söwer ýary söýmek,
Söýdürmek üçin?
Çünki gije ýyldyzlaram,
Gözlerin näz bilen gypyşýar.
Bu dünýeden gowy dünýe barmyka
Dostdugyňy tanatmak,
Dostuňy tanamak üçin?
Çünki menziller uzak,
Gözýetimde kötel ýollar tapyşýar.
Bu dünýeden gowy dünýe barmyka
Girip-çykyp, ýaşap ýörmegiň üçin?
Çünki hiç kimden minnetsiz,
Wagtly wagtynda
Gün dogup ýaşýar.
Bu dünýede şa bol, ýa bol sen geda,
Söýgüliňe gowuş, ýa düş sen jyda,
Ýapyşarsyň her demiňe,
Diýersiň ýyrtyp ýakaň,
Bu dünýeden gowy dünýe barmyka?!
Bir günem hassasyň, ýatansyň,
Tükeniksiz gaýgy-gussa batansyň,
Ýene-de geler şol sowal,
Bu dünýeden gowy dünýe barmyka?
Ine-de alyp gitdiler, başga bir dünýä baka.
Taşladyň ýaryňy, söwer dostuňy,
Şalygy, gedalygy,
Misli barysy hiç eken.
Emma şeýdip gitmek üçin,
Bu dünýeden gowy dünýe barmyka?
Yhlasly agamyzyn goshgusy.
kab aga we sabyrly aga ikinizede kop sagbolsun aydyan. Gosgular gaty gowy eken, hezil edip okadym. Gaty gowy gordum, yureginize saglyk.