SALGYT ZEKATYŇ ÝERINI TUTUP BILERMI?
Şu gün işdeş oglanlarymyň biri bilen zekat barada kiçiräk jedel boldy.
- Salgyt gullugyna tölenýän umumy girdejiniň 2.5%-i berilmeli zekatyň möçberi bilen des-deňdir, ýagny, umumy girdejiniň kyrkdan biridir. Şoň üçinem salgyt töleýän telekeçiniň, söwdagäriň zekat bergisi ýokdur - diýip, ol henize-bu güne çenli eşitmedik gürrüňimi aýtdy.
Men çürt-kesik garşy çykdym.
- Zekatyň möçberi umumy girdejiniň kyrkdan bir bölegi däl-de, eýsem, umumy malyň, puluň kyrkdan bir bölegidir - diýdim. Galyberse-de, zekatyň berilmeli ýerlerini, prinsiplerini, maksadyny başardygymdan düşündirdim. Salgydyň möçberini ýörite gullugyň kesgitleýändigini, dürli sebäplere görä ony azaldyp ýa köpeldip bolýandygyny ýatlatdym. Ylmyhaldan aşakdaky mysaly getirdim:
"Kurany Kerimde we Pygamberimiziň hadyslarynda zekat hemişe namaz bilen birlikde zikr edilipdir. Ikisi hem Allaha ýakynlaşmak we Onuň ryzasyny gazanmak üçin amal edilýär.
Pygamberimiz we sahabalaryň döwründen başlap, käbir mallaryň zekaty döwlet tarapyndan ýygnalypdyr, ijtimagy maksatlara we döwletiň belli pudaklaryna harçlanypdyr.
Zekatyň ijtimagy maksatlara we döwletiň käbir pudaklaryna harçlanandygy üçin, käbir yslam alymlary häzirki döwürde şol bir mal we girdejiden döwlete berilýän zekatyň salgytdan tapawutly däldigini, bularyň dürli atlar bilen atlandyrylmakdan başga zat däldigini aýdýarlar. Käbirleri bolsa salgyt bilen zekatyň şol bir zat däldigini öňe sürýär.
a) Zekatyň salgytdan tapawutly ýerleri
1. Zekat Allah tarapyndan bellenipdir. Onuň hökümi we görnüşi üýtgemeýär. Salgyt bolsa kanun bilen bellenip ýa-da ýatyrylyp bilinýär.
2. Zekatyň nisap mukdary Pygamberimiz tarapyndan bellenipdir. Bu mukdarlar häzirki günümize çenli goralyp saklanýar. Eger nisap mukdary üýtgedilse, maly ybadat bolmaz. Emma salgydyň mukdary döwlet tarapyndan artdyrylyp ýa-da kemeldilip bilinýär.
3. Zekatyň berilmeli ýerleri aýat arkaly kesgitlenipdir. Zekat döwlet tarapyndan ýygnalsa-da, hukuk taýyndan onuň ýagdaýy ýetim malyny saklaýan wasynyň (hossaryň) ýagdaýyna meňzeýär. Döwlet zekat malyny öz garaýşyna görä, islän ýerine harçlasa dürs bolmaz. Döwlet diňe salgyt girdejilerini islän ýerine harçlap bilýär.
b) Zekatyň salgyda meňzeýän taraplary
1. Zekat hem-de salgyt jemgyýetçilik durmuşy üçin hökmandyr.
2. Zekat hem-de salgyt döwlet tarapyndan ýygnalyp, degişli ýerlere harçlanýar.
3. Zekatyň hem salgydyň ijtimagy we ykdysady peýdasy bardyr.
Nirelere berilmelidigi öňünden bellenileni üçin zekaty ýöriteleşdirilen salgyda, şeýle hem şahsdan-şahsa geçirilýändigi üçin sosial ätiýaçlyk salgydyna meňzetmek mümkindir.
Zekatyň özboluşly ybadatdygy, şeýle hem höküminiň çeşmesiniň, zekat berilmeli mallaryň nisabynyň we mukdarynyň, zekatyň berilmeli ýerleriniň Allah we Onuň Resuly tarapyndan kesgitlenendigi üçin salgytdan düýpli tapawutlydyr.
Netijede, döwlete tölenýän salgyt, şol maldan berilmeli zekat borjuny aýyrmaýar. Salgydyň zekata meňzeýän käbir taraplary bolsa-da, salgyt – dünýewi, zekat – dini borçdur."
Gürrüňdeşim:
- Ylmyhal soň çykan zat. Alla islese, salgydy zekat hökmünde kabul edip biler - diýdi.
Men kellämiň gyzgynyna:
- Kabul etmez - diýdim. Şeýdip herimiz öz pikirimizde galdyk.
