Minskidäki partlamada türkmen studenti ýaralandy
Azatlyk Radiosynyň Belarusdaky çeşmesiniň beren maglumatyna görä, 11-nji aprelde Minskiniň metrosynda bolan bomba partlamasynda Türkmenistanyň raýaty Haýdar Çaryýew agyr ýaralandy.
18 ýaşly Çaryýew Belarusyň Maglumat we radioelektronika Döwlet uniwersitetiniň 1-nji kursunda okaýar. Şol terrakt boýunça “gyzgyn liniýanyň” wekiliniň Azatlyk Radiosyna beren maglumatyna görä, Haýdar Çaryýew “Tiz kömek” hyzmatlaryny edýän 1-nji keselhananyň reanimasiýa ýagny, agyr hassalar bölüminde ýerleşdirilipdir.
Şol keselhananyň baş lukmanynyň orunbasary Gražina Şeýko Azatlyk Radiosyna Haýdar Çaryýewiň ýagdaýynyň agyrdygyny aýtdy: “Häzirlikçe Çaryýewiň saglyk ýagdaýy agyr. Emma entek janyna howp abananok. Ol köp ýerinden ýaralanypdyr. Onuň döwük-ýenjigi hem köp. Çaryýew reanimasiýa bölüminde we oňa spesialistler, trawmatologlar seredýärler. Onuň ýanyna Türkmenistanyň Minskidäki ilçihanasyndan geldiler we häzir ýanynda ene-atasy hem bar. Ol häzirlikçe keselhanada galar we soňra näme etmelidigini ene-atasy çözer. Eger olar Çaryýewi Türkmenistana alyp gitmek kararyna gelseler, biz olara kömek ederis”.
Azatlyk Radiosynyň Belarusdaky çeşmesiniň tassyklamagyna görä, 18 ýaşly Haýdar Çaryýewiň bir aýagyny kesipdirler. Türkmenistanyň Minskidäki ilçihanasynyň sekretary Azatlyk Radiosy bu meselede sorag berende, şol bomba partlamasynda ýaralanan Türkmenistanyň raýaty barada özlerinde maglumatyň ýokdugyny aýtdy. Belarusyň häkimiýetleri adam pidalaryna getiren bomba partlamasyny amala aşyranlykda şübhelenýän iki adamyň tussag edilendigini habar berdiler. Ýurduň içeri işler ministri Anatol Kulýaşou ministrligiň işgärleriniň ýokary hüşgärlik režiminde işleýändiklerini Minskide geçen metbugat konferensiýasynda aýtdy.
“Ministrligiň ähli işgärleri ýokary hüşgärlik režiminde işleýärler. Olar, hususan, adam köp ýerlere uly üns berýärler. Hut şu maksat bilen biz goşmaça patrullary, güýjümizi, mümkinçiliklerimizi, serişdelerimizi peýdalanýarys” diýip, Kulýaşou nygtady.
11 nji aprelde Minskiniň metrosynda bolan bomba partlamasyndan soňra, Gyrgyzystanyň we Täjigistanyň Daşary işler ministrlikleri bu wakada ýaralananlaryň ýa-da heläk bolanlaryň arasynda öz raýatlarynyň ýokdugyny habar berdi. Emma Türkmenistanyň Daşary işler ministrligi entek hiç hili maglumat ýaýratmady.
Çarşenbe güni Türkmenistanyň prezident Berdimuhamedow Minskiniň metrosynda bolan terror hüjüminde ölenler we ýaralananlar bilen baglanyşykly Belarusyň prezidenti Aleksandr Lukaşenko öz gynanjyny bildirdi.
Belarus resmileriň aýtmagyna görä, 11-nji aprelde bolan partlamada 12 adam ölüpdir, 150-den gowrak adam ýaralanypdyr we olaryň 22-si juda agyr ýagdaýda.
dostlar ine elhench yadaylang biri:(
Arhiwiň ýagdaýy
● Doly tekst
● 51/51 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 51
Sad, gutulsyn sag-aman...
@garagologlanjyk
iki sany minusy men berdim.
zyyany yok dos bass
senem basss doz zyyany yok
gynandym, Allajan ozu komek etsin, gutulsynda sag aman.
indi shol oglana gerek dermanlary,wyrajyng pullaryny belarusya beryamika yada bizing dowletimiz yada oz ene atasy beryamika?
Alla $ypa bersin.
menem goyandyryn ilki 2sanynga yone indi bolly edingda minus goymangyzy!
Terakt bolan ýagdaýynda hemme çykdaýjyny hökümet çekmeli, dazhe kompensasiýa tölemänede borçly!
oz dowletimizmi ya belarusyamy?
Lukashenko!
Alla bardyr, hemmesi gowy bolar
Allam derdine derman bersin
Wah, tölänlerinde näme, ol bir aýagyndan dyndy ahyry. Maýyp bolmak ölümdenem agyr jeza. Ölen bolanlygynda-da beýle gynanmazdym, emma aýagyny kesipdirler, şuňa has-da gynandym.
dost agzyngdan hayyr ach how olen bolsa diymeda!1ayaksyz bolsada ene-atasynyng yanynda hazirem agyr degyandir ene atasyna yone hazir olen bolsa ene atasy naderdi?oz chagang olumini gormeklik nahili elhench zat Huday saklasyn Allajan gorapdyr intagem.:(
Ine, Haydar Charyyew shu oglan, 1992-nji yylyn 24-nji Oktyabyrynda dogulan. Alla shypa bersin!
Ayhan, nireli bu oglan?
Turkmenabat.
Ayhan, indi azatlygy yigrenyanler shu maglumaty dowlet habar berish serishdeleri cykarmany ucin azatlygynam cykaryany ucin yigrenmeklerini bes edip halasynlar diyyanmi?
Olar dowlet habar berish serishdeleri pes bolany ucin ya-da azatlygyn has kop habar beryani ucin azatlygy yigrenmedilera.. Azatlygyn kabir habarlaryn ustunde goyyan kommentlaryny we shahsy pikirlerini halamayandyklary ucin yigrenyarler.