ŞU GÜN AGŞAM HİNDİSTANDA

Süleýman

pygamberiň köşgüne guşluk çagy bir kelesaň howul-hara girýär. Ýasawullara

janyna howp abanýanlygy sebäpli Süleýman pygamber bilen duşuşmakçydygyny

aýdýar. Derrew şanyň huzuryna alýarlar. Hz. Süleýman (a.s.) ýüzi saralyp-solan,

gorkudan ýaňa titreýän adamdan soraýar:

Ýeri, aýdyp otyr, näme boldy? Näme üçin beýle gorkýaň?

Aladaň näme?.

Ýaňky adam yzyndan at kowalap gelýän ýaly:

Şu gün irden öňümden Ezraýyl (a.s.) çykdy. Maňa gazap

bilen seretdi-de derrewem gitdi. Görýän welin, meniň janymy aljak öýdýän diýdi.

Ýeri, onsoň men ýanyma näme sebäpden geldiň?.

Ýaňky adam ýalbarmaga başlaýar:

Eý jan goraýjy, zulma uçranlaryň gaçybatalgasy

Süleýman! Sen ähli zada kadyrsyň. Gurt, guş, dag-daş

seniň emriňde. Ýele buýursana, meni bu ýerden tä Hindistana ýetirsin-le. Şeýle

etseň, belki Ezraýyl (a.s.) meni tapabilmez. Şeýtsem janymy halas ederin. Medet

senden!.

Hz.

Süleýman ýaňka dözmeýär. Ýeli çagyrýar-da:

Şu adamy al-da Hindistana taşla! diýip buýruk berýär.

Näme, ýelem ýel bolýar-da. Bir öwüsýär, bir kükreýär. Ýaňky adamy alyp, bir pursatda Hindistanyň uzak

bir adasyna eltip taşlaýar.

Günortan

çagy Hz. Süleýman wezir-wekillerini ýygnap, ýygnak geçirýär. Bir görse Ezraýyl

hem köpçülige garyşyp gelipdir ýygnaga. Derrew ýanyna çagyrýar-da:

Eý

Ezraýyl! Şugün guşluk wagty ol adama näme üçin erbet nazar bilen seretdiň? Näme

üçin ol görgülini gorkuzdyň? diýýär. Ezraýyl (a.s.) jogap berýär:

Eý dünýäniň beýik soltany! Men ol adama gahar-gazap

bilen seretmedim. Gaýta alada bilen, haýran galyjylyk bilen seretdim. Ol muňa

ters düşündi. Kalbyna dowul düşdi. Ony bu ýerde göremsoň geň galdym. Sebäbi

Allah (j.j.) maňa Git-de şu gün giçlik şol adamyň janyny Hindistanda al! diýip

buýurdy. Menem Bu adamyň ýüz (100) ganady bolsa-da, şu gün agşam Hindistanda

bolup bilmez. Bu neneňsi iş diýip geň galdym. İne, şol

geň galyjylygym bilen oňa nazar etmegimiň sebäbi şudy.