Hadys-13(ikinji)
ÝEDI TOPAR ADAM
Resulullah (sallaLlahu aleýhi we sellem) aýdýar: „Ýedi topar adamy Allah Tagala Kyýamat gününde Öz Arşynyň kölegesinde gorar (saýalar). Sebäbi şol gün şondan başga kölege boljak däldir.. 1)Adyl (adalatly) hökümdar. 2)Beýik we Kadyr Allahyň razylygyny gazanmak üçin öz ýaşlygyny ybadata bagyşlan ýaş ýigit (gyz). 3)Kalby mesjidler (ýagny jemagat bilen) bilen bagly bolan adam. 4)Bir-birini diňe Allahyň razylygy üçin söýýän we diňe şonuň üçin birleşýän we aýrylyşýan iki adamy. 5)Abraýly we owadan aýal maşgala tarapyndan zyna etmeklige çagyrylan wagtynda „Men Allahdan gorkýaryn“ diýip ýüz öwüren adam. 6)Sag eli bilen beren sadakasyny çep eli bilmejek şekilde gizlin berýän adam. 7)Ýekelikde Allahy ýatlanda gözleri ýaş bilen dolan adam. (Buhary we Müslim).
Allah Tagalanyň Kyýamat gününde şu adamlary öz arşynyň kölegesinde kölegelendirmesi olary ýalkajagynyň alamatydyr. Olaryň ýalkanmagy Allahyň razy boljak amallary etmeklikleridir. Şol ýedi häsiýetiň haýsy hem bolsa Allah Tagala şol adamy söýýär. Allah Tagala şol häsiýetleriň adamlarda döremegini isleýär we höweslendirýär. Her bir häsiýet şol adamyň kalbyndaky imany we päkligi görkezýär, çuňňur takwalygyny we giň hikmetini aňladýar. Şolaryň birinjisi Adyl hökümdar. Adalat diýmek-Şerigat diýmekdir. Hikmetli bolmak, giň garaýyşa beýgelmek, nebisden päklenmek bilen bolýär. Hökümdar bütin ýurtdaky ilatyň her birine aýratynlykda jogap berýär. Ol hemme adamlaryň hak-hukugyna jogap berýär, olary gorap alada etmek onuň borjudyr. Bu bolsa diýseň kyndyr we köp yhlas edip, köp işlemäni talap edýär. Şonuň üçin şeýle adamyň sogaby şonuň ýaly ulydyr. Onuň Allahdan gorkusy uly bolmasa, ol şu işleri edip bilmeýär. 2)Ýaşlygynyň güýjini,zehinini, saglygyny Allah (jelle jelaluhu) ýolunda sarp eden ýaş ýigit. Ol ýaşlygynyň bütin lezzetli we özüne çekuwjy zatlaryndan saklanyp, (Allahyň razylygy üçin) özüni diňe Allaha ybadata we ytagata berýär. Garrylykda adamy şeýlede köp günä işler we lezzetler özüne çekmeýär, sebäbi şolara islegi ýitýär we ýaramaýar. Elbetde bir zady isläp durkaň saklanmagyň sogaby, islemäňde we şoňa ýaramaňda saklanmagyň sogaby ýaly däldir. Elbetde Allah (jelle jelaluhu) bagyşlaýjy we geçirimlidir, rahmetiniň çägi ýokdur. Ýöne Allah (jelle jelaluhu) adalatlydyr we elbetde ýaşlygyny Allaha bagş eden adam garrylykda toba gelen adam bilen deň bolmaz. 3)Kalby mesjidlere bagly bolan adam (umumy jemagat bilen bagly bolan adam) diýmek-5 wagtyna mesjide namaza gatnaýan adam, hemişe mesjidiň hyzmatynda bolan musulman. Onuň kalby mesjide bagly, hemişe şol mesjidiň işleri bilendir. Mesjid-Allahyň öýidir we elbetde onuň adamyň iman we takwalygyna uly täsiri bardyr. Resulullahyň (sallaLlahu aleýhi we sellem) şony aňladýan birnäçe hadyslary bardyr. Mysal üçin : „Jemagatda okalan namaz öýde okalan namazdan 27 esse sogaby köpdir“ ýada „Mesjide (jemagada) gatnaýan adamyň her äden ädimine bir sogap ýazylyp bir günäsi öçüriler“ we ş. m.. Bu hadyslaryň hemmesi mesjidiň (ýagny jemagadyň) musulmanyň ýaşaýşyndaky roluny görkezýär. Gynansak hem şu döwürde musulmanlar jemagatlardan diýseň daşlaşyp, onuň ajap täsirinden, agzybirligi sazlaýjy häsiýetinden, jemagat duýgusyndan, ytagat düşünjesinden daşlaşýarlar (mahrum galýarlar).
