Agzalaryň duşuşygy - 6.05.2011ý.

6.05.2011-nji ýyl.
Sagat 17:00.
Aşgabat.
Kafe "Sai Baba" (Kafeň häzirki ady "Azatlyk").
Teswirler.com-yň agzalarynyň duşuşygy.

Hawwa, ine duşuşyk üçin bellenilen gün hem gelip ýetdi. Duşuşyga ilkinji bolup saýdyň adminleri Agajanh we Baýram-Jm geldi. Aý näme başlyklar hemmeden öň gelmese gelşiksiz boljak-da. 😆 Ondan soňra Güljagaz, Janin we Maýa07 dagylar duşuşyk üçin bellenen ýere geldiler. Soň men bardym. Soň Nohur dostumyz geldi. Soň Akgül, Medine, Akyllyja, The one dagylar geldiler gijirägem bolsa. 😆 Iň soň Mylaýymjan geläýdi öýdýän. Mylaýymjana göwnüm ýetdi. Gele-gelmäne salamam ýok entek, "kimi depmeli, kimiň depilesi gelýär" diýip dur. Bet gyz eken. O_o 😆

Ýene-de käbir agzalaryň gelmegine garaşyldy. Olar: Karanfil (barjak diýip söz berip, eşşi edensiňiz 🙂ýadyňyzda saklaň), Perizat , Аpслан, Nazar, Pudak, Lukman hekim we Unknown_agza (gelip bilmezliginiň mümkindigini duýdurypdy). Bular geljek diýip eşşi edenleň sanawy. 😆 Soň Enigma-da geljekmiş diýdiler. Gelmedi.

Soň näme geljekler gelensoň, gyzlar başlady gybata. Baý gybat edendirler-ä. "agyz plany agza planzat", "agyz plan agzaň plan zady plan", "agyz plan agza plan edýäläý" 😆 we ş.m. gybatlar gaýtýançak dowam etdi. Diýjek bolýan zadym, teswirleriň gyzlary baryp ýatan gybatçylar ekenläý. 😆

Indi agzalar barada.
Agajanh başlyk diýseň başlyklaý. Bir gyrada oturyp agzalara "netorak gybat etseňiz saýtdan ýitirerin" diýip baý haýbat atandyr-a. Bir-iki sanagyna gijä galany üçin banlajak diýibemä otyrdy. 😆 Belki banlandyram.

Akyllyja agza-da bilýän bolsaňyz birnäçe wagt bäri "soganly tort" iýesiniň gelýändigi barada pikirlerde ýazyp gelýärdi. 😆 Oýun edenok eken. Onuň şu gün Menudan "Soganly tort" gözleýşini bir görsediňiz, her tortdan bir bölek dadyp çykdy, iň soňunda gynansagam "soganly tort" tapylmady. :( Bähbit bolsun. Soňam ýakyn günlerde Baron agza bilen toýunyň hem boljakdygyny aýtdy. Bular şuwagtlykça galyň meselesini oňuşanokmyşlar. 😆

Akgülem gybatçylaý, agzy durmady birje minudam. 😆 Olam hiçläý, özüň ajygyp geldiň-de "Haýsyňyz ajygýaňyz?" diýmän "Haýsyňyz aç?" diýip oglanlara prikol tutan bolduňmy?! 😆

Baýram-Jm känä gürlemedi, bir aladajygy bar öýdýän.

Güljagaz bulam bir gybatçy. Gürläp-gürläp akyllyjaň gulagyna gün bermedi. 😆

Agzalaryň arasynda menden (Goooool'dan) ýuwaş oturany ýok öýdýän.

