Salgym

Master· · 521 gezek okaldy· halanan: 19teswirler.com

Salgym diýip eşdip görensiňiz. Gara ýolda barýakaňyz uzakdan suw görünýär. Ýetýäň welin hiç zat ýok. Şöhle...Çölde-de bolýar diýýärler, anyk bilemok. Keýikler allanyp ylgaşyp ýörýämişler. Suwsan keýikler...ylgap barýalar, suw ýok. Göz öňüme getiremde-de gynanýan.

Gürrüňi uzaltjak däl. Ýaňy bir romanda salgym barada awtoryň meňzetmelerini okap, oýa batanymy duýman galdym. Durmuşda-da umydyň pagyş-para edýän salgymlar kän. Aňyrdan bir zat görünýän ýaly. Ýöne golaýladygyňça boş...hiç zat ýok bolup çykýar. Kähalatlarda bir zadyň bolmajak zatdygyny bilsegem, özümizi allan bolýas, ynanan bolýas, umyt eden bolýas. Allaýanlaram çyndanam allandyryn öýdýär, oýnandyryn öýdýär. Adamyň gowy niýetini, kiçijek göwnüni hiç zatça görenoklarmy nämemi...bilmedim.

Bu oglan näme barada samraýaka diýmäň. Bir mahallar partiýalar açyljakmyş diýip ynanan bolduk. Soň hususy gazet žurnallar açylýamyş diýip begenen bolduk. Soň dünýäde iň öňde barýan biz bolduk diýip buýsandyk. Soň 3-4 sany mobilny operator açylýa diýip başymyz gök diredi. Ýene we ýene şuňa meňzeş zatlar....salgym. Oturyp-oturyp bir zada umyt edip garaşýakaň ters zat edip goýberýäler welin, çaýyňa siňek gaçan ýaly bolýar. Indem daşary ýurt diplomlary diýip bir zat diýýärler. Habarlar gowy welin, diňe habar bolup galaýýada. Näme bolsa-da, allamasalar gowy...Jigiň allasa hiç welin, “kakaň” allasa erbet bolýan eken...Şu gezek dogry bolsun diýip umyt edeliň, daşary ýurtda okanlar kösenmesin.

Arhiwiň ýagdaýy

● Doly tekst

● 23/23 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 23 maý 2012 ý. · Asyl sahypany gör ↗

Teswirler 23

Rainman 5 maý 2011 ý. 05:40

hemme zady wagt görkezer.biz bilimizi berk guşap üstümüze parz bolan amallary yerine yetirip garaşmaly bolarys! bolayyndada biz tayyar halda bolarys !

Amanovic 5 maý 2011 ý. 07:21

Beh... edebiyatdan girip syyasatdan cykdynow. BEREKELLA 🙂

gurbik 5 maý 2011 ý. 14:44
Tanovech:
Islän bütin arzuw-umytlaryn salgymdygyna ynansyn, islän arzuw edip planlan ''salgysyna'' yetmek üçin zähmet çeksin. Yöne şularyn dine sonkusy adamyn kämilleşmegine yardam edyä.

Ilki arzuw döreyär adamda. Son ruhy diri bolan adam arzuwyny amala aşyrmak üçin hyyallanyp başlaya. Bir gün gelip şol hyyallar plana öwrülip duruberyär. Ine mundan sonky etap bolsa bir wagtky arzuwlaryn hakykata öwrüljek etaby bolya. Umytsyzlyk bizin medeniyetimizde önden barmy, ya yslam bilen geldimi bilemok. Yöne türkmen medeniyeti umydy ündeyär. Almany göge zyn, yere düşinçä ya pelek.

Aydylyan bu zatlaryn salgymdygyna ynanyp ähli hyyallaryna yüz öwürsen, munyn netijesi umytsyzlyk bolar. Bu bolsa düypli kämilleşmäne, has modernleşmäne gidyän yola diwar örmek bolyar.

Günorta wagty birnäçe sagatdan günün batjagyny bilip bolya. Menem şu wagtky yüz beryän wakalardan yurdumyzyn ösüş yoldundadygyny gördüm. 2012-de 11% ulalmak durka ''salgym'' diyip ähli dolandyryjylar yüz öwürse onda beyle ösüs gazanylmaz.

Şu okayjylaryn içinde-de ykdysadyyetçi, gelejegin syyasatçylary bar. YAZYJYNYN BORJY BOLSA, OLARY ''SALGYM'' ARKALY GORKUZYP UMYTDAN DÜŞÜRMEK DÄL, (ARZUWLARYNA, HYYALLARYNA) PLANLARYNA HÖWESLENDIRMEK BOLSA GEREK. Bala, beyle umytsyzlyga sezewar ediji yazgylarynyn bir gün gelip durmuşa, maksat-myratlara ündeyji yazgylara öwrülmegini umyt edyän. Enşalla bu umydymy ''salgyma'' öwürmersin, bu sana bagly bolup dur. 🙂


yuz beryan waka name diymegay, yuz bermek diyip mena on esdemokdym