!!!!!!!!!
Salam hormatly
agzalar, dostlar!!
Men bu temany
açmagymyň sebäbi, meniň gündeki günümdir! Bilmedim, bu barada öň hem tema
açylan bolmagy mümkin, men soňky 4,5 aý bäri teswirler-de açylýan temalar hakda
hiç hili habarym ýok, internete girmäne hiç hili mümkinçilim galmady. Şu temany
hem gijäniň bir wagty ýa-da merkezi şähere gulluk zerurlygy bilen giden döwrüm
teswirlere goýan bolmagym hem mümkin.
Häzirki ýazylan
hatlaryň şriftleri üýtgän bolmagy mümkin, bilmedim. Sebäbi, men ençe günläp,
her abzasyny bir gün WORD-da ýazyp, soň copy-<span lang="HR" style="mso-ansi-language:
HR">paste edip geçirdim. Pikirler garyşan bolmagy mümkin.
Şu temada
gozgaljak tema meniň juda janyma degýär welin, nämeden başlajagymy bilemok.
Munuň başlanmagy hem tutuş Türkmenistanda ullakan waka bolan MTS (BCTI) Aragatnaşyk kompaniýasynyň işiniň (ilata
aragatnaşyk hyzmaty etmeginiň) togtadylmagydyr. Men bu hakda öň hem (aglap,
aglap) birnäçe teswir ýazypdym, bu tema hem onuň doldurgyjy bolar öýdýän.
Men asla hiç zada
garşy däl. Ýöne, MTS-iň ýapylmagy bilen ALTYN ASYR milli Öýjükli Aragatnaşyk
Kompaniýasynyň paýyna (asla paýyna däl, üstüne) düşýän ýüküň Altyn asyr
kompaniýasynyň asla göterip (üpjün edip) bilmejek aragatnaşyk hyzmatlary –
ýagny, häzirki bolup geçen we köp çetki obalarda, etraplarda bolýan ýagdaýlaryň
juda ýaramazdygyny we öň dünýä belli MTS kompaniýasynyň terbiýesinden
terbiýelenendigim (beýle diýmegim – islän hyzmatlaryň öz eliňde, balansyňy
islän wagtyň barlap, analizläp bolýar, her dürli tarifler bar, her dürli
tarifleri islän wagtyň geçip bolýar, gysgaça aýdanymda şu günkiden müň esse
gowy we ş.m…) sebäpli, maňa bu bolup geçen öwrülşikler juda agyr düşýär, has
agyr düşýär. Ýokardaky görkezen sebäplerim diňe bular däl-de, ýene bir zady
buda – Altyn asyr kompaniýasynyň gurýan bahalary… Bu nähili döwür boldugy, „her
zamanda bir zaman“ diýýärler welin, bu zaman edil meniň şahsy özüm üçin juda
agyr düşýär. Sözüm gury galmaz ýaly, durmuşymdan mysal hem getirip biljek:
– men bu temany açmazdymam,
eger uzakdan bir gyz bilen halaşmadyk bolsam, emma şeýle boldy. Men muňa gynanamok,
diňe begenýän. Aýtjak bolşum, ara daş bolsa-da, telefon aragatnaşygy gowy
bolýardy, MTS döwri men söýgülim bilen günde 7-8 sagatlap gürleşýärdim, hemişe
onuň ýanyndadym, gürleşmesemem, onuň bilen köplenç baglydym. Gijelerine onuň
demini eşidip uklap, ertirlerine onuň oýarmagy bilen oýanýardym. Aýdaky telefon
aragatnaşygyna çykarýan çykdaýjylarym 140$-a çenli ýetýärdi. Ýöne, bu oňa
degýärdi. MTS ýapyljak habary köp geldi, emma ynanman gezdim. Näme, il arasynda
içi köýgünçleriň (MTS-iň bahalaryny juda gymmat görýänleriň) çykarýan
gürrüňleridir öýtdüm. Sebäbi, ile mugt berseňem az görjekler… Ine, indem
ahyrynda 21.12.2010-njy ýyl güni bolsa,… men bolan ýagdaýa juda gynandym, has
gynandym. Edil elimden barmaklarym ýa-da kellämden beýnim alnan ýaly boldy. Öňküligim
ýokdy mende-de, söýülimde-de. Ilki-ilkiler altyn asyra geçen wagtymyz ýagdaýyň
agyrdygy kän bir bildirenokdy. Soň-soňlar ähli mts-iň abonentleriniň altyn
asyra geçmegi – ýeke-täk aragatnaşyk ulgamy bolan altyn asyr aragatnaşyk
kompaniýasynyň hyzmatynyň hiliniň juda peselmegine getirdi. Il arasynda
aýdyşýardylar, „100-150-200 gezekde 1 gezek jaň edip bolýar…“ diýişip. Men
beýle ýaramaz aragatnaşygy asla görmedim.
