Seni söýen oglan men

kab· 30 maý 2011 ý. 12:54 · 239 gezek okaldy· halanan: 10teswirler.com

Giderin men mundan indi eglenmen,
Unutmagyn ýatlamalaň ýardygyn.
Ak säherde seni söýen oglan men
Kim bilýär täleýde nämäň bardygyn?!

Goýunlar mäleýär köne saraýda,
Erte men olary sürmerin örä.
Bolmaz maňa şepagat-da, haraý-da,
Gitmek maňa hyjuw berýärkä örän.

Belki, meň täleýim bolmaz göwnejaý,
Bulutlaň kerweni alysa göçýär.
Messan basyp barýan täze dogan Aý
Kalbyma şatlygyň şuglasyn saçýar.

Däl bu şatlyk ýol ugrundan tapylan
Men ondan birjik-de edemok heder.
Üçegimiz galaýydan ýapylan,
Ýagyş damjalary täsin heň eder.

Enemiň ýat tutuşy deý dogasyn
Gussa batyp, ejizlesem bir çakda.
Ýatlap damjalaryň täsin owazyn
Kän goşgular ýazaryn men sen hakda.

Awtory Ilmet Gurbanow.

Arhiwiň ýagdaýy

● Doly tekst

● 6/6 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 4 awgust 2012 ý. · Asyl sahypany gör ↗

Teswirler 6

Kerki 30 maý 2011 ý. 14:29 +1

Sag bol minnetdar govy gosgy, birhili obam yadyma düsüp gitdi.

Define 31 maý 2011 ý. 04:13 +1

Enemiň ýat tutuşy deý dogasyn
Gussa batyp, ejizlesem bir çakda

şu ýerinde täze üýtgeşmeler bar. Gowy goşgy, artykmaç setirleri ýok!

nurx 31 maý 2011 ý. 04:22 +1

gowy gosgy eken paylasanyna sagbol, bir gyzy soyup hemme zady taslap gitmegin ugrunda bir oglan, obasyny, masgalasyny yatlamagy gaty edebi