Söýgi degişmesi

Jahyllyk döwrümdi.Ýagýardy
ýagyş .
Ýagyş
bir gyz bilen edipdi tanyş.
Barýardym...Palçygyň içinde
ýatyr
Otuz bäş nomerli eýjejik
köwüş.
Köwşüň beýlesinde aglap dur
bir gyz...
“ Wiý,wiý,goýaweri!Näm
boldy,a gyz?”
Bir köwşüne bakyp,
Bir maňa bakyp,
Bir asmana bakyp,
Hamsykdy ýalňyz.
Topuldym.Palçykdan gopardym
köwşi .
Täze goşgym bilen süpürdim
köwşi.
(Gazetden yzyna gaýdypdy
goşgym ,
Aý,bolýa,bir derde ýarasaň
ýagşy!)
Gyz
eýjejik köwşün aýägna geýdi,
Kirpikler gygyryp müň “Sag
bol!” diýdi.
(Zaýalan goşgyma ökünmedim
men—
Her kirpik uzatdy müň täze
beýdi!)
Şeýtdi -de,tapyldy eýjejik tanyş.
Ýene dikgirdedi gyzylja köwüş.
Garaja köwüş hem galmady
ondan.
(Sag bol,jaý wagtynda
yňdarlan ýagyş !)
Açyldy tanyşlyk.Gyzyşdy
gürrüň.
Beýle gyz sataşyp duranok her
gün.
Içimden oýlanýan: “Sallah deň-
duşlar,
Wah, görüň,meň tapan gyzymy
görüň!”
Gürrüňimiz şowly.Ýagdaýlar
oňat.
Ýaşymyz on dokuz.Janymyz
sagat.
Wah,häzir
bar dostlam görsedi meni?
Emma bir tanyşam gelenok
gabat.
Aý,olar duşmaz-la duşmaly
wagty!
( Güjeňläýjekdim-da eýjejik
bagty!)
Görmesiz,duşmasyz wagtynda
weli,
Gulaklary misdir,
Gözleri ýagty!
...Ynha,edil düýn hem
Ýagypdy ýagyş.
Älemgoşar
dünýä çekipdi nagyş.
Köçeden barýardym.Bir gelin
duşdy .
Bäş ädim ätmändim-ýedi ýüz
tanyş...
Biri sagdan çykýar,
Birisi —çepden,
Biri bagdan çykýar,
Birisi —çöpden.
Göýäki diýersiň,agşamky gazet
—
Müňläp tiraj bilen çykýarlar
çapdan.
Ýigitmiň, oglanmyň, mamamyň,
eje—
Tanyşlaň deminden bug berýär
köçe!
Ýyrş—ýyrş edip gelýär bir goja
müňkür,
(Özüňe osma-da,geçiber,goja!)
Aýna ýuwup duran ak ýüzli
Senem,
Çiňerlip ,çiňerlip bakdy bir
sellem.
(Sag bol,guwanç bilen sereden
bolsaň ,
Ýogsa-da aýnaňy süpürber
senem!)
Ýatladyp ömrümiň gijigen
gülün,
Barýar gapdalymdan al köýnek
gelin.
Bagdan zompa çykýar
ýene bir bezzat:
“Ýoluňyz rowaç!Gezmäge
geliň!”
“ Rowaçdan”, “salamdan”
tutuldy ýüküm.
Bu gün gadyrym köp:görüşjek
her kim!
Ikinji etajdan gygyrýar biri:
“ Salowmaleýkim dost!,
Salowmaleýkim!”
Ýeri,nädip geçjek salamy
alman?
Aşakdan gygyrýan
“Waleýkimsalam!”
Içimden gygyrýan: “Öňem-ä şu
gün
Meni üç-dört gezek görüpdiň
haýwan!”
Gün ýaşdy.
Aý dogdy.
Asmanda düýt ýok.
Sataşýanym tanyş .
Ýekeje ýat ýok...
Arzyly günde-hä
gapyşypdyňyz
Biarzy günde-de
Sizden bol zat ýok.