her bir ynsana iman, bagt, saglyk dilegleri blen yonekey ynsan shukur
Arhiwiň ýagdaýy
● Doly tekst
● 32/32 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 32
4)Bir-birini Allah (jelle jelaluhu) üçin söýmek we Allah (jelle jelaluhu) üçin ýigrenmek imanyň iň ýokary alamatlaryndan biridir. Şol häsiýete eýe bolmak üçin uly täsir gerek, hidaýet we kämil iman gerek. Adamlary söýmäniň esasy sütüni Yslamda takwalykdyr. Bir ynsany Allah (jelle jelaluhu) näçe söýýän bolsa, musulman bende hem şol adamy şol mukdarda söýmeli, ýagny ölçeg şoldyr. Bir adamy näçe gowy görýän bolsaň hem ol adam takwalykdan daşlaşsa, Allahyň buýruklaryna ters ýörese ony musulman bende söýip bilmez. Sebäbi onuň söýgüsi diňe Allaha baglydyr we ölçeg şoldyr. Mu'min öz arzuw isleglerini doly Allahyň (jelle jelaluhu) isleýşine boýun egdirmäni başarýan adam bolmalydyr. Şonuň üçin Allah Tagala Özüniň razylygy üçin bir-birini söýýän, aralaryndaky söýgini diňe Beýik Allaha (jelle jelaluhu) bolan söýgi üstinde guran adamlary diýseň gowy görýär. Ol hemişe şolary Öz penasynda saklar. 5)Bir adam Allahdan gorkup zyna ýaly özüne diýseň çekuwjy zatdan saklanyp bilýän bolsa, bu amaly onuň iman güýji, erada, özüne bolan güýçli erk we yhlasyna delildir. Has hem şol günäden saklanmagyň şertleri özüne çekuwjy we gizlin bolsa, sogabam şonçada artýar. Bu hadysda şonuň aňry başy beýan edilýär. Size özüni binika teklip edýän hem baý, hem asylly, hem owadan we üstesine özi razy bolup sizi çagyrýar. Hiç kim görenok we eşidenok, siziň diňe „hawa“ diýmegiňiz ýeterlik. Ana şonda kalbyňyzdaky Allahdan bolan gorky bilen saklanmany başarmak gaty uly derejede sogapdyr. Bu hemmelere başartmaýan amaldyr. Şu günki şohwetden kellelerini, edep-haýa, ar-namys, erkeklik derejesini we musulman agraslygyny ýitiren adamlara seredip göriň. Aýal-gyzlaryň razylygyny gazanmak üçin, zyna iş üçin özleri it ýaly ylgaşyp ýörler. Şöhwet musulmanlaryň iň gowşak ýeridir, oňa garşy diýseň seresap bolmak gerek. Onuň üçin imanyňy berkitmek we öz erkiňi güýçlendirmek gerek. Ýogsa bu kesele garşy duryp bilmek diýseň kyn bolar, has hem şu bozgak eýýamda we zynanyň adaty zat bolup galan zamanynda kyn bolar.. 6)Sadakany sag eli bilen berenini çep eli hem duýmaýan derejede bolmak diýmek, sadakany diňe Allah (jelle jelaluhu) üçin berýär we hasaplap durmaýar, gowulyk edensoň derrew unudýar. Muzduny we sogabyny diňe Allahdan (jelle jelaluhu) garaşýar. Onuň amalynda birjik hem riýa ýada başga bir bähbitli pikir ýokdyr. Ol gysgançlyk näme, riýa näme we abraýa kowalaşmak näme... ol zatlary bilmez. Onuň kalby päkdir we bütin amallary halys Allah (jelle jelaluhu) üçindir.. 7)Ýedi sany halas boljak toparyň iň soňkysy, ýekelikde Allaha (jelle jelaluhu) ybadat edýän bendedir. Ol Allah (jelle jelaluhu) gorkusyndan gözýaş döker, sebäbi onuň diýseň inçe, duýgyr, edep-haýaly we iman doly näzik kalby bardyr. Onuň ýekelikde ybadat etmeginiň sebäbi bolsa iň howply kesel bolan riýadan goranmak we öz Robby bilen ýekelikde muhabbet etmek, Oňa içini dökmek, syr we dertlerini paýlaşmak, dileg we sejdeler etmekdir. Bu bolsa şu adamyň Allah Tagala bilen dost bolup bilendigini aňladýar. Siz Allah (jelle jelaluhu) üçin iň soňky sapar haçan gözýaş dökdiňiz? Eý musulman dogan, Kyýamat güninde masgara bolmazlyk üçin, bolmanda Allah Tagalanyň söýýän şu 7 waspyndan birini bir edin . Belki Allahyň rahmeti bilen bagyşlanarsyňyz InşAlla.
👍
siz bu zatlary nirden tapyanyz ya terjime etyaniz mi?
badygyny menem bilyan türkmen dilin de dal yöne ...
NESIP BOLSA TURKMEN DILINDEDE HEMME ZADAM BOLR JANYMYZ SAG GEZSEK
bolmajak zat dal ...yöne sorgama jogap daldi...
ha ... eger internetden alyan bolsanyz diyip soradym köp sag bolun paylaşnyz üçin...
