KLASDAŞ OGLANLAR KLASDAŞ GYZLAR

Dürli ýatlamalañ içinde galdy
Klasdaş oglanlar, klasdaşgyzlar.
Gije ak pişmesin seçende galdy
Klasdaş oglanlar, klasdaşgyzlar.
 
Yzyma öwrülip seretsem bir ýan
Tolkun atyp ýatan bir umman görýän.
Ýarysy deñizdi, ýarysy derýa
Klasdaş oglanlar, klasdaşgyzlar.
 
Bagtly aýdym bagtly günde aýdylar
“Olar bir-birini dogan saýdylar”
Hasratly gün kalba şatlyk çaýdylar
Klasdaş oglanlar, klasdaşgyzlar.
 
Hoşlaşmaly eken ahyr bir güni
Bagtsyz saýdym şondan soñra her güni.
Bagymyzyñ täze açan ter güli
Klasdaş oglanlar, klasdaşgyzlar.
 
Bagşy gelsin, sazyn çalsyn- toý bolsun,
Göripleriñ bar edeni köý bolsun.
Haýyr işi etmäweriñ goýbolsun
Klasdaş oglanlar, klasdaşgyzlar.
1996