Atyň göçümi….

 
Düýn saý-sebäp bilen baran ýerimde küştçiler bar eken. Bir grosmeisterden haýyş etdim, bir partiýa oýnap göreli-le diýip. Oýnadyk, öňünden belli bolşy ýaly sagadyň dili kän üýtgemänkä kül etdi, Mat! 🙂 Bilmedim, edil beýle çalt-ha mat bolmaly däldim welin, iki ýyl bäri oýnamok, elden çykypdyr. 🙂
 
Garaz, küşt oýnap otyrkam bir zat ünsümi çekdi. Perzi hiç kimiň etmeýänini edip bilýär, saga, çepe, öňe, yza, çapraz, ýöne etjek zady öňünde köplenç görünýär… özem boýy ulyrajyk bolansoň göze-de düşýär. At welin beýle däl. Hemme zady edip bilenok, ýöne etjek zadyny öňünden kän bildirenok, boýam kän göze düşenok.... Duýdansyz kakýar, duýmanam galýaň kämahal…Atyň göçümi we onuň urgusy maňa ýaraýar. Öňem ýaraýardy welin, häzir hasam göwnüm ýetdi.
 
Perzi däldigiňize gynanmaň, durmuşda gerekli ýerinde atyňky ýaly göçüm etmek hemmämize miýesser etsin. Göçümlerimiz betinden, özem atyndan bolsun. Atymyz hem ot ýaly Ýanardag bolsun! 🙂
 
Gaty giç hem bolsa geçip giden Bedew baýramyňyzy gutlaýan….