Ýa men ýalňyş düşünjä eýerýänmi? Anyk bilýän agzalar şu meseläni çöp döwen ýaly edip berseler...
Arhiwiň ýagdaýy
● Doly tekst
● 26/26 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 5 awgust 2012 ý. · Asyl sahypany gör ↗
Teswirler 26
Teman hemmesini okamadym yöne salgyt zekatyn yerini tutmaz.
Sebäbi?
Sebabi zekat bereninde ak yurekden ozin razy bolup beryan. Salgyt gullugyna bereninde bolsa kop adam nayrza bolup beryar. Ine sholam esasy tapawudymyka diyan
Alla islese gepini üýtgetmelimi? Alla islegini ýazypdyr Kitabynda, biri diýdi diýip täzeden ýazmalymy?
Fykyh tarapdan kemini goýmansyň-la. Seňki dogry @kab. Ruhdan düşme.
Salgyt dowlete berilyar, chunki yygnalan salgyt arkaly dowlet dowlet derejeli ishleri etmegi uchin yagny yollara, mekdeplere, shypahanalar we sh.m yerleri gowy saklap halkyng aladasyny etmek uchin, dowlet ishgarlerining aylyk gunlukleri hem shol salgytdan tutulyp upjun edilyar kop yagdaylarda...
Emma zekat bu Huday yoluna berilyan bir zat bolmaly we Hudayyng maksady uchin we Hudayyng alada edyan zatlaryna ulanylmalydyr. Zekatyng yada hudayyola berilen pulung yygnalmagy dowlet tarapyndan kontrollyk edilmeli daldir. Imanly adamlar bu pulung dogry maksada ulanylyshyna gozgchilik etmeli.
Men dogrusy, yslamdaky zekatyng maksatlary barada kan zat bilemok, yone zekat bu Hudayyng talap eden hudayyolyna berilyan bir serishde bolsa onda yokardaky aydanlarym dogry bolup biler!
Hawa, zekatyň maksatlary şolar ýaly. Zekat - ybadatyň bir görnüşi. Zekatda baş maksat - jemgyýetiň maddy balansyny saklamak. Garyp-gasarlara, ýetim-ýesirlere, misgin-pakyrlara ýardam etmek. Zekat - gazanylan malyň, puluň haramyny saýlamak. Zekat - Allaň mülkünde ýaşaýanlygyň üçin bolan bir bergi.
Kab dost ine shol sebapden hem Hudayyoluna berilen serishde bilen dowlet salgydy biri birinden tapawutlydyr!
Sylap dost, hristiançylykda ýagdaý nähili? Ýagny, zekat diýen ýaly zatlar barmy?
Menin pikirimce zekat salgytyn yerini tutup bilmez. Cunki zekatyn berilmeli yerleri belli. Talyba, garyba we sh.m. Emma dowlet halkdan alan salgydyny ahli halk uchin ulanyar. Halkyn arasynda bayy hem bar elbetde, alnan salgytdan bay masgala hem peydalanya, zekat bolsa baylara berilmeya. Ine shu tarapdan salgy we zekat bir birinden tapawutlanya.
Duzeltme: Birinji sozlem ''salgyt zekatyn yerini tutup bilmez'' bolmaly.
zekat gaty inçe zat, zekat düşýàn adam tapmagam kyn. salgydy bolsa nira gidyanini bilman toleyas, heyem yerini tutarmy.
Eger Allah saña döwlet beren bolsa şon 40 dan bir böegini gysganmañ.
Bir garyndaşym aýtmyşlayn: siz şükir ediñ zekat töleýàniñize, zekat alýanlardan bolan bolsañyzam etjek alajyñyz bolmazdy.
Kab dost, Isa Mesihing taglymatyna gora we Towratdaky kanun boyuncha, hudyayoly bermek yagny zekat bar! Bu ahli girdejileringden 10% Hudayyngky bolmalydyr we bu serishdeler Hudayyng yoly uchin we Hudayyg maksadyndaky wajyp ishler uchin ulanylmalydyr. Ol pullara imanlylaryng yygnanyshygy jogapkar bolup duryar we shol maksatlara ulanmalydyr. Imanlylaryng esasy maksatlarynyng biri hem garyplara, dullara, yetimlere yardam etmek we shol bir hatarda hem Hudayyng Sozuni wagyz etmek bolup duryar. Bar serishdeler hem bular uchin ulanylyar.
