MYŞ MYŞ!

Pikirlendiriji degişme bolany sebäpli Umumy gürrüňdeşlik bölümüne goýdym. Belki öň eşidenleriňizem bardyr bu degişmäni.

Döwlet edarasynda bölüm başlygy bolup işläp ýören bir
adam günleriň birinde işden öýüne ýadaw gelýär.

Öýe geläýen badyna aýaly oňa ýüzlenip: “Eşidýäňmi kakasy
seniň bahym wezipäňi ulaldyp edaraňa ministr edip bellejeklermiş. Habaryň barmy?”.


Adamsy bolsa aýalyna: “Kim diýýäraý ony, goýsana heýem
meni ministr edip bellärlermi?” diýýär.

Aýaly: “Ýok kakasy köçäň aýýallary eýýäm myş myş
ýaýradyp ýörler, seni bahym ministr wezipesine bellejeklermiş diýip”.

Adamsy: “Goýsanaý köçäň aýallary näbilsin olar diňe
gybatdan başga zat bilenoklara?” diýip aýalyna hüňňürdeýär.

Belli bir wagt geçenden soň hakykatdanam şol adam
ministr wezipesine bellenýär. Ministr wezipesinde işläp ýören ol adam her günki
boluşy ýaly ýadaw işden öýüne gaýdyp gelýär.

Öýe geläýen badyna aýaly oňa ýüzlenip: “Eşidýäňmi kakasy
seni bahym para alanyň sebäpli türmä basjaklarmyş (demir gözenege salmak) diýip
köçäň aýallary myş myş ýaýradýala?”.

Adamsy: “Goýsanaý
köçäň aýallary näbilsin olar diňe gybatdan başga zat bilenoklara?” diýip
aýalyna hüňňürdeýär.

Esli wagt geçenden soňra hakykatdanam şol adam para
alanlygy sebäpli türmä basylýar.

Esli wagt geçenden soňra aýaly äriniň yzyndan (zyýarata)
habar tutmana türmä barýar.

Aýaly: “Kakasy gözüňü aýdyň Gadyr Gijesi mynasybetli amnistiýa
yglan etmek barada karar çykypdar onam düýn gazýetlerde we telewideniýede
aýtdylar senem nesip bolsa öýe dolanyp gelersiň”.

Adamsynyň bolsa ýüzi hem üýtgemän aýalyna: “Keýwany sen
telewideniýe we gazýetler bilen işiň bolmasyn sen maňa köçäň aýallary näme
diýýär şony aýtsana?”.