Söýgi dälmi

                         
 
                                     Söýgi dälmi?!

Älemdäki ýagşylyklar,
Syrlarda dyman şapaklar,
Päkligi açan ýagyşlar,
Bulaň bary söýgi dälmi?!

Ýoluňa bakan dideler,
Takdyra inen bijeler,
Derdiňe syrdaş gijeler,
Bulaň bary söýgi dälmi?!

Özüňe gowşuran ýollar,
Gözýetim boýlan hyýallar,
Ap-ak güle çümen baglar,
Bulaň bary söýgi dälmi?!

Bagtyňa ömürdeş tobaň,
Sadalygy söýen obaň,
Eziz kyblaň,mährem käbäň
Bulaň bary söýgi dälmi?!

Synagly dünýäň synawy,
Mahrem öýleriň alawy,
Barlyklaň uýan galamy,
Bulaň bary söýgi dälmi?!

Awtor: Aknur Rozyýewa. (Garagum jurnalyndan.)