Şu günä diňe Annaberdi Atdanowy diňledim :)

Howwa, şu günä diňe Annabedi Atdanyň aýdymlaryny diňledim. Köneje türkmen aýdymlaryny diňlemek nähili gowy?! 🙂 Annaberdi Atdanowyň aýdym aýdyşyna, Alla tarapyn berlen sesine berekella diýesim gelýär! Diňledigiňçe diňläsiň gelýär.

Aşakda Annaberdi Atdanowyň aýtýan, türkmeniñ halk aýdymlaryna öwürlip giden aýdymlaryndan käbirleriniñ sözlerini ýazmakçy. Okap görüñ, goşgusyny okap, aýdyma hiñleneniñizi özüñizem bilmersiñiz. 🙂

Bibijan
Garagumy gülzar eýläp, sil gelýäle Bibijan,
Sala suwy dolup-daşyp, bol gelýäle Bibijan.
Teşne çölden salkyn şemal, ýel gelýäle Bibijan,
Içen suwuň dodagyňda, bal bolýala Bibijan.

Al-ýaňagyň meňzeýändir, Sumbaryň ter naryna,
Ak alkymyň Köpetdag deý, ak altynyň garyna,
Işiň bilen göreldesiň, gözelleriň baryna,
Aç gujagyňy, desse-desse gül gelýäle Bibijan.

Mydam maňa mähribandyr ülkämiziň ter-güli,
Bar güllerden saýlap-seçip, tapdym seni ter güli.
Läläm haçan myradyma ýeterin men bir güni,
Seň ugruňda ýürek-bagrym kül bolýala Bibijan.

Kirpikleriň gezäberseň bar mejalym gaçyşar,
Gözuç bilen gözläbersem söýgüm ot dek tutaşar.
Şirin-şirin sözleşmäge belki ýarym sataşar,
Indi aşyklaň arzuwy ýol alýala Bibijan.

Duýjak bolsaň söýgümi jan, synla ozal özümi,
Duýjak bolsaň söýgümi jan, diñle gazal-sazymy.
Ýaksa ýaksyn, çekeýin men, çekeýinle näzini,
Ýöne ýyllar ýyldan aşyp ýyl gelýäle Bibijan.

Keçpelek
Görüň bakyň keçpelegniň işini,
Keç bolansoň keçjallygna baş goýdy.
Maral hiç bakmady kowmy-hyşyna,
Kesip-kesip ýaralaryma duz guýdy.

Göýä artyk iýdi hüýrden-melekden,
Şol melege zulum ýetdi pelekden,
Teniň deşik-deşik boldy elek deý,
Gam girmäge, jan çykmaga ýüz goýdy.

Karar etdik bile barsak ikimiz,
Derýa gyrasynda batdy ýükümiz,
Jelul terk eýledeý pelek ýükümiz,
Men öler men siz bu zara gal indeý.

Dillen läläm
Açdym saña ýüregimi,
Çemen berdim gülden läläm.
Oýlamaga diýdiñ gitdiñ,
Tutdurman ýar goldan läläm.

Ondan bäri aýlar geçdi,
Eýýäm ara ýyllar düşdi.
Aşyk gözlem kän garaşdy,
Geçmediň hiç ýoldan läläm.

Sensiz gamgyn geçýär wagtym,
Başyn egýär gül daragtym.
Irde-giçde meniň bagtym,
Açylarmy dillen läläm.

Dört örüm saçly
Obamyzyň melegi,
Sen gözel hem bagtyýar.
Dolan aýyñ bölegi,
Däli koñlüm saña zar.

Dört örüm saçly,
Eý galam gaşly.
Görmedim sen deý,
Akylly başly.

Maral gözli lälik gyz,
Söz açaýsam näz edýär.
Misli tylla balyk gyz,
Gamgyn göwnüm ýaz edýär.

Dört örüm saçly,
Eý galam gaşly.
Görmedim sen deý,
Akylly başly.

Säher çyksa seýrana,
Ýatan guşlar oýanýar.
Dört örümniñ sazyna,
Leýli saçlar daranýar.

Dört örüm saçly,
Eý galam gaşly.
Görmedim sen deý,
Akylly başly.

Janym alar şol saçlaň,
Öpsemdim her taryny.
Ýarym örtüp ýüzüme,
Ýassyk etsem taryny.

Dört örüm saçly,
Eý galam gaşly.
Görmedim sen deý,
Akylly başly.

Gel obamyň lälesi
Tebigat beripdir saña bir ajaýyp gözellik,
Señ gözleriñ serbi boýlym şahyrlara gazallyk.

Ýüregimde ýalyn lowlar, görmesem men günde gyz,
Aşygyňy ýakma beýle, juwan kalby sende gyz.

Joralaryñ bilen çyksañ sähramyza seýrana,
Hemmelerden saýlanýarsyñ, meni goýup haýrana.

Ýüregimde ýalyn lowlar, görmesem men günde gyz,
Aşygyňy ýakma beýle, juwan kalbym sende gyz.

Gel çykaly, gel seýrana, gel obamyñ lälesi,
Goý başyn egsin bize jan, sähranyň gül-lälesi.

Ýüregimde ýalyn lowlar, görmesem men günde gyz,
Aşygyňy ýakma beýle, juwan kalbym sende gyz.

Aýly agşam
Ala ýazym, aýdym sazym,
Alkyş etdi owazym.
Aýly gije, aýy gördüm,
Gaýym boldy, bu derdim.

Kalbymyñ hany sen,
Hany-soltany sen.
Adyña men gurban.
Seniñ sapañ üçin,
Seniñ wepañ üçin,
Ölsem etmen arman.

Arzuw etdim, kän garaşdym,
Kän garaşdym men saňa.
Ak melekler, päk melekler,
Toý güni haýran saña.

Kalbymyñ hany sen,
Hany-soltany sen,
Adyña men gurban.
Seniñ sapañ üçin,
Seniñ wepañ üçin,
Ölsem etmen arman.

Sen gezer sen, ýat eder sen,
Ýaş ýüregim ýanyñda.
Señ jamalyñ, mähribanym,
Söýgi ody janymda.

Kalbymyñ hany sen,
Hany-soltany sen,
Adyña men gurban.
Seniñ sapañ üçin,
Seniñ wepañ üçin,
Ölsem etmen arman.

Ýara garaşýan
Törüñde açylsyn mahmal bägüliñ,
Gündizler-gijeler ýara garaşýan.
Yşgyna saýrasa saýrasyn dilim,
Bagymda gyzarjak nana garaşýan.

Çeper eken hala salan öýdümi,
Göwnüm açdy, aýdyp beren aýdymy.
Armanym ýok, bezäp bilse törümi,
Gyz göwni görkana ýara garaşýan.

Säher turup, ýüpek saçda elleri,
Ýakaly begresi ajap keşdeli.
Näme diýse öz dilinden eşde,
Jemaly nurana aýa garaşýan.

Biz çyksak meýdana, uzasa keşler,
Keşlerde ellerim saçlaryň çöşlär.
Şeýde-şeýde ajap geljegimiz başlar,
Toýumda çalynjak saza garaşýan.

www.turkmencafe.com/artist.php?id=20