Ýene bir zady hem
öňem aýdyp geçdim,
Altyn asyryň
bahalary, munda hiç hili ýeňillikler ýok;
Islän wagtyň jaň
edip bolanok;
Tolkun dürs
bermeýär;
Gürleşip otyrsyň,
arasyndan glýuk-glýuk edip, başga bir adam kesip orta girer;
Altyn asyryň
ofislerine (ofisler, ehhh… ofisler, bary ýogy birje ofis bar her etrapda) operatorlarynyň
ýüzleri çiňňän…Bir gün söýgülim bilen duşuşyk güni şäherde bir ýerde duşmaly diýişdik, soň wagty gelende, jaň edýän, jaň gidenok, ýanymdaky dostlarymyň 2-si hem aýlaýar, emma hiç jaň gidenok, sagat 11 bolup ötüpdi gündiz, Allajan indi duşuşyp bilmezmikän öýtdüm, altyn asyrdan peýda bolmady, soň başga zapas ýerimiz bardy, şol ýere tukatlanyp baryp durkam, alymdan söýgülim çykdy. Aýtjak boluşym, men-ä nä ýaş oglan, duşuşmak, söýüşmek ol bir juda bir möhüm iş däl, a ine doktora günüň düşse, bir aýagyň o dünýede bolsa, şonda näme etmelikä!Ehhh... Allajan! hernä gowulyk bolsun! eger öte geçen bolsam bagyşlarsyňyz, meniň durmşymyň azajyk bölegi...
şu temany 3 hepdeläp ýazdym, ýazanda 1 günde ýazardym welin, internete (teswirlere) atmana mümkinçilik bolmady, ine indem, 20.04.2011-nji ýyl güni sagat 02:12... Irikmän okanyňyz üçin MINNETDAR!
Arhiwiň ýagdaýy
● Doly tekst
● 13/13 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 13
ay sana-da Alla kuwwat bersin
okamana yaltandym
aydyan zatlan dogry. eger howlukmach, juda mohum ish chykanda ana shonda ishlemese gan agladyar. ai name etjek adam pahyryn boyun bolmajak zady yok. muna-da owrenshers
gyssanma, onkiden has gowy boljak bolyar. hokumet diyen zadam has tupoydyr oytman, mts kowdy diyip...
telefonun name zatdygyny bilmanem yashapdirlar.
telefona kelle agyrdanyna degenok, has has mohumrak aladalar bar.
Buda gecer,sabyr et,sabyrly gul dura-bara sat bolar.
Hah!
Telefony onaryp bilenoklar, galan zada guyji yeter oydyanmi?
ay dos gynanch bildiryan o zatlary indi sen ya men duzedip bilmeyan nesip bolsa hemme zat gowulashar
Howalay bir gyz diyip telefona 140 dollar sowyan bolsan dogey edipdirler MTS yapip.
Aý hawa şu altyn asyryň swýazyndan ýaňa menem ýadadym, birine jaň etjek bolsaň, jaň edenden ýanyna gidip geleniň has tiz we aňsat bolýa. Şäherden welaýatlara jaň etjek bolaýsaň olaaa woobşe bolýa. GYssagly habarlar, göni bir hepdeden eşidip bolýa. Aý hawa nätjekdä buda düzeler diýip umyt edäýmesek. UMYTLY ýaşamaly!!! 👍
Dost menem sen gunune dushdum. MTS-sa beryan pulun 3-4 essesini beryas indi. Pula hich-le welin jan edip gurleshjek bolsan....