Adaty Kompýutermi ýa-da Noutbuk?
Bazardyr-dükanlara aýlananyňyzda, özüňize şu sowaly ençeme gezek beren bolmagyňyz mümkin. Kompýutermi ýa-da noutbuk? Haýsysy amatly? Belki, şu makalanyň üsti bilen bu soraga jogap taparsyňyz.
1. Işleýiş tizligi
Tehnikanyň soňky 3-4 ýylda bu ugurda has-da ösmegi arkaly noutbuk hem-de adaty kompýuterleriň işleýiş tizlikleriniň arasynda kän bir tapawut galmady. Sebäbi, kompýuterleriň iki görnüşinde hem şolbir prosessorlar ulanylýar. Belläp geçmeli ýeke tapawut bar. Ol hem noutbuk elektrik toguna dakylmadyk bolsa, batareýanyň zarýadyny azrak harçlamak üçin awtomatiki ýagdaýda haýalrak işleýiş moduna geçýär.
2. Simsiz network (Wi-Fi)
Soňky noutbuklaryň hemmesi simsiz network mümkinçiligine eýe bolýar. Ýagny, öýüňizde simsiz network oturdylan bolsa, birtopar gerekmejek simleri ulanmazdan, oýüňiziň islendik ýerinden internete girip bilersiňiz.
Adaty kompýuterler bolsa, köplenç simsiz network tehnologiýasyna eýe bolmaýarlar. Ýöne adaty kompýuteriňizi hem simsiz networka birikdirmek isleýän bolsaňyz, USB kysymly ýörite network enjamlaryny satyn almak arkaly bu meseläni aňsatlyk bilen çözmek bolýar.
3. Wagtlaýyn ýat (RAM)
Noutbuklardaky wagtlaýyn ýatlaryň bahalary adaty kompýuterleriňkä görä gymmadrakdyr. Ýagny, noutbuk saýlananda, köpräk wagtlaýyn ýatlysyny aljak bolmaly (4-6 GB-liklerini). Sebäbi häzirki programmadyr oýunlary işletmek üçin uly wagtlaýyn ýat gerek bolup bilýär.
Bu ýagdaý adaty kompýuterler üçin hem şeýleräk. Ýöne adaty kompýuteriň ýady ýetmeýän bolsa, täzesini alyp, öňki ýadyň ýanyna goşmak aňsat hem-de arzan bolýar. Emma, noutbukyňyzyň ýady ýetmeýän bolsa, ilki bilen şol marka wagtlaýyn ýadyň tapdyrjagy gümana, tapylandan soňra bolsa onuň bahasy alada bolýar.
4. Wideo karta
Noutbuklar kiçi göwrümli bolandygy sebäpli olaryň köpüsinde integrirlenen, ýagny, kärhana tarapyndan oturdylan hem-de üýtgedip bolmaýan, goşmaça grafika ýadyny goşup bolmaýan we çäklendirilen ýatly wideo kartalar bolýar. Bu nämäni aňladýar? Noutbuklar köplenç güýçli grafikaly programmalary hem-de üç ölçegli oýunlary işletmäge ukyply bolmaýarlar.
Adaty kompýuterlerde bolsa köplenç grafika meselesi ýüze çykmaýar. Eger mesele ýüze çykaýsa, programmalaryň 99 göterimini işletmäge ukyply wideo kartany 40-50 dollara satyn almak bolýar.
5. Ykjamlyk
Noutbuklaryň iň amatly taraplarynyň biri hem ýanyň bilen göterilip bilinmegidir. Olar kiçi göwrümli hem-de ýeňil agramly bolýarlar. Üstesinede, noutbuklaryň batareýalarynyň zarýady 2-5 sagat işlemek üçin doly ýeterlikli bolýar.
Adaty kompýuterde bolsa hiçhili ykjamlylyk ýok. Äkidip, getirmek üçin bir gün bulaşmaly bolýar.
6. Ekran
Noutbuklaryň ekrany hemişelikdir. Olary ulaldyp ýa-da kiçeldip bolmaýar. Adaty kompýuterleriň ekranyny bolsa öz islemegimize görä saýlap bilýäris.
Şeýlelikde, “Adaty kompýuter amatlymy ýa-da noutbuk?” diýen soraga anyk jogap berip bolmaýar. Sebäbi, olaryň her biriniň öz güýçli hem-de ejiz taraplary bar. Islendik ýerde ulanjak hem-de hemişe ýanyňyz bilen göterjek bolsaňyz, onda size noutbuk amatly. Eger-de, siz üç ölçegli grafikalar, üç ölçegli oýunlar, güýçli programmalar bilen işlejek bolsaňyz, onda adaty kompýuter edinmek amatly.
Umuman, adaty kompýuteriň we notbugyň gowy taraplaryny we kemçiliklerini deňeşdirip görüň. Özüňize amatlysyny saýlaň.
Makala Ata Mahmudow-a degişli.
Özleşdiren Rowshen-Jm.
