Tm kino sungaty
Salam hemmelere! Tm kinolaryndan bilyanlerimizi sanalyng we pikir alyshalyng, kino sungatymyz osyami ya beyleki orta aziya dowletlerinden yza galyasmy? "ashyr aganyn hotjetligi", "jadyly kunji", "kechpelek", "aygytly adim", "akpamyk", "tentek (ohlamon)", "yartygulak", "shayly gelin", "mening dostum melegush", "mahrem chynar", "chagaly oy bazar", "zohre-tahyr", "mahri-wepa", "ak gushung owazy".... Sizem oz bilyanleringizi yazyng we olary ozbek, gazak kinolary bilen dengeshdireling...
Tm kino sungaty osyami?
Yok, gaty yzda(47%, 10 adam)
Hawa, boljak(23%, 5 adam)
Turkmenlerde de kino bamy?(28%, 6 adam)
Arhiwiň ýagdaýy
● Doly tekst
● 58/58 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 20 maý 2012 ý. · Asyl sahypany gör ↗
Teswirler 58
😉
yone hokumet ishgarleri dillerine cholayarlar diyaymesinler 😆
hawa kanem aytmalyn 😆 bilemizok, goremizok 😆
Türkmen kino sungatynda iň şowly çykan filmler Gelin, Şükür bagşy. Siz kino baha bereniňizde onuň göterýän ýüküne-de bir serediň-ä. Şükür bagşy diňe saz, dutar barada däl. Ol ýerde diňe bir adamyň däl, tutuş milletiň ykbaly hakda gürrüň berilýär. Filmiň düşürilişi, çeperçiligi, mazmuny, aktýorlaryň ýerine ýetirijiligi, obrazlaryň inçeden yzarlanylyşy professional derejede. Iň esasy zat, döwrüň real keşbi we durmuş hakykaty örän çeper beýan edilipdir. Ol ýerde millilik, dostluk, söýgi, ýaşaýyş ugrunda göreş, durmuş pajygalary arassa sungatyň dilinde janlandyrylypdyr. 40 ýyl mundan ozal düşürlendigine garamazdan, film ideýa jähtden yrga däl. Men şeýle pikir edýän: bir Şükür bagşyň göterýän ýüküni Maýagözel ýaly 10 kino-da göterip bilmez. Ýa meňki nädogrumy?
Yurejigimden turdunay kab jan...bar ekenay...
Yok, meňki nädogry bolsa, siz nädogry diýiň. Subut ediň. Her kimiň bir hili düşünjesi bar. Arassa gürrüň edeliň!
Hazir ussat kinoaktyorlaryn hemmesi dashary yurda gitdi yada kopusi zor bilen cykaryldy. Halkyn an dushunjesini oynaymasynlar diyip. Indi welin medeniyet institutyndan bolar bolgusyz kelpen yaşlar yetishyar...gulmek ya bir dushunje almaga beylede dursun, yuregin bulanyar...Medeniyetnkiler gaty gormesin, bu sizin gunaniz dal..dowur sheylerak bolduda ...hayp!
Hatda Shukur bagshy yaly kinolary hazir hem gorkezip bilenoga TV. Adamlaryn yurek damaryna inaymesin diyip..
Shukur bagshy kinosynda bir yeri bar: Han elindaki gylyjy bilen agachdaky gushun howurtgesini pytyradyp, yanyndaky dindar oglana....Hany ayt! Indi menin adymy kim tutar, menin gozum gapylarmy diyyar...sho yerde yaman cun many bar...sho yerini we bashgada kabir yerlerini kesip bolmanson, arhiwe zynyp goyberdiler oydyan..
Men Golliwudyn kinolaryna hem seredyän. Dogry zada dogry diýmeli, amerikalylaryň operatorçylyk işine söz ýok. Ýöne olar kino sungatyny biznese öwürdiler. Olaryň kän filminde, sungatyň dili bilen aýtsak, janly ADAM ýok. Eger adam bolmasa, onda adamyň ykbaly nädip bolsun? Sungatyň islendik ugrunda birinji planda adam bolmaly! Elbetde, niýetiň biznes bolsa, ol ýerde sungat döredip bilmersiň. Siz orslaryň Tihiý Donuny, Kalina Krasnaýasyny gördüňizmi? Ana, hakyky sungat eseri!
Men kino diýilýän zada şeýle düşünýän: sungat hiç wagt güýmenje bolmaly däl. Emma gynansak-da, juda köp pul sarp edilýähdigine garamazdan, Golliwudyň, Jeki Çanyň boýewikleri, hindi kinolary, şeýle-de fantastiki kinolaryň köpüsi güýmenje. Tomaşaçylaryň köpsanlysynyň görýänligi ol kinolaryň sungat eseridigini asla aňlatmaýar. Deňeşdirmek üçin: pelsepeçil ýazyjy eserlerim okalanok diýip, filosofiki eser ýazmasyny goýup, ýeňil, gyzykly okalýan, şüwleňli, şol bir wagtyň özünde-de, manysyz, duzsuz, durmuş hakykatyndan uzakda bolan güýmenje kitaplary ýazyberse, nähili bolar? Edebiýat, sungat ösermi? Meň diýmekçi bolýanym, okyjylarynyň köp bolmagy kitabyň, eseriň gymmatyny artdyryp bilmez. Sanaýmaly okyjysy bolan kitaplaryň içinde hem şedewr bolup biler.
Türkleriň düşürýän dini mazmunly kinolaryny gowy görýän. Ýöne biraz ýöntemräk gelýär... Men ýatan ýerimde akyl satyp ýatyryn welin, okaýan bir barmy? Ýa däli ýaly ýeke özüm samyrdap ýatyrynmy? Diňlenmeýän ýeriňde lal bol diýipdirler...
🙂 dinleyas...
Diňleýän bolsaň, dost, Prezidentiň täze kararyndan soň şu ugurda üýtgeşiklik bolarmyka diýýän. Ýöne kino düşürlende ömri uzak kinolar düşürilse gowy bolardy. Ýagny, maksadyň adamlary güýmemek däl-de, arassa sungat döretmek bolsa. Durmuş giň. Islän ýeriňden penjäňi urup, türkmen durmuşyndan gül ýaly filmleri döredip bolardy. Bize urşaganly kinolar gerek däl. Sada, emma manyly, adam ykballaryny çeper beýan edýän, maňzyňa batýan, ýatda galyjy, irizmeýän, Çashlawyň aýdyşy ýaly ukyňy tutdurmaýan kinolar bolaýsa...
Aý, how, Jenap Eros, o kino başdan-aýaga durşy bilen many. Ýekeje-de artykmaç söz ýok. Hanyň höwürtgäni pytradýan ýerinde şeýleräk söz bardyr: Han, sen öz häkimligiňden ýerliksiz peýdalandyň. Ejize ganymlyk etdiň. Şuňa-da düşünmediňmi?
Japbaklar Myradyn jadyly kitaby Yartygulak Asyr aganyn hotjetligi gowy oryan kinolarym😎
Kino diýilýän zat, umuman, sungat eseri aýagyny ýerden üzmese gowy. Oskary-beýlekini alsa, alybersin, Golliwudyň kinolaryna hakyky sungat diýip bolmaz. Sebäbi kino düşürenlerinde olaryň baş maksady pul gazanmak. Prokatlaryň ýagdaýyna seredip, güýmenje ýasaşyp ýatyrlar.