Dünýede her kimiň öz gylygy bar
Dünýede her kimiň öz gylygy bar,
Oňatlary saýlap-seçgin — diýdiler.
Edep-sypaýçylyk adamy bezär,
Mydam gödeklerden gaçgyn— diýdiler.
Diýişleri ýaly, gaçdym-da ýördüm,
Gödekligem meni kowlap ýörmedi.
Ol öňümden çyksa, ýüzüm öwürdim,
Oň nä derdi — asyl gaty görmedi.
Sypaýy diýlenler bolýar her hili.
Juda sypaýylar daşym aldylar.
Duýman durka, kastlary bar ýaly,
Sypaýlygmyň dulugyna çaldylar.
Sypaýçylyk bilen hormat etdiler.
Sypaýçylyk bilen adym tutdular.
Sypaýçylyk bilen arzan satdylar.
Sypaýçylyk bilen etdiler baryn.
Soň ýene diýdiler ýanyma gelip,
Mert ýigide näzik bolmak ýaraşmaz.
Bardyr adamlarda şeýle bir gylyk,
Ajyň ýokmy — süýjüňe-de garaşmaz.
Eýsem, ýaranjaňlyk, öz külbäň küýi,
Göriplik hem juda-juda küteklik
Ýaly gylyk-häsiýet duş gelýän güni
Iň ýaramaz gylykmydyr gödeklik?!
Baş çykarmak gerek şeýle gylykdan,
Näçe çuň düşünseň şonça-da ýagşy.
Kebzä pyçak sokýan sypaýçylykdan,
Tumşugyňa kakýan gödeklik ýagşy.
Eý, siz, sypaýylar, men taýa bakan
Gelmäweriň leşger çekip, dökülip,
Ýaşasyn hak üçin gulakdan çekýän,
Göni göze bakýan sagdyn gödeklik!
Arhiwiň ýagdaýy
● Doly tekst
● 11/11 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 11
Yqashasyn hak ucin gulakdan chekyan
Goni goze bakan sagdyn godeklik minnetdar govja setirler ucin
G.Ezizow soyguli $ahyrym! Sag bol!
Магтымгулыдан сонкы ин халаян шахырым.онун не дережеде говулыгынын буям бир аламаты мен гоз онумде...
Goşgyň Gurbnnazaryňkydygyny ýazmagy ýadyňdan çykarypsyň öýdýän. Durmuşda köp gezek gulakdan çekýäler hak üçindir öýdýärler. Arman... Sagdyn gödeklik gaty gyt häsiýet. Gödekler köplenç nadan bolýarlar. Bu goşgy gaty gowy goşgy. Ýöne munda gödek boluň diýilmän ýasama sypaýçylykdan daş duruň diýilýär. Men ýaşlarymyzyň gödek bolmakdan çekinmän ejjeň-de bajjyň boluşyşlaryny, ýa-da teswirleriň sahypasynda dile-de alynmajak zady ýazyp bilişlerini görüp utanýan. Şolardan bir bolmaň.
Yadymdan çykarmady. Söygüli teswirdweşlerin G.Ezizowy gowy tanayandyklaryna ynamym güyçlidi.
Beýle pikir meniň kelläme-de gelmändir. Ýaşlaryň bizden ozdurýandygy şundanam görnüp dur. Berekella.
Front yollarynda goek soldata ,
Bir gyz ashyk boldy.bagsh etdi ozun.
Soz tapmady soldat ona diyere,
Kalbyna sindirip bilmedi nazin.
Gunlen biri shinel atyp ustlerne,
Onunam ustunden atynyp asman,
Yatdylar.Godeklik hem naziklik,
Arkadaky uly serhede yetman.
Dine dan chigregi yakyp bashlanda,
Gyzyn dishlerinin ustune basman,
Godek soldat yorganyny bolushdi
,Gyza shinel dushdi.
Ozune asman.
Gurbannazar Ezizow
Gowy tema we goshgy! 🙂
Gyzyň düýshleriniň üstüne basman, - nähili arassa ýazylan! Özi esger özem şeýle päk ahlakly. Häzirki döwrüň esgerleri, elbetde hemmesi däldir, nähili pikir edýärler, gyzlar hakynda. Gyza şinel düşdi, özüne Asman. Gödek soldat. Bu ýasama däl. Gurbannazryň özi şeýledi. Şeýle görmegeý, şahyr oglandy. Emma gaty arassady. Söýgüsem, dostlugam.
Tumsygyña kayan gödeklik yagsy diylen yeri gaty yerlikli.
Gaty onat goshgylar paylashanyn uchin uly minnetdarlyk bildiryan!Halanlaryma goshdym.