IM barada kelläme gelen zatlary ýazdym
Müşderi: Men... neme... kompýuter ajlakdym...
Satyjy: Nähilli kompýuter aljak?
M: Neme... oýun oýnamana...
S: Saňa noutbuk gerekmi ýa-da stasionar? Winçester näçelik bolmaly? Grafikasy?
M: ...? Aý neme da... oýun oýnar ýaly bolsyn... Hä, birem agent bolsyn!...
Ana!!! Agent bolsyn!!!
Häzirki döwür ýetginjekler Internet diýende Mail.ru Agent-dir diýip pikir edýän ýaly. Menem IM (Instant Messaging: Tiz Habarlaşma, ýa-da çat programmalary) barada birzatlar ýazaýyn.
Meniň ilkinji IM tejribäm Yahoo Messenger bolupdy. Wow!!! Dünýäň her ýerindäki adamlar bilen edil şol wagtda ýazyşmak! Täsin zatdy meniň üçin. Elbette ol wagtlar ýyl 2001 di. Ol wagtlar IM diýen termin hem bardygyny öýdemok. Hemmämiz Messenger diýýärdik ol programmalara. Ol döwürde smaýlikler hem aňsatjady. Olary programma suratjagazlar bilen çalşanokdy, ýöne Yahoo Messengerda suratjagazlar çykanda begenjimiň çägi ýokdy.
Yahoo Messenger gowja, ýöne onuň üçin garşydaky adamyň hem Yahoo hasaby bolmalydy. Soň Bir ýerlerden ICQ (I Seek You: Men Seni Gözleýärin) Messengeri tapdym. Oň gowudygyny... Islän mail hasabyň bilen ýazylyp bolýar, we şeýlelik bilen potensial çat partnerlaryň sany hem köpelýär. Bir kyn tarapy seniň agza adyň bir nomer bolýardy, 342342309 ýaly birzatlar. Ol nomerleri ýatda saklamak hem kyn bolýardy. Ýöne soň ICQ hack diýen zat bilen tanyşdym. Ol sistema ilki çykan wagtlarynda nomerler 5-li bolupdyr, soň olar dolansoň 6-ly nomerler berlip başlanypdyr. Men ilki regirstrasiýa bolanymda 8-li nomerler bardy. Soň bir ýerlerden özüme 6-ly nomer hack etdim. Ýalňyşmasam nomerim 112-224 bomlaly. Owadanja hem-de ýatda galaýjak nomer. Birem ICQ-nyň sesi bardy ýatda galaýjak.
Türkiýede ne Yahoo ne-de ICQ ulanylýardy. Türkler esasan MSN Messenger ulanýardylar. Soň menem bialaç MSN hasaby hem açypdym. Ýöne onda-da diňe türkler bardy.
Bir näçe wagt geçensoň IM programmalary köpelip başlady. Indi herkim bir birden çykaryp başladylar öz "agentlerini". Herkim oýnawaçlary bilen özüne adam çekjek bolýardy, kimi sesli gepleşik serwisine başlady, kimi-de ondan yza galmajak bolup wideo arkaly gepleşikleri berip başlady. Indi IM programmalary esasy habarlaşlak maksadyndan çykyp başlapdylar. Adamlaryň biderek wagtlaryny geriýän ýere öwrülip başlandy meniň pikrimçe. Meniň özüm IM programmalardan bizar bolup ulanmany goýupdym.
Soň Google firmasy öz Google Talk IM programmasyny çykardy. Girip görenimde diňe ak ekran. Hiç hili artykmaç zady ýok. Diňe ýazyşmak üçin döredilen zat. Google mail ulanýan ýeterlik tanyşlarym hem bardy, has takygy köpüsi beýleki mail hasaplardan bizar bolup Gmail-e geçipdiler. Gtalk-da ýokardan, aşakdan çykýan reklamalar ýok. Nä tanyş adamlardan hat pat gelenok. Gözüň we gulagyň dynç alýar.
Biziň halkyň Mail.ru Agenti ulanmalaryny düşünemok. Meniň şuwagta çenli gören iň biderek IM programmasy. Bir iş bilen açmaly boldym mail.ru hasabyny. Hudaý saklasyn, gaýdyp ulanmaryn. Açan hasabynam hem ýadymdan çykar inşallah.
çeşme: http://bayramtm.com/
Siz haýsy IM ulanýaňyz?
