Menin yigit wagtym senin gyz wagtyn

Haçanda şu goşgyny okamda mönnürip mönnürip aglasym gelya. Durmuşuma giren, çykan, girmek islemeyan hemme gyzlar yadyma düşyar we olara gawy edip söwyan. Şeydip iç sowatyan.

Gaññalyñ oýunda-Tejende galdy

Meniñ ýigit wagtym,seniñ gyz wagtyñ

Okgeçmez ýylgynlañ içinde galdy

Meniñ ýigit wagtym,seniñ gyz wagtyñ

Bir ýandan uruşdy,bir ýandan hasrat

Hasrat bolçylykdy,hezillik gahat

Şol ýowuz ýyllara gelipdi gabat

Meniñ ýigit wagtym,

Seniñ gyz wagtyñ.

Däriler ýanýardy,ys köpelýärdi

Gidýänler gidýänden has köpelýärdi

Toýlar azalýardy ýas köpelýärdi

Meniñ ýigit wagtym,

Seniñ gyz wagtyñ.

Söýüşmek düşmejek ýalydy ýada

Emma söýgi diýen jadyly zada

Höküm etmez hiç hili kada

Heniz ýigit wagtym

Heniz gyz wagtyñ

Diýerdim: "Geregim,çen boldy oýlan!

Ähli boýdaşlaryñ başlary boglan"

Sen diýerdiñ:"Garrap barýarmyñ oglan?

Äwmañ öz bagty bar,

Sabyryñ öz bagty!"

Boýnuñdan gelerdi jeññeliñ ysy

Goýnuñdan urardy tümlügiñ ysy

Demiñden kükrärdi müñ gülüñ ysy

Meniñ ýigit wagtym,

Seniñ gyz wagtyñ.

Kem-kemden golaýlap lebiñe lebim

Çabrap başlanda demiñe-demim

Näz bilen iterdiñ:"Hany edebiñ?

Söýgi bulaşmazmy

Edep az wagty ?"

Oñuşmaly bordum saçlaryñ ysgap

Leb gadagan wagty-olam bir hasap

Ýöne beýle hasap düşmezdi añsat:

Hasap ýitýän eken

Dyzba-dyz wagtyñ.

Çykarmy ýadymdan şol täsin pursat?

(Çykjak bolaýsa-da bermen rugsat !)

Gursagmyñ üstünde gürsüldäp gursak,

Keteniñ içinde gyzyl köz wagtyñ

Sagatlar tiz geçdi,tiz geçdi şeýle,

Ýañja-da guşlukdy,bolupdyr öýle.

Sen diýdiñ:"Pylan jan,gaýdaly öýe,

Ýigdiñ öz wagty bar

Gyzyñ öz wagty