Janin wapşe gürlemedi. Ony beýle ýuwaş ýagdaýda birinji gezek görýän. Ýuwaş oturyşyny görüp meňä gulagym galdy. O_O

Maýa07 agzara biriniň belli günine görünen ýaly edip duşuşygyň duzyny dadyp gitdi. 🙂

Medine agza aslynda gybatçy däl, ýuwaşja gyz. Ýöne gynansagam ol iki gybatçyň (Akgül bilen Güljagazyň) arasyna düşüp şolardan aza gybat etmedi. 😆

Mylaýymjan erbet gyz ekenäý. 😆 Salamdan öň "depmeli adam bolsa guk diýiň" diýip gözümiziň odyny aldy. Käwagt pikirlerde ýazýandyr "deperin, süserin.." diýip. Oýun edýändir öýdmäň, çynyny etse deperem, süserem.. Bete bet diýmeli 😆

Nohur dostumyzam Agajan bilen bir zatlaňa gybatyny etdilerow gaýtýançak. Bir aladasam toýy. 😆

The one gyzlaň içinde iň ýuwaşja oturany öýdýän. Sebäbi gybatçylaň ýanynda oturmady. 😆

Iki sagat töweregi dowam eden duşuşygyň soňlary bize hemişelik ýatlar ýaly ýatlama bolup galdy. Duşuşykda oturan ýerimiziň ýokarsynda kiçijek bir aýnajyk bardy, onam çalaja açyp goýupdyrlar. Ilki bir-iki gezek şol aýnany daşladylar (bizi oka tutdylar 😆). Bizem okuwçylardyrlaý diýip aýnany ýapdyk. 15 minudyrak oturandyrysam welin, bizi ýene oka tutdylar. Özem bu gezek çynlakaý oka tutdylar. 😆 Nädäýersiň bir tokga daş aýnany kül edip gelip Akgüle degäýse. O_O Näme bolduka diýip gulagymyz galdy. Nohur bilen Agajan ylgap daşaryk daşyň gelen tarapyna çykdy, kimdigini tapmady, tapan bolsalar iki eplejekdiler welin. Şeýlelikde, bizi oka tutmalarynyň netijesinde Akgül agza, meň suw içip oturan stakanym, Akyllyja we Baýram-Jm dagyň bolsa iýip oturan tortlary agyr ýaralandy. 😆 Soňra biz agzalar bu jenaýaty kimiň edenini bilmek isledik. Akyllyja "Pudak daşlandyr, gelip bilmänligi üçin" diýdi, Agajan "Karanfil gelip daşlaýandyr" diýdi. Ýene biri "çagalar daşlaýandyr" diýdi. Başga biri "duşuşyga çagyrylmadyklaryň biri gelip daşlandyr" diýdi. Aý şeýdip her kim birini günäkärledi. 😆 Menä adminlerden ban alyp, jany ýanyp ýörenleriň biri gelip daşlandyrmyka diýýänow. 😆 Umuman jenaýaty kimiň edeni syr bolup galýar. Ýöne interesno, biziň oturan ýerimiziň gapdalynda-da aýna bar, ony daşlamadylar. Imenno biziň oturan ýerimizdäkini daşladylar..

Şeýdip ýatlamaga mynasyp duşuşykdan ýuwaş-ýuwaşdan ýöremeşek etdik. Gaýtmankak suratlara düşdik. 🙂 Suratlar diňe Akyllyjada bar. Bize bermediläý. 😆 Soň daşaryk çykdyk. Sagbollaşyp gyzlary ugratdyk. Şeýdibem agzalaryň şu günki duşuşygy gyzykly ýatlamalar bilen geçip gitdi. 🙂

Ýöne doly tamam bolmady. Gyzlar gaýdansoň galdyk 4 oglan bolup (Batyr, Myrat, Agajan we Baýram). Ony-muny, iýjek-işjek zatlarymyzy alyp ýüklendik Myratjanyň maşynyna. Daşarynyň garaňkydygyna garamazdan gitdik arassa howada ýerleşýän 1-njy maýyň ýaşyl baýyrlaryna. Soň oglanlar bolup ol ýerde oturdyk. 🙂 Dynç aldyk. Arassa howada meýdanda oturmagyň lezzetini özüňiz bilýäňiz. 🙂

Umuman aýdaňda duşuşyk gyzykly boldy. Ýatlamaga mynasyp duşuşyk boldy. Teswirleriň agzalary bolup sai babany aýnasyza goyduk, karoçe kellä geýdik. Indi barsak bizi salmazlarow olar. 😆
Agajany, Mylaýymjany we Akyllyjany ilkinji gezek gördüm. 🙂

Bellik: Hormatly agzalar, öteräk geçen ýerlem bolsa ötünç soraýandyryn.

Agajan admini görsem

depjek(84%, 37 adam)

urjak(15%, 7 adam)