Ulanylan çeşme: http://www.zamantm.com/tm/...
p.s: Iki tarapyňam minus taraplaryny aşagyny çyzyp belledim (özümçe). Sizem goşmaça plýus we minus taraplaryny teswir ýazyp, belläp bilersiňiz!
Haýsysyny ulanýaňyz?
Notebook(48%, 14 adam)
PC(10%, 3 adam)
Notebook + PC = ulanýan(27%, 8 adam)
hiçisinem ulanamok(13%, 4 adam)
Arhiwiň ýagdaýy
● Doly tekst
● 24/24 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 6 maý 2012 ý. · Asyl sahypany gör ↗
Teswirler 24
laptop amatly bolar mana gerek yeri kop bolyar okuwda,eger oyde oyun oynap,internede girjek bolsan onda pc alsan bolar🙂geljekde adaty komplar yaly notebooklaryn hem guyclendirip bolyan etmezlermika🙂
hazirem bar olar yaly dost! bahasyny gymmat gormesen, 2000$ golay. prossesory i7, HDD 750(ya 700)gb, wideo kar Ge Forse GT 250M, RAM 6gb. 🙂
desktop edinmek maksadym bar yone indiki ýyl okuwa gotermek uchin laptopmy ya Galaxy tab edinmelimi? diyen problemam pikirlendiryar. ay okuwda wagtym kan agyr ishem etmerin, ishlerimi akidip gorkezjek bolsam laptop suyrap yormek gerek dal diyip pikirlenyan....
ikisinem ulanýadym öň. ýöne geçen aýdan başlap diňe laptop.
agyr işler bolmasa laptoby hemme ýerde ulansaň bolýalaý. işde, öýde.
agyr işler diýýänim, oýun oýnamak, 3d max ýene gör.
agyr programmadyr oyunlaram laptopda oynap boljak, bir azyrak laptop gyzyar diyaymesen. sho problemasynam chozselera, son arkayyn laptop alybermeli. yone yene bir minus tarapy zapchastlary hem gymmatda mun 🙂. PC-inki bolsa problem dal we arzan. garaz ozuma ikisinam ulanyan, her haysyny oz gerekli yerinde.
gyzsa ashagyna cooler goyaymaly🙂 mena oynayanow oyunyn sesi bilen laptobyn chygylyan sesi eshdilenok
men birini aldym, ýerde goýýaň welin üflänok. Oň aşagyna hem kitap goýmaly 😆
😆 dogry, ashagyna plastiki birzat goysan bolany, yone sesem irizyar, sesini eshdip nebsim agrap gidyar blum
gyzykly maglumatlarynga sagbol,oyde bir uly kompdan bira bolmaly,lapdopda,eger oye myhman bolsong,ondo derman bolyar,garaz hersining oz amatlygy bada!
Laptop gyzykly ýaman hezil 🙂
Beýlekini ulanmanyma 1 ýyl dagy boldumyka?! Belki bolan bolmagy ahmal...
Sag bol maglumatlaryñyza.Dost kyn görmeseñ notebook-lar ücin RAM-ñ bahalary barada maglumat bileñokmy(Türkmenistanda)
Desktop almagyny maslahat beremok. Eger oyun oynamayan bolsan (okuwchy bolsan gerek dal) netbook ideal. hemme ishine yaraya.. bahasy hem amatly...desktopdan ynan bizar bolyan... mende bardy we gijelerine yere dushurup yuzin yatyp oynamak uchin monitory klawiyaturany zady yerde goyyadym we ne udobno bolyady. Eger ikisine pul bermek isleyan bolsan shon bahasyna 1 sany betje notebook hem bolup bielr.😉...👏
okanyn uchin sagbol!
Noutbuklaryn zapchastlaryny dine zakaz boyuncha getirip beryanlerina bilyan, a tak satlyk yokmyka diyyan. zakazam oz shaherindaki uly, ady belli masteriskoylara zakaz edaymesen.
bahalary bn gyzyklanyan bolsan google komek eder 🙂
32 bitlik OS 4 GB RAM-y götärmikä? Meň aýdýanym onuň görkezeni dälde işleýşi.
Ýene-de sorag nädip kompa 64 bitlik sistema geçirip bolýar
sag bol maslahatyna🙂 men okuwçylykdan çykanyma kopurak wagty boldy oydyan
Men laptobym şumatky adaty desktoplaryň köpüsinden güýçli. Oýunlaram arkaýyn göterýä, photoshop 3Dmax zat hem göterýändir, barlap göremok. Bir bellejek zadym bar ýöne. Apple, SONY, HP ýaly kompaniýalar haçandan bäri all in one desktoplary çykarýalar, hemmezat bir monitorda. Ýagny sistemnyi blok ýok, monitoryň içinde. Ol eýýäm udobnyja bolýa, kän ýerem alanok.
materinka chalyshmaly bolaymasa, tochny bilemok.
Hudaý diý, windowsy çalşaýmaly.
laptop =)
=))