Hristianchylyk salgyt babatda halky gaty gysypdyr oydyan onki asyrlarda. Yewropa demokratiya gelip dine garshy chykanlar kopelenson sheyle yokary derejeleri gazandy. Halk biraz gowja rahatlady. 17-18-19 asyrlarda ylmy ishleri orta atan yewropaly alymlaryn hristian dinine garshy chykmagy gaty unsumi chekya. Munun tersine yslamyn yetishdiren alymlary dinine bagly bolupdyrlar.
Yewropada yslam bilen gyzyklanan filosoflar we alymlar bu dini yazgarmagyn deregine owupdirler hat-da kabirleri musulman hem bolupdyr. Bernard Show, Pascal aydanlarma mysal. 21 yashynda yslam bilen gyzyklanyp gozleg ishleri gechiren germaniyaly Wolfgang van Goethe hem musulman eken.
Tanovech, sen shu wagt hemme Europa alymlaryny ...musulman edip goyyang...Bolyar Goethe ol musulman diyip yalngyshma dost, ol ateisting baryp yatany, filosof bolan adamlary, adam akylyny, Hudaydan yokary tutan adamlardyr!
Salgyt zekatyñ ýerini tutmaz.
Yok yok sylapmen agam, ähli yewropaly alymlary musulman däl. Yöne Yewropada bilimin ösmegi, hristian dinini inkär etmek netijesinde bolya. Bu hakykat dälmi näme?
Goethe meselesinde gelsek, şu wagt önümde bu ussat yazyjynyn biografiyasy dur. Dogry, Goethe 1782-de hristian dinini ret edyär! Musulman bolupdyr, ateist däl.
''Yslam Allaha boyun egmek diyyän bolsa, onda hemmämiz yslamda yaşayarys we ölyäris'' diyen adama ateist diyip bolmaz! Ol 1819-yazan ''Gündogar-günbatar diwanynda'' Yewropada yaşlara yslamy ündäp başlayar.
Bulary geçeli, Hristianlyk yeri dünyänin merkezi hasaplaya, we ay, gün jisimler yerin daşyndan aylanyandygyny öne süryä. Emma bu subut edilen bilime ters gelyä. Hristianlykdaky bu düşünjäni italiyaly papaz we astronomiya alymy Bruno ret edyär. Katolik ybadathanasy onun bu hereketine ''dinden çykmak'' diyio baha berip 1600-de Rimin Campo dei Fiori meydanynda DIRILIGINE YAKYP öldüryär. Yöne wagtyn geçmegi bilen hristianlyk bu düşünjesini üytgedipdir. Yagny dine ÜYTGEŞMELER girizyä. 1996-da Watikan şol köne düşünjäni cancel edip Yerin, günün daşyndan aylanyandygyny kabul edyä!
Hristianlygyn bilime beyle ters gelmegi barada näme aydyp bilersiniz.?
Sylapmen Hudayoly bn Zekatyn tapawudy bar Yslamda Zekat bay adamlaryn etmesi hökman bolan ybadatlary namaz yaly. Yslamda Mal bn Beden bn Hem Mal hemem Beden bn edilyan ybadatlar bar zekat mal bn edilyan ybadada giryar. Huday yoly bolsa musulmanlaryn isleglerine göra. ondan sorag bolmas. emma bay bolup zekatyny bermese sorag boljak.
Sylapmen agzanyn çykanyna gaty gynanyan, soraglar jogapsyz galaydy-da :(
Örän işli bolmaly. Goy Allanyn ilçisi Hezreti Isa aleyhisselam ona şepagat we kömek edip ''dogry yoly'' görkezsin. Amin.
Sadaka-Zekat-Salgyt ayry-ayry zat. Sadaka bermek erkindir, her bir iman eden adamyń sadaka bermegi öz ygtyýarynda, bermegi özi üçinem, gazanjy üçinem, iki dünýäsi üçinem haýyrlydyr. Zekat bolsa her bir iman eden, bellenen möçbere gurby çatan mömin üçin parzdyr. Sadaka erkin bolany üçin näçe gizlin boldugyça sogaby şonça köpdir, Pygamberimiz bu gizli sadakany – bir eliń berenini beýleki eliń bilmeýän sadakasy – diýip sypatlandyrýar. Zekat bolsa eliń kiridir, gazanjy bolan imanly adam üçin ýagdaýy biçeń adamlara, aýratynam ýakyn hossarlarynda şeýle kösenji görýänleri berilýän ýardamdyr. Diýmek bularyń ikisinde-de adamzat durmuşyna hiç hili zelel ýok. Salgyt sen bay bol, garyp bol tapawut edilmeya. Salgydynam her gornishleri bar.
Salgyt bn zekaty deñesdirip bolmazmyka diyän. Salgydy mejbury yagdayda göryän girdejisine görä tölemeli.Zekat bolsa adamyñ öz islegine görä berilyär.