Gtalk(33%, 9 adam)
MSN Live(14%, 4 adam)
Yahoo IM(0%, 0 adam)
Mail.ru Agent(51%, 14 adam)
ICQ(0%, 0 adam)
Arhiwiň ýagdaýy
● Doly tekst
● 37/37 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 3 awgust 2012 ý. · Asyl sahypany gör ↗
Teswirler 37
ýokarda ýazylanlar meniň öz pikirim... beýlekiler meň bilen pikirdeş bolman biler ýöne men Mail.Ru Agent ýaly biderek IM görmändim...
Ony ulanýanlara gynanýan...
Ýashyñ uly bolsa elbetde Agendi halamarsyñ! Soñky döwür menem agendi halamok, serveri sebäpli.
Chishik agza, maña kopda hem tm-da ýeñil ishleýän wideowyzow edip bolýan progy salgy bersene.
MSN Messenger (hotmail.com) nähili. Eger shol gowy bolsa dili ruscha, täze wersiýa progynyñ linkini bersene indirmek un!
ICQ, tm chatda oturyadym gije gundiz, yaman hapa sozli adamlar giryardi
Mail.ruAgentde 4000000 golaý agzasy bar, türkmenleren sho ýerde, hä alach ulanmaly bolýar. Pochta howupsyslygy pes. Döwüp bolýar.
Özim yandex.ru pochda gulygyny ulanýan köplench. Tmda gowy ishleýär. Telefonumda programmasy köplench ishläp durýar. Sähel internediñ ysy bolsa bolýar, agent ýaly öchip duranok, tarifik iýmeýä diýen ýaly. Pochta guta hat gelse signal arkaly duýdyrýar we ekrana shekili chykýar. Shol pursatda barlap bolýar. Garaz mydam inet ýanyngda-da.
Sizede shony ulanmany maslahat berýän.
yokardakylaryn hemmesinem ulanyan 🙂) ay yone aydyshyn yaly Agentda rahat oturyp bolanok, doyuryalar (alachsyz oturyan, yakynlarym bn habarlashmak un).
iň gowusy skype eger saňa wideo gerek bolsa... MSN türkmenistanda ulanyp bilersiň ýöne registrasiýa bloklanan meniň bilýänim... daşary ýurtta gowy tanyşlaryň bar bolsa şolardan açdyrarsyň...
men özüm gtalk bilen skype ulanýan... skype internetiň i harpyny görenden online bolýar... ses we wideo üçin iň gowusy şol...
Menem şuna düşünemogay dost. Agent yaly ölen programmany ulanyalar! Ne gözel Gtalk, msn, yahoo messenger bar...
Bizinkiler Agent-i gyz yrmak, yada oglanlara özüni reklama etjek bolup gyzlar ulanyar. Onyn search funksiyasy üçin ulanyandyrlar..
Suna dogry aytdyñ.Gyzlara oglan gözlemek ücin,oglanlaram gyz gözlemek ücin agende giryärler.
nätanyş birini öz kontaklaryňa nädip goşýaňyz? kontakt spisogyň musor bolar gider soň...
mena hotmail we agent ulanyan esasy....
menin in onat goryanim Gmail.hich natanyshlardan hat gelenok.ozam bashga saytlara serdeninde Howpsyzlygy yokary.
Dost men agent hiç ulanamok. Bir yyl ön ulanyp görüpdim weli gaty musur.
Türkmenler agent-i tanyşlyk üçin ulanyalar. Meselem men ulanyakam her yerden druzhba gelyadi. Halamadym. Şondan.
Bizinkiler üçin name asyl maksat. Şona göra ulanyandyrlar.
Tm.da mail.ru poçtda döretmek añsat,ýöne indi olam kyna$yp barýar...beýleki Gtalk,msn,yahoo,facebook,odnakilassik,skape olarda tm.da reges..ýa etmek kyn,icinde reges..ýa edip bolmaýanlaram bar.garaz bärde ulanmak kyn dü$ýär
$onuñ üçin iñ añsady amatdylsy mail.ru Agent biz üçin
ýalňyşýaň... türkmenistanda mail.ru registrasiýa boljak bolup gör hany... men 1 hepdeläp bolup bilmän gezdim... ahyry amerikadaky oglanlardan haýyş ettim... ony açanyma soň puşman boldym... gaty gitse 1 hepde ulandym onam...
gmail bilen yahoo registrasiýa aňsat... msn ýapyk ýöne...
Oglanlar dine tanyslyk dala tel,we video svaz edip bolya agente trafigam gaty kop iyenok hotmailde Msi mena tanayanym sondan ulanyan
Iñ soñky gezek haçan mail.ru regis..ýa edeñde bolmady?