Shu punktyny gaty halayan welin, arman turkmenlerde kan yayran dal sheydip sadaka bermek...Hokman gonshylaryna, tanyshlaryna bildirmek isleyar kopusi...(IMHO)
Elleriñize saglyk. 🙂
Enshallah! Bizler ýaly nacharlarada shol ýedi toparyñ biri bolmak miýesser eýlesin.
Ämin!
Ýöne Shukur aga Allah intäk meniñ bir janymy almasyn. Sebäbi meniñ günäm kän. Ýañy bir bishmedik alma ýaly:-(
Adam uyshirilip berilyan Hudayolylaryn sogaby na derejedeka onsonam? Sadaka diylen zady, tanysh bilishlerin arasynda in garyp adama, sho sadaka in matach adama bermeli welin, turkmen aga chorba bishirip, ozalam dok gosnhylaryny chagyryp sholary doyyryp goywerayyara...
Османы рулят :-)
блин, линк забыл поставитьhttp://www.teswirler.com/index.php?q=blog&view=949
Hadysda gaty gowy zatlar belli edilýär.
Pgs agza bişmedik alma bolmak ýene ýagşy, çüýräp başlan alma bolsaň şol erbet. Alah gorasyn.
vadimtorin:
Allah razy bolsun Shukur dost. Dowamy bereketli bolsun.. menem shu hadysyn bashgarak wersiyaly dushundirishi goymak isleyan. Pygamberimiz s.a.w. aydypdyrlar:
Ýedi
hili kişi, Allah tagala olary öz (rahmat) kölegesinden başga saýa ýok günde
(kyýamatda) öz (rahmat) saýasyna alar: 1) Adalatly häkim, 2) Allah ybadatynda
ösüp ýetişen ýigit (gyz), 3) Ýüregi mesjit bilen badaşan kişi, 4) Allah
ryzalygy üçin dost boluşanlar, 5) Sahyp jemal aýal bozuk niýet bilen özüni
teklip edende (men Allah tagaladan gorkýaryn) diýip özüni saklan adam, 6) Ýaşryn
sadaka berýän, sag eliniň bereni sol eli duýmaýan kişi, 7) Allah tagalany çola
ýerlerde ýatlap gözünden ýaş dökýän adam.
Resulullah tarapyndan
sözlenen bu sözler şu kişiler üçin örän uly söýünçdir. Hakykat halda bu hadysda
aýdylan adamlar şeýle hoş habarlara mynasypdyr. Ýaş ýigit bedendäki kuwwat
kämil bolan wagty, nebsiň bozuk maksatlaryna garşy durup, ybadat bilen meşgullanmak
Allah tagalany tanamaklygyň we özüniň bendeligini ykrar etmekligiň nyşanydyr.
Adam oglunyň göwni mesjit küýsäp durmagy şonuň ýüregi päk
imany kämilliginiň delilidir.
Sahyp jemal (owadan) aýalyň bozuk niýetli çakylygyny
kabul etmezlik günäniň zyýanyny aňlamak, Allah ryzasyny hylap (ters) işlerden
saklanmagyň gymmatyny bilmek we Hudaýdan gorkmagyň alamatydyr.
Dostlaşmak – agzybirligiň iň uly sebäplerindendir.
Allahyň ryzalygy üçin dost bolujylar ittifak (birleşik) binasynyň düýbüni
tutujylardyr. Ýaşryn sadaka bermek, bütin umydy Allah tagalaga baglamak, haýyr
hasanatyň muzduny tenha (diňe) Özünden islemegi hemme zatdan öňde tutýanlygynyň
nyşanasydyr.
Gijeler, säher çagy, çola ýerlerde Allah zikrinden
täsirlenip dideleriň ýaş dökmegi, ýürek ýukalygyna we bendeçiligi yhlas bilen
berjaý etmekligiň alamatydyr. Şu sebäplere görä şu ýerde ýatlanan adamlaryň her
biri ummasyz hormatlara sezewar bendelerdir. Bu hadysda aýdylan adamlardan
başgalaryň-da kyýamat güni arşyň saýasynda boljaklary hakynda hadyslar bar. Şoňa
görä bu ýerde aýdylan „ýedi“ sözi şulardan başgalary nefi (gaýtarmak) üçin
däldir.
Gownum yetdi
Shukur bularyng hemmesini berjay edendir, ol eyyam Allasynyng kolegesinde bolmaly shu wagt!? 🙂 Bu sebapden indi Shukuring guburyna baryp aglamagyngyz we ony Allasy jennete goysun diyip dileg etmegingiz hem gerek dal bolmagy ahmal! Eger goni jennete alynandygyny bilseler, belki Shukure hem pir zat diyip ahli adamlar onung guburyna hem gelip bashlmagy hem mumkin yone! 🙂 🙂
senem shular ýaly realny wagyz ederler agam, onsoñ bizem siziñ üchin Beýik Allamyzdan ýagshy dogalar dilärdik.
Sylapmen jan agam yzymdan gaýtala hany kyn däl.
LÄ ILÄHE ILLALLAH
MUHAMMEDEN RESULLALLAH.....
Aý berekella. Hany ýene.